Asianet News TeluguAsianet News Telugu

భార్యతో గొడవపడి.. రెండు రోజుల పసికందును నేలకేసి కొట్టిన కసాయి తండ్రి..

మహారాష్ట్రలోని నాగ్‌పూర్‌లో తన భార్యతో గొడవపడి తన నవజాత కుమారుడిని ఆసుపత్రిలో నేలకేసి కొట్టిన వ్యక్తిని అరెస్టు చేసినట్లు పోలీసు అధికారి ఆదివారం తెలిపారు. ఈ సంఘటన శనివారం సాయంత్రం  నాగ్‌పూర్ ప్రభుత్వ వైద్య కళాశాల,  ఆసుపత్రిలో జరిగింది.

Maharashtra Man Throws Newborn On Hospital Floor After Fight With Wife
Author
First Published Jan 2, 2023, 5:31 AM IST

మాయమై పోతున్నడమ్మా.. మనిషన్నవాడు మచ్చుకైనా లేడు సూడు మానవత్వమున్నవాడు అని కవి అందెశ్రీ  ఏ సందర్భంలో రాశారో తెలీదు కానీ.. మహారాష్ట్రలోని నాగ్‌పూర్‌లో జరిగిన హృదయాన్ని కలచి వేసేలా ఘటనకు ఈ మాటలు సరిగ్గా సరిపోతాయి. వాస్తవంగా మానవ సంబంధాలు రోజురోజుకు దిగజారుతున్నాయి. అనుమానం పెనుభూతంగా మారి పచ్చని సంసారాల్లో చిచ్చు పెడుతుంది. ఓ వ్యక్తి తన భార్యపై అనుమానం పెంచుకుని.. దారుణానికి ఒడిగట్టాడు. తన భార్యతో గొడవపడి  తన రెండు రోజుల పసికందును నేలకేసి కొట్టాడు ఆ కసాయి తండ్రి.

ఈ దారుణ ఘటన మహారాష్ట్రలోని నాగ్‌పూర్‌లో చోటుచేసుకుంది. భార్యతో గొడవపడి తన పసికందుని ఓ తండ్రి నేలకేసి కొట్టిన ఘటన శనివారం సాయంత్రం నాగ్‌పూర్‌లోని ప్రభుత్వ వైద్య కళాశాల మరియు ఆసుపత్రిలో జరిగింది. దారుణానికి ఒడిగట్టిన దుర్మాగుడిని పోలీసులు అదుపులోకి తీసుకున్నారు. పసికందుకు ఇంటెన్సివ్ కేర్ యూనిట్‌లో చికిత్స అందిస్తున్నట్టు, ఆ చిన్నారి పరిస్థితి నిలకడగా ఉందని వైద్యులు తెలిపారు. 

అమరావతి నివాసి అయిన నిందితుడికి 2020లో వివాహం జరిగింది. అయితే..ఆ వ్యక్తి తన భార్యను మొదటి నుంచే అనుమానించేవాడు. అయితే.. గతనెల డిసెంబరు 30న వారికి కొడుకు పుట్టారు. ఆ చిన్నారిని చూడటానికి నాగ్‌పూర్‌లోని ప్రభుత్వ వైద్య కళాశాల మరియు ఆసుపత్రికి  వచ్చారు. ఈ క్రమంలో తన భార్యతో గొడవ పడ్డాడు.వారి మధ్య మాట మాట పెరిగి.. తీవ్ర వాగ్విదానికి దారి తీసింది.

ఆస్పత్రిలో గొడవపెడుతుండగా అక్కడున్న సిబ్బంది పోలీసులకు సమాచారం అందించారు. ఈ క్రమంలో కోపోద్రిక్తుడైన ఆ వ్యక్తి  పసికందును నేలపై విసిరేశాడు. దీంతో అక్కడ ఉన్న సిబ్బంది నిందితుడిని బంధించి.. పోలీసులకు అప్పగించారు. పసికందుకు ఇంటెన్సివ్ కేర్ యూనిట్‌లో చిక్సిత అందిస్తున్నారనీ, ఆ చిన్నారి పరిస్థితి  నిలకడగా ఉందని అజ్ని పోలీస్ స్టేషన్ అధికారి తెలిపారు. నిందితుడిపై హత్యా నేరం కింద కేసు నమోదు చేసినట్లు పోలీసులు తెలిపారు.

Follow Us:
Download App:
  • android
  • ios