పండుగ పూట మధ్య ప్రదేశ్ సిఎంకు తప్పిన పెను ముప్పు.. హెలికాప్టర్ ఎమర్జెన్సీ ల్యాండింగ్ ..
మధ్యప్రదేశ్ ముఖ్యమంత్రి శివ్రాజ్ సింగ్ చౌహన్ ప్రయాణిస్తున్న హెలికాప్టర్ ఆదివారం అత్యవసర ల్యాండింగ్ అయింది. హెలిక్యాప్టర్లో సాంకేతిక లోపం తలెత్తడంతో ధార్ జిల్లాలోని మనావర్ టౌన్లో హెలిక్యాప్టర్ను కిందికి దింపారు.
మధ్య ప్రదేశ్ సిఎం హెలికాప్టర్ అత్యవసర ల్యాండింగ్: మధ్యప్రదేశ్ ముఖ్యమంత్రి శివరాజ్ సింగ్ చౌహాన్ కు పెను ముప్పు తప్పింది. ఆయన ప్రయాణిస్తున్న హెలికాప్టర్ లో సాంకేతిక లోపం తలెత్తడంతో ఆదివారం మనవార్ పట్టణంలో అత్యవసరంగా ల్యాండింగ్ చేయబడింది. ముఖ్యమంత్రి కార్యాలయం (CMO) ప్రకారం.. చౌహాన్ ధార్లోని బహిరంగ సభలో ప్రసంగించడానికి మనవార్ నుండి ధార్కు వెళుతున్నారు. సాంకేతిక సమస్య తలెత్తడంతో అప్రమత్తమైన పైలట్స్ సురక్షితంగా అత్యవరస ల్యాండింగ్ చేశారు. అతని హెలికాప్టర్ మనవార్ పట్టణంలోని టేకాఫ్ స్థలానికి తిరిగి వచ్చింది. అనంతరం అత్యవసర ల్యాండింగ్ తర్వాత ముఖ్యమంత్రి చౌహాన్ రోడ్డు మార్గంలో ధార్కు బయలుదేరారు. ముఖ్యమంత్రి ఇవాళ ఐదు ఎన్నికల సమావేశాలు నిర్వహించనున్నారు.
అందిన సమాచారం ప్రకారం.. ధార్ జిల్లాలో పౌర సంస్థల ఎన్నికల ప్రచారం కోసం ముఖ్యమంత్రి శివరాజ్ సింగ్ చౌహాన్ ఆదివారం ఎన్నికల పర్యటనలో ఉన్నారు. దీంతో ఆయన ఆదివారం మధ్యాహ్నం 2 గంటలకు మనవరానికి చేరుకున్నారు. రోడ్షో నిర్వహించి, మనావర్లో జరిగిన సభలో ప్రసంగించిన అనంతరం ధార్కు వెళుతున్న సమయంలో ఆయన హెలికాప్టర్లో బయలుదేరారు. అలాంటి పరిస్థితిలో, హెలికాప్టర్లో సాంకేతిక లోపం ఉందని, అప్రమత్తమైన పైలట్స్ సురక్షితంగా అత్యవరస ల్యాండింగ్ చేశారు. ఆ తర్వాత అతను రోడ్డు మార్గంలో ధార్ కు చేరుకున్నారు. ధార్లో జరిగిన సమావేశంలో ముఖ్యమంత్రి స్వయంగా ప్రసంగిస్తూ పైలట్ ద్వారా అత్యవసర ల్యాండింగ్ చేశారని చెప్పారు. సాంకేతిక లోపం వల్ల ఆలస్యంగా సభ స్థలానికి వచ్చాననీ తెలిపారు. సాంకేతిక లోపంతో ఆందోళనకర పరిస్థితి నెలకొంది.
వల్లభ్భవన్ను దళారీ స్థలంగా మార్చారు- సీఎం
ధార్లోని మనవార్లో జరిగిన ఎన్నికల ర్యాలీలో సీఎం ప్రసంగిస్తూ కాంగ్రెస్పై విమర్శలు గుప్పించారు. కాంగ్రెస్ ప్రభుత్వ హయాంలో వల్లభభవన్ను టౌట్గా మార్చారని సీఎం అన్నారు. ఈ నెలాఖరులోగా 'హత్ సే హత్ జోడో' ప్రచారాన్ని కాంగ్రెస్ ప్రారంభించబోతోంది. దీనిపై సిఎం చౌహాన్ మాట్లాడుతూ కాంగ్రెస్ చేతులు ముడుచుకోవద్దని, ప్రజలకు క్షమాపణలు చెప్పి యాత్ర చేపట్టాలని చురకలంటించారు.
కాంగ్రెసోళ్లు క్షమాపణ చెప్పాలి
సాధారణ సమావేశంలో ప్రసంగిస్తూ .. సీఎం శివరాజ్ సింగ్ చౌహాన్ కాంగ్రెస్ పథకాలను నిలిపివేసిందని ఆరోపిస్తూ పలుమార్లు వ్యంగ్యాస్త్రాలు సంధించారు. 15 నెలల కాంగ్రెస్ ప్రభుత్వ హయాంలో బీజేపీ ప్రభుత్వం అమలు చేస్తున్న అనేక పథకాలు నిలిచిపోయాయని అన్నారు. బీజేపీ ప్రభుత్వం ఏర్పడగానే మళ్లీ పథకాలన్నీ ప్రారంభమయ్యాయి. దాని ప్రయోజనం అందరూ పొందుతున్నారని అన్నారు.