రూటు మార్చిన పాకిస్తాన్: డ్రోన్‌ల ద్వారా ముష్కరులకు ఆయుధాలు
జమ్మూకాశ్మీర్‌కు స్వయం ప్రతిపత్తిని కల్పించే ఆర్టికల్ 370 రద్దు తర్వాత భారత్‌పై రగిలిపోతున్న పాకిస్తాన్.. మన దేశంలో విధ్వంసం సృష్టించాలని ప్రణాళికలు రూపొందింస్తోంది. ఈ క్రమంలో ముష్కరుల కోసం ఆ దేశం డ్రోన్ ద్వారా ఆయుధాలను తరలిస్తున్నట్లుగా నిఘా వర్గాలు తెలిపాయి
జమ్మూకాశ్మీర్‌కు స్వయం ప్రతిపత్తిని కల్పించే ఆర్టికల్ 370 రద్దు తర్వాత భారత్‌పై రగిలిపోతున్న పాకిస్తాన్.. మన దేశంలో విధ్వంసం సృష్టించాలని ప్రణాళికలు రూపొందింస్తోంది. ఈ క్రమంలో ముష్కరుల కోసం ఆ దేశం డ్రోన్ ద్వారా ఆయుధాలను తరలిస్తున్నట్లుగా నిఘా వర్గాలు తెలిపాయి.
సెప్టెంబర్ నెలలో ఓ డ్రోన్ పంజాబ్ రాష్ట్రంలోని పాక్ సరిహద్దుల్లో ఉన్న తరన్ తరాన్ జిల్లాలో ఎనిమిది సార్లు చక్కర్లు కొట్టిందని స్థానికులు పోలీసుల దృష్టికి తీసుకొచ్చారు. డ్రోన్ ద్వారా జారవిడిచిన వాటిలో ఏకే-47 తుపాకులు, మ్యాగజైన్లు, గ్రేనేడ్లు, శాటిలైట్ మొబైల్ ఫోన్లు, నకిలీ కరెన్సీ ఉన్నట్లుగా తెలుస్తోంది.
ఈ ఘటనపై పంజాబ్ ముఖ్యమంత్రి కెప్టెన్ అమరీందర్ సింగ్ స్పందించారు. వెంటనే ఈ సమస్యపై స్పందించి చర్యలు తీసుకోవాల్సిందిగా ఆయన కేంద్ర హోంమంత్రిని కోరారు.
కాగా ఈ ఆయుధాలను మోసుకొచ్చిన డ్రోన్‌లో సాంకేతిక లోపం తలెత్తడంతో వాటిని ఆపరేట్ చేసిన భూభాగంలోని వ్యక్తులు దానిని తగులబెట్టినట్లుగా పోలీసులు తెలిపారు.
మరోవైపు ఈ వార్తలపై రక్షణ శాఖ మంత్రి రాజ్‌నాథ్ సింగ్ స్పందించారు. ఎలాంటి పరిస్ధితులనైనా ఎదుర్కోవడానికి సైన్యం సిద్ధంగా ఉందన్నారు. ఈ ఘటన వెనుక పాక్ గూఢచార సంస్థ ఐఎస్ఐ హస్తం ఉన్నట్లు అనుమానిస్తున్నామని పంజాబ్ డీజీపీ దినకర్ గుప్తా తెలిపారు.
ఖలిస్తాన్ తీవ్రవాదులను రెచ్చగొట్టి భారత సరిహద్దుల్లో విధ్వంసం సృష్టించాలని పాకిస్తాన్ ఈ పన్నాగం పన్నిందని డీజీపీ తెలిపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
