Asianet News TeluguAsianet News Telugu

దుబాయ్‌లో భారతీయుడి అకౌంట్‌లోకి పొరపాటున రూ. 1.28 కోట్లు.. తిరిగి ఇవ్వనని జైలుకు వెళ్లాడు.. కోర్టులో కేసు

దుబాయ్‌లో ఓ భారతీయుడి అకౌంట్‌లో పొరపాటున రూ. 1.28 కోట్లు క్రెడిట్ అయ్యాయి. ఓ మెడికల్ ట్రేడింగ్ చేసిన పొరపాటు ఫలితం ఇది. ఆ డబ్బు తిరిగి ఇవ్వాలని అడగా.. అతను ఇవ్వడం లేదు. ఈ కేసు పోలీసు స్టేషన్, ఆ తర్వాత కోర్టు వరకు వెళ్లింది. డబ్బు తిరిగి ఇచ్చేయాలన్న కోర్టు తీర్పును కూడా ఆ వ్యక్తి సవాల్ చేస్తూ మరో అప్పీల్ వేశాడు. దీనిపై వచ్చే నెల నుంచి విచారణ జరగనుంది.
 

indian in dubai gets accidentally rs 1.28 crores refused to return went to jail, court hearings going on
Author
First Published Dec 29, 2022, 7:18 PM IST

దుబాయ్: యూఏఈలో ఓ భారతీయుడి బ్యాంకు ఖాతాలోకి రూ. 1.28 కోట్లు పొరపాటున డిపాజిట్ అయ్యాయి. వాటిని ఓ మెడికల్ ట్రేడింగ్ కంపెనీ.. దాని బిజినెస్ క్లయింట్‌కు పంపాల్సింది. కానీ, అదే ఖాతాను పోలిన ఓ భారతీయుడి బ్యాంకు ఖాతాలో ఈ డబ్బులు పడ్డాయి. వాటిని తిరిగి ఇవ్వాలని అతడిని కంపెనీ కోరింది. కానీ, మీరే వేశారన్న గ్యారంటీ ఏమిటీ? అని దాటవేస్తూ వచ్చాడు. వ్యవహారం పోలీసు స్టేషన్.. అటు తర్వాత కోర్టు దాకా వెళ్లింది. అయినా.. ఆ డబ్బులు తిరిగి ఇవ్వడానికి ఆ వ్యక్తి తిరస్కరించాడు. నెల రోజులుగా జైలులో ఉంటున్నాడు. కానీ, డబ్బులు మాత్రం తిరిగి ఇవ్వట్లేదు.

మెడికల్ ట్రేడింగ్ కంపెనీ గతేడాది అక్టోబర్‌లో ఏఈడీ 570,000 (సుమారు రూ. 1.28 కోట్లు) తన బిజినెస్ క్లయింట్‌కు ట్రాన్స్‌ఫర్ చేయబోయింది. కానీ, ఈ డబ్బులు ఓ భారతీయుడి అకౌంట్‌లో పొరపాటున పడ్డాయి. అకౌంట్‌లు పోలి ఉండటం.. డబ్బు స్వీకర్త వివరాలను చెక్ చేయకుండా ట్రాన్స్‌ఫర్ చేయడంతో పొరపాటు జరిగింది. ఈ కంపెనీ కోర్టుకు వెళ్లడంతో.. ఆ డబ్బులు తిరిగి ఇచ్చేయాలని కోర్టు తెలిపింది. ఆ వ్యక్తి ఐడెంటినీ రివీల్ చేయలేదు. దుబాయ్ క్రిమినల్ కోర్టు తీర్పు ప్రకారం, సదరు భారతీయుడు ఆ మొత్తాలను ఫైన్‌ల రూపంలో చెల్లించాలని, అది పూర్తవ్వగానే స్వదేశానికి పంపించాలని తెలిపినట్టు నేషనల్ న్యూస్ పేపర్ రిపోర్ట్ చేసింది.

డీటెయిల్స్ చెక్ చేయకుండా డబ్బులు పంపినట్టు కంపెనీ అధికారి తెలిపారు. కాగా, ఆ డబ్బు తనకు వచ్చినట్టు నోటిఫికేషన్ వచ్చిందని ఆ వ్యక్తి కూడా ధ్రువీకరించాడు. కానీ, ఆ డబ్బులు ఎక్కడి నుంచి వచ్చాయన్నది తాను వెరిఫై చేయలేదని వివరించాడు. తన అకౌంట్‌లో 570,000 డీహెచ్‌లు డిపాజిట్ కాగానే తాను ఆశ్చర్యానికి గురైనట్టు తెలిపాడు. వెంటనే తన రెంట్, ఇతర అవసరాలకు ఖర్చు పెట్టానని పేర్కొన్నాడు. ఈ డబ్బు పొరపాటునే తన ఖాతాలోకి వచ్చి పడ్డాయని తెలిసినప్పటికీ ఆ డబ్బును తిరిగి ఇవ్వడానికి ఆయన నిరాకరించాడు.

Also Read: పొరపాటున బ్యాంకు ఖాతాలోకి రూ. 4.6 కోట్లు.. అంతా ఊడ్చేసిన ఆ యువకుడు.. పోలీసులు ఏం చేశారంటే?

‘ఒక కంపెనీ ఆ డబ్బును రిటర్న్ చేయాలని అడిగింది. కానీ, నేను తిరస్కరించా. ఆ డబ్బు వారిదే అని నేను ఎలా నమ్మాలి? వారు నన్ను చాలా సార్లు అడిగారు’ అని కోర్టులో ఆ వ్యక్తి వాదించాడు. డబ్బులు రిటర్న్ ఇవ్వడానికి అంగీకరించకపోవడంతో కంపెనీ ప్రతినిధులు దుబాయ్‌లోని అల్ రఫ్పా పోలీసు స్టేషన్‌లో ఫిర్యాదు చేశారు. పోలీసులు వెంటనే అతడి బ్యాంకు అకౌంట్‌ను ఫ్రీజ్ చేశారు. కానీ, ఆ డబ్బును మాత్రం రికవరీ చేయలేకపోయారు. 

అయితే, ఆ వ్యక్తి డబ్బును తన ఖాతాలో నుంచి డబ్బులు బయటకు తీశాడా? లేక వేరే చోట డిపాజిట్ చేశాడా? అనే వివరాలు వెల్లడి కాలేదు. కాగా, ఆ డబ్బు అతడు అక్రమంగా పొందాడని దుబాయ్ పబ్లిక్ ప్రాసిక్యూషన్ అభియోగాలు మోపింది. కోర్టు తీర్పును సవాల్ చేస్తూ ఆ వ్యక్తి అప్పీల్ చేశాడు. ఈ అప్పీల్‌పై వచ్చే నెల వాదనలు ప్రారంభం కానున్నాయి.

Follow Us:
Download App:
  • android
  • ios