కర్ణాటక ఉప ఎన్నికల కౌంటింగ్: 12 చోట్ల బీజేపీ , 2 స్థానాల్లో కాంగ్రెస్ విజయం

కర్ణాటక ఉప ఎన్నికల ఫలితాల్లో భారతీయ జనతా పార్టీ ఎదురు లేకుండా దూసుకెళ్లింది. 15 స్థానాలకు గాను 12 చోట్ల విజయం సాధించి అధికారాన్ని నిలబెట్టుకుంది. కాంగ్రెస్ పార్టీ 2 స్థానాలతో సరిపెట్టుకుని అధికారంపై ఆశలు వదులుకుంది. జేడీఎస్ కనీసం ఖాతా తెరవలేకపోగా... మరో చోట స్వతంత్ర అభ్యర్థి విజయం సాధించారు.

ఈ నెల 5వ తేదీన జరిగిన ఉప ఎన్నికల్లో 12 అసెంబ్లీ స్థానాల్లో బీజేపీ ఆధిక్యంలో ఉంది. రెండు స్థానాల్లో కాంగ్రెస్, ఒక్క స్థానంలో స్వతంత్ర అభ్యర్ధి ఆధిక్యంలో ఉన్నారు. 

కర్ణాటక అసెంబ్లీలోని 15 స్థానాలకు జరిగిన ఉప ఎన్నికల్లో బీజేపీ 10 స్థానాల్లో ఆధిక్యంలో దూసుకుపోతోంది. కాంగ్రెస్, జేడీఎస్‌లు రెండు స్థానాల్లో ఆధిక్యంలో ఉన్నాయి.

కర్ణాటకలోని 15 అసెంబ్లీ స్థానాలకు జరిగిన ఉపఎన్నికల్లో ఏడు స్థానాల్లో బీజేపీ ఆధిక్యతలో ఉంది. కాంగ్రెస్ పార్టీ ఐదు స్థానాల్లో ఆధిక్యంలో ఉంది. ఒక్క స్థానంలో జేడీఎస్ స్థానంలో లీడ్ లో ఉంది.

బెంగుళూరులోని కౌంటింగ్ కేంద్రంలో ఓట్ల లెక్కింపు ప్రారంభమైంది. 15 అసెంబ్లీ స్థానాలకు ఓట్ల లెక్కింపును సోమవారం నాడు ఉదయం 8 గంటలకు ప్రారంభించారు.

• 224 స్థానాలు ఉన్న కర్ణాటక అసెంబ్లీలో బీజేపీ బలం 105 మంది. ఓ ఇండిపెండెంట్ ఎమ్మెల్యే బీజేపీకి మద్దతును ప్రకటించాడు. దీంతో ఆ పార్టీ బలం 106కు చేరుకొంది. ఉపఎన్నికలు జరిగిన 15 అసెంబ్లీ స్థానాల్లో గతంలో 12 స్థానాల్లో కాంగ్రెస్, మూడు స్థానాల్లో జేడీఎస్ అభ్యర్ధులు విజయం సాధించారు.

స్పీకర్ నిర్ణయాన్ని వ్యతిరేకిస్తూ అనర్హతకు గురైన ఎమ్మెల్యేలు సుప్రీంకోర్టును ఆశ్రయించారు. సుప్రీంకోర్టు ఈ ఎమ్మెల్యేలు ఎన్నికల్లో పోటీ చేయవచ్చని తీర్పు చెప్పింది. 

ఈ ఏడాది జూలై మాసంలో జేడీఎస్ కాంగ్రెస్ పార్టీల సంకీర్ణ ప్రభుత్వం విశ్వాస తీర్మానం సందర్భంగా అప్పటి సంకీర్ణ కూటమి (జేడీఎస్, కాంగ్రెస్)కి చెందిన ఎమ్మెల్యేలు ఆయా పార్టీల విప్ కు వ్యతిరేకంగా ఓటు చేశారు. విప్‌ను ధిక్కరించిన ఎమ్మెల్యేలపై స్పీకర్ అనర్హత వేటేశారు