యోగి సర్కారా మజాాకా : ప్రయాగరాజ్ మహా కుంభమేళాలో ఇక కరెంట్ కష్టాలుండవు
మహాకుంభ్ 2025 కోసం ప్రయాగ్‌రాజ్‌లో కరెంటు సదుపాయం పక్కాగా ఉంటుంది. కొత్త సబ్‌స్టేషన్లు, సామర్థ్యం పెంపు, భూగర్భ లైన్లతో నిరంతరాయంగా కరెంటు అందుబాటులో ఉంటుంది.
 )
Followప్రయాగ్‌రాజ్ : యోగి సర్కార్ ప్రయాగరాజ్ మహా కుంభమేళా 2025 కోసం ముమ్మర ఏర్పాట్లు చేస్తోంది. ఇందులో భాగంగానే భక్తులు, పర్యాటకులకు ఎలాంటి అసౌకర్యం కలగకుండా విద్యుత్ సరఫరా విషయంలో చాలా పక్కాగా వుంది. మేళా ప్రాంతం మొత్తంలో ఎక్కడా కరెంటు కష్టాలు కలగకుండా చూస్తున్నారు. దీనికోసం విద్యుత్ శాఖతో కలిసి మేళా అధికారులు పకడ్బందీ ఏర్పాట్లు చేశారు.
కేవలం కుంభమేళా కోసమే కొత్తగా రెండు సబ్‌స్టేషన్లను నిర్మించడమే కాదు మరికొన్నింటి సామర్థ్యాన్ని పెంచుతున్నారు. అలాగే ఇంటర్‌లింక్ లైన్ల నిర్మాణాన్ని కూడా చేపట్టారు. విద్యుత్ లైన్లను భూగర్భంలోకి మార్చే పనులు కూడా చేస్తున్నారు. ఇలాంటి ముఖ్యమైన పనులు వేగంగా జరుగుతున్నాయి.
రెండు కొత్త సబ్‌స్టేషన్ల నిర్మాణం
ప్రయాగరాజ్ మహాకుంభ్ 2025 కోసం గంగానది తీరంలో 132/33 కె.వి. సబ్‌స్టేషన్ నిర్మాణం జరుగుతోంది. ఈ సబ్‌స్టేషన్ మేళా ప్రాంతానికి, దాదాపు 2.50 లక్షల జనాభా ఉన్న పట్టణ, గ్రామీణ ప్రాంతాలకు (ఆవాస్ వికాస్, త్రివేణీపురం, సహసో, హేతాపట్టి) నిరంతరాయంగా కరెంటు సరఫరా చేస్తుంది. అదేవిధంగా న్యూ బెయిలీ సబ్‌స్టేషన్ కూడా నిర్మిస్తున్నారు. ఇది బెయిలీ, మ్యోరాబాద్, కట్రా, రాజాపూర్ వంటి ప్రాంతాల్లో దాదాపు 1 లక్ష మందికి కరెంటు అందిస్తుంది.
ఇక ఫాఫామావ్ సబ్‌స్టేషన్ సామర్థ్యాన్ని పెంచుతున్నారు. దీనివల్ల ఫాఫామావ్ బజార్, గ్రామీణ ప్రాంతాలు, శాంతిపురం లాంటి ప్రాంతాల్లో దాదాపు 50 వేల మందికి మెరుగైన కరెంటు సరఫరా అందుతుంది. నగరంలోని ప్రధాన సబ్‌స్టేషన్లను ఇంటర్‌లింక్ లైన్లతో అనుసంధానిస్తున్నారు. దీనివల్ల 7 లక్షల మందికి నిరంతరాయంగా కరెంటు అందుతుంది.
నగరంలోని 12 ప్రధాన 33/11 కె.వి. సబ్‌స్టేషన్లను అనుసంధానించడానికి 12 ఇంటర్‌లింక్ లైన్లు నిర్మిస్తున్నారు. దీనివల్ల సివిల్ లైన్స్, బైరహనా, రాంబాగ్, హైకోర్టు, కరేలీ, ఖుష్రోబాగ్, ప్రయాగ్‌రాజ్ జంక్షన్, బెయిలీ, ఫాఫామావ్ వంటి ప్రాంతాలకు కరెంటు సరఫరా అవుతుంది.
విద్యుత్ లైన్లను భూగర్భంలోకి మార్చే పనులు
ఎయిర్‌పోర్ట్ రోడ్, బాఘంబరీ రోడ్, పేష్వాయి మార్గంలోని అన్ని హెచ్.టి, ఎల్.టి లైన్లను భూగర్భంలోకి మార్చారు. దీనివల్ల ఈ ప్రాంతాలు విద్యుత్ తీగలతో గజిబిజిగా లేకుండా సుందరంగా మారతాయి... ప్రమాదాలు కూడా తగ్గుతాయి. అఖాడాల పేష్వాయి సందర్భంగా అడ్డుగా ఉన్న విద్యుత్ లైన్లను తొలగించి భూగర్భంలోకి మార్చారు.
మహాకుంభ్ సమయంలో కరెంటు సరఫరా నిరంతరాయంగా ఉండేలా ఆవాస్ వికాస్, దారాగంజ్, ఫోర్ట్ రోడ్, సోమేశ్వర్‌నాథ్ సబ్‌స్టేషన్లలో 33 కె.వి ఆర్.ఎం.యు. (రింగ్ మెయిన్ యూనిట్)లను ఏర్పాటు చేస్తున్నారు. దీనివల్ల ఏదైనా లోపం వచ్చినా 10 నుంచి 15 సెకన్లలో తిరిగి కరెంటు సరఫరా ప్రారంభమవుతుంది. కాబట్టి మేళా ప్రాంతానికి నిరంతరాయంగా కరెంటు అందుతుంది.
పార్కింగ్, పరేడ్ ప్రాంతాల్లో కరెంటు సదుపాయం
పార్కింగ్, పరేడ్ ప్రాంతాల్లోని 33 కె.వి. లైన్లను భూగర్భంలోకి మార్చారు. దీనివల్ల మేళా సమయంలో కరెంటు ప్రమాదాలు జరగవు. పరేడ్ ప్రాంతంలో డిజైనర్ పోల్స్ ఏర్పాటు చేస్తున్నారు. దీనివల్ల ఆ ప్రాంతంలో అందంతో కూడిన వెలుతురు దగదగలాడుతుంది.
ప్రయాగ్‌రాజ్ జంక్షన్, ప్రయాగ్ స్టేషన్ల ముందు ఉన్న విద్యుత్ లైన్లను భూగర్భంలోకి మార్చారు. దీనివల్ల మేళా సమయంలో భక్తుల రాకపోకలకు ఎలాంటి అంతరాయం ఉండదు. రైల్వే స్టేషన్ల ముందు సురక్షితమైన మార్గాలు ఏర్పడతాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
