Asianet News TeluguAsianet News Telugu

రూమ్మేట్ ని చంపి, పూడ్చిపెట్టి.. గదిక్లీన్ చేసి.. ప్రశాంతంగా పడుకున్నాడు..

నాగ్ పూర్ లోని దాభా ప్రాంతంలోని ఓ గ్యారేజీలో రాజు నందేశ్వర్ (35), దేవాన్ష్ వఘోడే (26) ఇద్దరూ స్నేహితులు, ఒకే దగ్గర పని, ఒకే గదిలో నివాసం ఉంటున్నారు. కలిసి మెలిసి ఉంటున్న వీరి మధ్య స్వల్ప విషయంలో వివాదం మొదలయ్యింది. ఈ ఘర్షణ మరింత ముదిరి తీవ్ర వాగ్వాదానికి దారి తీసింది. 

Mumbai Man Kills Roommate, Dumps Body And Then Sleeps After Cleaning Room
Author
Hyderabad, First Published Aug 9, 2021, 9:51 AM IST

క్షణికావేశంలో రూంమేట్ ను దారుణంగా హత్యచేసి, గుట్టు చప్పుడు కాకుండా పూడ్చి పెట్టిన వైనం స్నేహం అన్న పదానికే కళంకాన్ని ఆపాదించింది. మహారాష్ట్రలోని నాగ్ పూర్ లోని ధాబా ప్రాంతంలో శనివారం రాత్రి ఈ దారుణంలో చోటు చేసుకుంది. 

నాగ్ పూర్ లోని దాభా ప్రాంతంలోని ఓ గ్యారేజీలో రాజు నందేశ్వర్ (35), దేవాన్ష్ వఘోడే (26) ఇద్దరూ స్నేహితులు, ఒకే దగ్గర పని, ఒకే గదిలో నివాసం ఉంటున్నారు. కలిసి మెలిసి ఉంటున్న వీరి మధ్య స్వల్ప విషయంలో వివాదం మొదలయ్యింది. ఈ ఘర్షణ మరింత ముదిరి తీవ్ర వాగ్వాదానికి దారి తీసింది. 

దీంతో స్నేహితుడు నందేశ్వర్ ను తలపై గట్టిగా కొట్టాడు. దీంతో అతను అక్కడికక్కడే ప్రాణాలు విడిచాడు. కానీ ఏ మాత్రం పశ్చాత్తాపం లేని అతగాడు మృతదేహాన్ని గదికి సమీపంలోని ప్రదేశంలో పూడ్చిపెట్టిన దేవాన్ష్ వాఘోడే ఏమీ తెలియనట్లు రూమ్ లో ప్రశాంతంగా పడుకున్నాడు.

అనుమానం వచ్చిన స్థానికులు ఆదివారం ఉదయం సమాచారం ఇవ్వడంతో ఈ ఘటన వెలుగులోకి వచ్చింది. కేసు నమోదుచేసిన పోలీసులు తమదైన శైలిలో దేవాన్ష్ న విచారించడంతో నేరాన్ని అంగీకరించాడు. నిందితుడిని అరెస్ట్ చేశామని, దర్యాప్తు కొనసాగుతోందని పోలీసులు వెల్లడించారు.
 

Follow Us:
Download App:
  • android
  • ios