మైనర్ కుమార్తెపై పలుమార్లు అత్యాచారం.. గర్బవతిని చేసిన తండ్రికి మూడు జీవితఖైదీల శిక్ష..
అత్యాచారం, తీవ్రమైన లైంగిక వేధింపులు, బాధితురాలిని బెదిరించడం వంటి నేరాలకు గాను ఓ తండ్రికి మూడు జీవితఖైదీల శిక్ష పడింది.
కేరళ : తన మైనర్ కుమార్తెపై పలుమార్లు అత్యాచారం చేసి గర్భం దాల్చేలా చేసిన వ్యక్తికి కేరళ కోర్టు జీవితాంతం మూడు జీవిత ఖైదులను విధిస్తూ సోమవారం తీర్పునిచ్చింది. అత్యాచారం, తీవ్రమైన లైంగిక వేధింపులు, లైంగిక వేధింపులతో పాటు భారతీయ శిక్షాస్మృతి, లైంగిక నేరాల నుండి పిల్లలను రక్షించే (పోక్సో) చట్టం, ప్రత్యేక పబ్లిక్ కింద బాధితురాలిని బెదిరించడం వంటి నేరాలకు మంజేరి ఫాస్ట్ ట్రాక్ ప్రత్యేక కోర్టు న్యాయమూర్తి కె. రాజేష్ శిక్ష విధించారని ప్రాసిక్యూటర్ (ఎస్ పీపీ) ఎ. సోమసుందరన్ తెలిపారు.
పోక్సో చట్టం కింద నేరాలకు గాను దోషికి మూడు జీవిత ఖైదులు విధించబడింది. దీనికింద అతను తన మొత్తం జీవితకాలాన్ని జైలులో ఉండాలని కోర్టు ఆదేశించిందని ఎస్ పీపీ తెలిపారు. ఈ శిక్సతో పాటు కోర్టు అతనికి రూ. 6.6 లక్షల జరిమానా కూడా విధించింది. కేసు వివరాలను తెలియజేస్తూ, 2021 మార్చిలో ఇంట్లో ఎవరూ లేని సమయంలో మొదటిసారి మైనర్ కూతురి మీద అత్యాచారానికి పాల్పడ్డాడని ఎస్పీపీ తెలిపారు.
ఢిల్లీ సీఎం అరవింద్ కేజ్రీవాల్‌ను చంపేస్తామని బెదిరింపులు.. అర్థరాత్రి కాల్ తో పోలీసులు అలర్ట్ !
కోవిడ్-19 కరోనా సమయంలో లాక్ డౌన్ కారణంగా.. అప్పటికి 15 ఏళ్ల వయసున్న బాలికకు ఆన్‌లైన్ తరగతులు నడుస్తున్నాయి. ఆమె ఇంట్లోనే ఉంది. ఆ టైంలో ఇంట్లో ఎవరూ లేని సమయంలో బాలికను ఆమె తండ్రి బలవంతంగా బెడ్‌రూమ్‌లోకి తీసుకెళ్లి ఆమెపై అత్యాచారం చేశాడని ప్రాసిక్యూటర్ చెప్పారు. బాధితురాలు అభ్యంతరం చెప్పడంతో ఆమె తల్లిని చంపేస్తానని బెదిరించాడని ఎస్పీపీ తెలిపారు.
ఆ తరువాత కూడా ఇంట్లో ఎవరూ లేని సమయాలు చూసుకుని, అక్టోబర్ 2021 వరకు అనేక సందర్భాల్లో తన కుమార్తెపై అత్యాచారం చేశాడు. దోషి గతంలో మదర్సాలో ఉపాధ్యాయుడుగా పనిచేశాడు. నవంబర్ 2021లో స్కూల్స్ ఓపెన్ అయిన తరువాత ఆమె పాఠశాలకు వెళ్లడం ప్రారంభించింది. ఈ క్రమంలో కడుపునొప్పి రావడం మొదలయ్యింది. దీంతో ఆమెను వైద్యుడి వద్దకు తీసుకెళ్లారు. అయితే, వైద్య పరీక్షల్లో కడుపునొప్పికి కారణం తెలియలేదు.
జనవరి 2022లో ఆమె మళ్లీ నొప్పి గురించి ఫిర్యాదు చేసింది. దీంతో ఆమెను ప్రభుత్వ వైద్య కళాశాలకు తీసుకెళ్లారు. అక్కడి వైద్యులు ఆమెను పరీక్షించి.. ఆమె ఆమె గర్భవతి అని తేల్చారు. దీంతో బాలికను గట్టిగా ప్రశ్నించగా.. తన తండ్రి తన మీద పలుమార్లు అత్యాచారం చేశాడని తెలిపిందని ఎస పీపీ తెలిపారు.
దీంతో వెంటనే పోలీసులకు సమాచారం అందించారు. నిందితుడి మీద కేసు నమోదు చేసి.. తండ్రిని అరెస్టు చేశారు. బాధితురాలి గర్భం వైద్యపరంగా రద్దు చేయబడింది. పిండం, బాలిక, ఆమె తండ్రి డీఎన్ఏ నమూనాలను సేకరించారు.డీఎన్ఏ విశ్లేషణలో బాలిక తండ్రి నేరస్థుడని రుజువైనట్లు ఎస్పీపీ తెలిపారు.
నిందితులను దోషులుగా నిర్ధారించడంలో డీఎన్ఏ ఆధారాలతో పాటు బాధితురాలు, ఆమె తల్లి వాంగ్మూలాలు కీలకంగా ఉన్నాయని తెలిపారు. "నిందితులు తాత్కాలికంగా బయటకు రాకుండా, బాధితురాలిని లేదా సాక్షులను ప్రభావితం చేయకుండా ఉండేలా విచారణ వేగంగా జరిగింది" అని నేరం నమోదైన వజిక్కడవు పోలీస్ స్టేషన్ సీనియర్ అధికారి తెలిపారు. ఈ కేసు దర్యాప్తు అధికారిగా అబ్దుల్ బషీర్ ఉన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
