హిమాచల్ ప్రదేశ్, గుజరాత్ ఎన్నికలు.. ఎలక్టోరల్ బాండ్ల ద్వారా పార్టీలకు రూ.545 కోట్ల విరాళాలు
హిమాచల్ ప్రదేశ్, గుజరాత్ ఎన్నికల నేపథ్యంలో అర్హత గల పార్టీలకు ఎలక్టోరల్ బాండ్ల ద్వారా రూ.545 కోట్ల విరాళాలు అందాయి. ఈ విషయాన్ని స్టేట్ బ్యాంక్ ఆఫ్ ఇండియా గణాంకాలు స్పష్టం చేశాయి.
హిమాచల్ ప్రదేశ్, గుజరాత్ అసెంబ్లీ ఎన్నికల్లో పోటీ చేస్తున్న పార్టీలకు విరాళాలు దండిగా అందాయి. అక్టోబర్ 1 నుంచి 10 వరకు నిర్వహించిన అనామక ఎలక్టోరల్ బాండ్ల (ఈబీ) 22వ అమ్మకంలో రాజకీయ పార్టీలు రూ.545 కోట్లు సంపాదించాయి. ఈ విషయాన్ని స్టేట్ బ్యాంక్ ఆఫ్ ఇండియా (ఎస్బీఐ) గణాంకాలు నిర్ధారిస్తున్నాయని ‘ది ఇండియన్ ఎక్స్ ప్రెస్’ ఓ కథనంలో పేర్కొంది.
ఎలక్టోరల్ బాండ్ స్కీమ్ ప్రవేశపెట్టినప్పటి నుంచి 2018 నుంచి 22 దశల్లో వివిధ అజ్ఞాత దాతల నుంచి పార్టీలు సేకరించిన మొత్తం రూ.10,791 కోట్లకు పెరిగింది. ఈ ఏడాది జూలైలో జరిగిన అమ్మకంలో రాజకీయ పార్టీలు దాతల నుండి రూ.389.50 కోట్ల విలువైన ఇబీలను పొందాయి. తాగాజా రూ.542.25 కోట్ల విలువైన 738 ఈబీలను పార్టీలు రిడీమ్ చేసుకున్నాయి. హిమాచల్ ప్రదేశ్, గుజరాత్ రాష్ట్రాల్లో అసెంబ్లీ ఎన్నికల నేపథ్యంలో రాజకీయ పార్టీలో వీటిని సేకరించాయి.
ప్రజా ప్రాతినిధ్య చట్టం, 1951 (1951 యొక్క 43) లోని సెక్షన్ 29 ఎ కింద నమోదైన రాజకీయ పార్టీలు మాత్రమే ఎలక్టోరల్ బాండ్ల పథకానికి అర్హులని నిబంధనలు ఉన్నాయి. అలాగే గతంలో జరిగిన సార్వత్రిక ఎన్నికలలో శాసనసభకు పోలైన ఓట్లలో ఒక్క శాతానికి తక్కువ కాకుండా సాధించిన పార్టీలు కూడా ఎలక్టోరల్ బాండ్లను పొందడానికి అర్హత ఉంటుంది. ఈబీ పథకాన్ని సవాలు చేస్తూ పెండింగ్ లో ఉన్న పిటిషన్ విచారణను సుప్రీంకోర్టు డిసెంబర్ 6కి వాయిదా వేసింది. ఈ అనామక బాండ్లకు మార్గం సుగమం చేసిన ఫైనాన్స్ చట్టం 2017 నిబంధనలను సవాలు చేస్తూ పిటిషన్లు దాఖలయ్యాయి.
