బెంగళూరులో రూ. 854 కోట్ల సైబర్ ఇన్వెస్ట్‌మెంట్ మోసం, 6గురు అరెస్ట్..
క్రిప్టో, పేమెంట్ గేట్‌వే, గేమింగ్ యాప్‌ల ద్వారా మొత్తం రూ. 854 కోట్లు వివిధ ఆన్‌లైన్ చెల్లింపు మోడ్‌లలోకి డంప్ చేసినట్లు.. పోలీసులు తెలిపారు.
బెంగళూరు : బెంగళూరు పోలీసులు రూ. 854 కోట్ల సైబర్ స్కామ్‌ను ఛేదించారు. పెట్టుబడి పథకం సాకుతో భారతదేశం అంతటా వేలాది మంది బాధితులను మోసం చేసిన ఆరుగురిని అరెస్టు చేసినట్లు అధికారులు శనివారం తెలిపారు. మోసపోయిన మొత్తంలో ఐదు కోట్ల రూపాయలు స్తంభింపజేసినట్లు వారు తెలిపారు.
నిందితుల ముఠా వాట్సాప్‌, టెలిగ్రామ్‌ల ద్వారా బాధితులను ఆకర్షించింది. ప్రారంభంలో, వారు రోజుకు రూ. 1,000 నుండి 5,000 వరకు లాభం పొందుతారనే సాకుతో రూ.1,000 నుండి 10,000 వరకు చిన్న మొత్తాలను పెట్టుబడి పెట్టమని అడిగారని సీనియర్ పోలీసు అధికారి తెలిపారు.
ముప్పై రూపాయల కోసం 17యేళ్ల మైనర్ గొంతుకోసి హత్య..
వేలాది మంది బాధితులు రూ. లక్ష నుండి 10 లక్షల వరకు లేదా అంతకంటే ఎక్కువ పెట్టుబడి పెట్టారని ఆయన చెప్పారు. బాధితులు పెట్టుబడి పెట్టిన సొమ్మును ఆన్‌లైన్ చెల్లింపుల ద్వారా వివిధ బ్యాంకు ఖాతాల్లోకి జమ చేశారు. అయితే, పెట్టుబడి ప్రక్రియ పూర్తయిన తర్వాత, బాధితుడు ఆ మొత్తాన్ని విత్‌డ్రా చేసేందుకు ప్రయత్నించినప్పుడు, వారికి ఎలాంటి వాపసు రాలేదని ఆయన తెలిపారు.
మొత్తం సేకరించిన తర్వాత, నిందితులు ఏకీకృత డబ్బును మ్యూల్ ఖాతాలకు (మనీలాండరింగ్‌కు సంబంధించిన) మళ్లించారని అధికారి తెలిపారు. క్రిప్టో (బినాన్స్), పేమెంట్ గేట్‌వే, గేమింగ్ యాప్‌ల ద్వారా మొత్తం రూ. 854 కోట్లు వివిధ ఆన్‌లైన్ చెల్లింపు మోడ్‌లలోకి డంప్ చేయబడిందని ఆయన చెప్పారు.
