సమృద్ధి ఎక్స్‌ప్రెస్‌వేపై ఘోర రోడ్డు ప్రమాదం.. 12 మంది మృతి, 23 మందికి గాయాలు
Aurangabad: ఔరంగాబాద్‌లోని సమృద్ధి ఎక్స్‌ప్రెస్‌వేపై మినీ బస్సు కంటైనర్‌ను ఢీకొనడంతో 12 మంది మృతి చెందారు. అలాగే, మినీబస్సులోని 23 మంది ప్రయాణికులకు గాయాలయ్యాయనీ, వారిని స్థానికంగా ఉన్న ప్రభుత్వ ఆసుపత్రికి తరలించామని ఓ అధికారి తెలిపారు.
 )
FollowMumbai-Nagpur expressway accident: ఛత్రపతి సంభాజీనగర్ లోని ముంబ‌యి-నాగ్‌పూర్ సమృద్ధి ఎక్స్‌ప్రెస్‌వేపై వైజాపూర్ సమీపంలో ఆదివారం తెల్లవారుజామున వేగంగా వస్తున్న ట్రక్కు స్టేషనరీ ట్రక్కును ఢీకొనడంతో 12 మంది మృతి చెందగా, మరో 23 మంది గాయపడినట్లు పోలీసులు తెలిపారు. తీర్థయాత్ర ముగించుకుని బుల్దానా నుంచి ఛత్రపతి శంభాజీనగర్ (ఔరంగాబాద్) మీదుగా నాసిక్‌కు ప్రయాణీకుల బస్సు వెళ్తుండగా తెల్లవారుజామున 1.15 గంటల ప్రాంతంలో ఈ ఘటన జరిగింది.
ఈ రోడ్డు ప్రమాదం గురించి అధికారులు వెల్ల‌డించిన వివ‌రాలు ఇలా ఉన్నాయి.. మహారాష్ట్రలోని ఔరంగాబాద్ జిల్లాలో సమృద్ధి ఎక్స్‌ప్రెస్‌వేపై వారు ప్రయాణిస్తున్న బస్సు కంటైనర్‌ను ఢీకొనడంతో 12 మంది ప్రాణాలు కోల్పోయారని పోలీసులు తెలిపారు. ఈ ప్ర‌మాదంలో మరో 23 మంది గాయపడ్డారు. సమృద్ధి ఎక్స్‌ప్రెస్‌వేపై ఆదివారం తెల్లవారుజామున వేగంగా వస్తున్న మినీ బస్సు కంటైనర్‌ను ఢీకొట్టిందనీ, దీనిని గతంలో ఔరంగాబాద్ అని పిలిచేవార‌ని సంబంధిత అధికారులు తెలిపారు.
ప్ర‌మాద స‌మ‌యంలో ప్ర‌యివేటు బస్సులో 35 మంది ప్రయాణికులు ఉన్నారని అధికారి తెలిపారు. ముంబ‌యికి దాదాపు 350 కిలోమీటర్ల దూరంలో ఉన్న జిల్లాలోని ఎక్స్‌ప్రెస్‌వేలోని వైజాపూర్ ప్రాంతంలో తెల్లవారుజామున 01.15 గంటల ప్రాంతంలో ఈ ప్రమాదం జరిగిందని ఆయన చెప్పారు. వేగం ఎక్కువ‌గా ఉండ‌టంతో బస్సు డ్రైవర్ వాహ‌నంపై నియంత్రణ కోల్పోయాడు. దీంతో బస్సు వెనుక వైపు నుంచి కంటైనర్‌ను ఢీకొట్టిందని అధికారి తెలిపారు.
ఈ రోడ్డు ప్ర‌మాదంలో 12 మంది ప్రయాణికులు స్పాట్ లోనే చనిపోయారు. మృతుల్లో ఐదుగురు పురుషులు, ఆరుగురు మహిళలు, ఒక మైనర్ బాలిక ఉన్నట్లు తెలిపారు. మరో 23 మందికి గాయాలయ్యాయని, వారిని ప్రభుత్వాసుపత్రికి తరలించామని అధికారి తెలిపారు. బాధితులు బుల్దానాలోని ప్రఖ్యాత సైలానీ బాబా దర్గా వద్ద పుణ్యస్నానాలు ఆచరించి నాసిక్‌లోని తమ ఇళ్లకు వెళ్తుండగా ప్రమాదం జరిగింది. క్షతగాత్రులను ఛత్రపతి శంభాజీనగర్‌లోని ఆసుపత్రులకు, మరికొందరిని నాసిక్‌కు, కొన్ని క్లిష్టమైన కేసులను పూణేకు తరలించినట్లు అధికారి తెలిపారు.
ఇదిలావుండ‌గా, భారతదేశంలో రోడ్డు ప్రమాదాల్లో మరణించిన వారి సంఖ్య 2022 లో ఆల్ టైమ్ గరిష్టానికి చేరుకుంది. మరణాల సంఖ్య 1.68 లక్షలు దాటింది, అంటే రోజుకు 462 మరణాలు లేదా ప్రతి మూడు నిమిషాలకు ఒక‌రు ప్రాణాలు కోల్పోయారని టైమ్స్ ఆఫ్ ఇండియా నివేదించింది. రోడ్డు ప్రమాదాలు, మరణాలు, గాయాలకు సంబంధించిన డేటాను ఏటా అన్ని రాష్ట్రాలు, కేంద్రపాలిత ప్రాంతాల నుంచి క్రోడీకరించి ప్రచురించే రోడ్డు రవాణా, రహదారుల మంత్రిత్వ శాఖ ఇంకా బహిర్గతం చేయలేదు. 2030 నాటికి మరణాలను సగానికి తగ్గించాలని భారత్ లక్ష్యంగా పెట్టుకున్న నేపథ్యంలో రోడ్డు మరణాలు పెరగడం ఆందోళన కలిగిస్తోందని సంబంధిత వర్గాలు తెలిపాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
