మహాకుంభం 2025లో యూపీకి రూ.2 లక్షల కోట్ల ఆదాయమా!
ప్రయాగరాజ్‌లో మహాకుంభం 2025 ప్రారంభమైంది. మొదటి రోజే లక్షల మంది భక్తులు పవిత్ర స్నానాలు ఆచరించారు. ఈసారి 40 కోట్ల మంది భక్తులు వస్తారని అంచనా. ఈ మహాకుంభం యూపీ ఆర్థిక వవస్థకు ఊతం ఇస్తుందా?
Followప్రయాగరాజ్. ఉత్తరప్రదేశ్‌లోని ప్రయాగరాజ్‌లో మహా కుంభమేళా ప్రారంభమైంది. త్రివేణీ సంగమంలో మొదటి రోజే దాదాపు 50 లక్షల మంది పవిత్ర స్నానాలు ఆచరించారు. ఫిబ్రవరి 26 వరకు జరిగే ఈ మహాకుంభంలో 40 కోట్ల మంది భక్తులు వస్తారని అంచనా. ఈ సంఖ్య అమెరికా, రష్యా వంటి దేశాల జనాభా కంటే ఎక్కువ.
దాదాపు 4 వేల హెక్టార్ల విస్తీర్ణంలో ఈ మహాకుంభం జరుగుతోంది. దీనివల్ల ఉత్తరప్రదేశ్ ఆర్థిక వ్యవస్థకు ఊతం లభిస్తుందని అంచనా. ఈ మహాకుంభం కోసం యూపీ ప్రభుత్వం రూ.7 వేల కోట్ల బడ్జెట్‌ను కేటాయించింది.
మహాకుంభం ద్వారా యూపీకి రూ.2 లక్షల కోట్ల ఆదాయం?
మహాకుంభం ద్వారా యూపీ ఖజానా నిండుతుందని అంచనా. ఒక అంచనా ప్రకారం, మహాకుంభం 2025 ద్వారా ఉత్తరప్రదేశ్‌కు రూ.2 లక్షల కోట్ల ఆదాయం సమకూరుతుంది. మహాకుంభంలో 40 కోట్ల మంది పాల్గొని, ఒక్కొక్కరు సగటున రూ.5 వేలు ఖర్చు చేస్తే రూ.2 లక్షల కోట్ల ఆదాయం వస్తుంది. ఒకవేళ ఒక్కొక్కరు రూ.10 వేలు ఖర్చు చేస్తే రూ.4 లక్షల కోట్ల ఆదాయం వస్తుంది.
2019 అర్ధకుంభం ద్వారా రూ.1.2 లక్షల కోట్ల ఆదాయం
2019లో ప్రయాగరాజ్‌లో జరిగిన అర్ధకుంభం ద్వారా రాష్ట్ర ఆర్థిక వ్యవస్థకు రూ.1.2 లక్షల కోట్ల ఆదాయం సమకూరిందని ఉత్తరప్రదేశ్ ముఖ్యమంత్రి యోగి ఆదిత్యనాథ్ తెలిపారు. 2019 అర్ధకుంభంలో దాదాపు 24 కోట్ల మంది భక్తులు పాల్గొన్నారు. ఈ ఏడాది 40 కోట్ల మంది భక్తులు వస్తారని, దీనివల్ల రూ.2 లక్షల కోట్ల ఆదాయం సమకూరుతుందని ఆదిత్యనాథ్ అన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
