నీరవ్ మోడీ బావమరిదికి సుప్రీంకోర్టు సూచన.. విదేశీ బ్యాంకు ఖాతాల యాక్సెస్ పై ఆరా..
నీరవ్ మోదీ కేసు: పరారీలో ఉన్న నీరవ్ మోదీ బావమరిది మనక్ మెహతాకు మంగళవారం సుప్రీంకోర్టు పలు ప్రశ్నలు సంధించింది, కొన్ని సూచనలు కూడా చేసింది. విదేశీ బ్యాంకు ఖాతాలను యాక్సెస్ చేసేందుకు కేసు దర్యాప్తు చేస్తున్న సిబిఐకి 'అధికార లేఖ' అందించాలని సుప్రీం కోర్టు సూచించింది.
నీరవ్ మోదీ కేసు: పంజాబ్ నేషనల్ బ్యాంక్ (పిఎన్‌బి) మోసం కేసులో నిందితుడు, పరారీలో ఉన్న వజ్రాల వ్యాపారి నీరవ్ మోదీ బావమరిది మనక్ మెహతా విదేశీ బ్యాంకు ఖాతాలను యాక్సెస్ చేసేందుకు కేసు దర్యాప్తు చేస్తున్న సిబిఐకి అధికార లేఖను అందించాలని సుప్రీం కోర్టు సూచించింది. నీరవ్ మోదీ ప్రధాన నిందితుడిగా ఉన్న పీఎన్‌బీ మోసం కుంభకోణంలో మెహతా కూడా భారీ మొత్తంలో డబ్బు అందుకున్నారని సీబీఐ ఆరోపించింది.
మెహతా తన, తన భార్య విదేశీ బ్యాంకు ఖాతాలకు డబ్బును బదిలీ చేసినట్లు దర్యాప్తు సంస్థ ఆరోపించింది. బ్యాంకు వివరాలను పొందేందుకు సిబిఐ నియమించబడిన అధికారికి అధికార లేఖ ఇవ్వవచ్చునని, ఈ వ్యవహారం ముగిసిపోతుందని, లేని పక్షంలో సిబిఐ అభ్యర్థనను కోర్టు అంగీకరించి దానిపై నిర్ణయం తీసుకోవాలని మెహతా తరఫు న్యాయవాదికి భారత ప్రధాన న్యాయమూర్తి డి.వై. చంద్రచూడ్ సూచించారు.
సీబీఐ ఏం చెప్పింది?
విచారణ ప్రారంభంలోనే సీబీఐ తరఫున హాజరైన అదనపు సొలిసిటర్ జనరల్ ఎస్వీ రాజు.. కేసులో ఇప్పటి వరకు జరిగిన పరిణామాలను ధర్మాసనానికి తెలియజేశారు. సీబీఐకి ఆథరైజేషన్ లెటర్ ఇవ్వాలని గతసారి మెహతా తరపు న్యాయవాదిని అభ్యర్థించామని, అయితే దానిని తిరస్కరించామని చెప్పారు. కాబట్టి తాము లెటర్ రోగేటరీ (LR) జారీ చేయవలసి వచ్చిందనీ.. అయినా ఎల్‌ఆర్‌పై ఎలాంటి స్పందన రాలేదని తెలిపారు. తాము దానిని ముందుకు తీసుకెళ్లమని రాయబార కార్యాలయానికి (సింగపూర్‌లో) లేఖ రాశామని తెలిపారు.
అలాగే.. ఈ విదేశీ ఖాతాలకు భారీ మొత్తం పంపినట్లు అనుమానంగా ఉందనీ, కాబట్టి .. బ్యాంకు.. తన ఖాతాకు యాక్సెస్ ఇవ్వడం లేదనీ, అతను విదేశీ పౌరుడు. అతని భార్య బెల్జియం పౌరురాలు, ఒక్కసారి దేశం విడిచి వెళ్లినా తిరిగి రాడు. మెహతా బ్రిటీష్ పౌరుడు మరియు అతని కుటుంబంతో హాంకాంగ్‌లో నివసిస్తున్నారని పేర్కోన్నారు.
ఇదిలా ఉండగా, మెహతా తరఫు సీనియర్ న్యాయవాది అమిత్ దేశాయ్ వాదిస్తూ.. మెహతా తరపు న్యాయవాది అమిత్ దేశాయ్ వాదిస్తూ, తన క్లయింట్ చాలా కాలంగా భారత్‌లో ఉన్నారని, ఎప్పుడూ సహకరిస్తున్నారని, సీబీఐ తప్పుడు ఆరోపణలు చేసిందని వాదించారు. మెహతా లేఖ ఇవ్వడానికి సిద్ధంగా ఉన్నారని, అయితే అతను మరో ఏడాది పాటు భారతదేశంలో ఉండాల్సి ఉంటుందని చెప్పాడు. తన క్లయింట్‌ను కొంతకాలం విడిచిపెట్టడానికి అనుమతించాలని అతను పట్టుబట్టాడు. PNB మోసానికి సంబంధించిన మనీలాండరింగ్ కేసులో ఎన్‌ఫోర్స్‌మెంట్ డైరెక్టరేట్ చేత ఆమోదించబడిందని రికార్డులను ఉదహరించారు.
సుప్రీంకోర్టు ఏం చెప్పింది?
మెహతాను దేశం వెలుపలకు వెళ్లేందుకు అనుమతించడం అంటే విచారణ లేకుండానే సీబీఐ అప్పీలును తిరస్కరించడమేనని సుప్రీంకోర్టు పేర్కొంది. అధికార లేఖను సీబీఐకి ఇవ్వాలని మెహతాను కోర్టు ఒత్తిడి చేయదు. ఇరు వైపుల వాదనలు విన్న అత్యున్నత న్యాయస్థానం తదుపరి విచారణను ఫిబ్రవరి 9కి వాయిదా వేసింది. గత ఏడాది ఆగస్టులో మెహతా హాంకాంగ్‌కు వెళ్లేందుకు, మూడు నెలల పాటు అక్కడే ఉండేందుకు అనుమతించిన బాంబే హైకోర్టు ఆదేశాలను సవాలు చేస్తూ సీబీఐ దాఖలు చేసిన పిటిషన్‌పై సుప్రీంకోర్టు విచారణ జరుపుతోంది.