ఇదిలా ఉండగా అక్టోబర్ నెలలో హైదరాబాద్ మెయిన్ బ్రాంచ్ లో రూ.67 కోట్లు, న్యూఢిల్లీ మెయిన్ బ్రాంచ్ లో రూ.285 కోట్లు, ఎస్బీఐ కోల్ కత్తా మెయిన్ బ్రాంచ్ లో రూ.143 కోట్ల విలువైన బాండ్లు నగదుగా మారాయని ఎస్బీఐ గణాంకాలు చెబుతున్నాయి. అయితే ఎస్బీఐ హైదరాబాద్ మెయిన్ బ్రాంచ్ నుంచి రూ.117 కోట్లు, చెన్నై బ్రాంచ్ నుంచి రూ.115 కోట్ల విలువైన ఈబీలను కొనుగోలు చేసినట్లు ఎస్బీఐ డేటా వెల్లడించింది. ముంబై ప్రధాన శాఖలో దాతలు రూ . 40 కోట్ల బాండ్ల కొనుగోలు అయినప్పటికీ.. వాటిని ఇంకా ఎన్ క్యాష్ చేసుకోలేదు.
మరోసారి గొప్ప మనసు చాటుకున్న మోదీ.. అంబులెన్స్ వెళ్లేందుకు వీలుగా కాన్వాయ్ ఆపిన ప్రధాని.. వీడియో
ఇక్కడ ఆసక్తికరమైన విషయం ఏమిటంటే ప్రధాన రాజకీయ పార్టీలు కూడా ఎలక్టోరల్ బాండ్ల ద్వారా తాము అందుకున్న మొత్తాన్ని వెల్లడించలేదు. అయితే బాండ్లను ప్రభుత్వ రంగ బ్యాంకు ద్వారా విక్రయించడం వల్ల ఏ రాజకీయ పార్టీకి ఎవరు నిధులు సమకూరుస్తున్నారో ప్రభుత్వం తెలుసుకుంటుందని విశ్వసనీయ వర్గాలు వెల్లడించాయని ‘ది ఇండియన్ ఎక్స్ ప్రెస్’ నివేదించింది.
ఇటీవల రాజస్థాన్ సీఎం ఈ ఎలక్టోరల్ బాండ్ల అంశాన్ని ప్రస్తావించారు. ఇప్పటి వరకు జారీ చేసిన ఎలక్టోరల్ బాండ్లలో ఒకే ఒక రాజకీయ పార్టీకి 95 శాతం వరకు వచ్చాయని పరోక్షంగా బీజేపీని ఉద్దేశించి ఆరోపించారు. ఇదిలా ఉండగా.. మొత్తంగా ఈ ఎలక్టోరల్ బాండ్ల ద్వారా దాతలు 2018లో రూ.1,056.73 కోట్లు, 2019లో రూ.5,071.99 కోట్లు, 2020లో రూ.363.96 కోట్లు, 2021లో రూ.1502.29 కోట్లు, 2022లో రూ.2,797 కోట్లు ఇచ్చారు.
పెద్దనోట్ల రద్దుకు వ్యతిరేకంగా సుప్రీంకోర్టులో విచారణ.. సమయం కోరిన కేంద్రం
ఎలక్టోరల్ బాండ్లను దాతలు పేరు వెల్లడించుకుండా కొనుగోలు చేస్తారు. జారీ చేసిన తేదీ నుంచి 15 రోజుల పాటు అవి చెల్లుబాటు అవుతాయి. వీటిని దాతలు బ్యాంకు నుండి కొనుగోలు చేస్తారు. వాటిని బ్యాంకులు నగదుగా మార్చుకుంటాయి. రూ.1,000, రూ.10,000, రూ.1 లక్ష, రూ.10 లక్షలు, రూ.1 కోటి డీనామినేషన్లలో ఎస్బీఐ ఈ బాండ్లను జారీ చేస్తుంది. అయితే కేవలం దేశంలోని 25 రాజకీయ పార్టీలు మాత్రమే ఎలక్టోరల్ బాండ్లకు అర్హులుగా ఉన్నాయి.
2018లో ప్రారంభించిన ఈ పథకాన్ని ప్రభుత్వేతర సంస్థలు (ఎన్జీవోలు) - కామన్ కాజ్ అండ్ అసోసియేషన్ ఫర్ డెమోక్రటిక్ రిఫార్మ్స్ (ఏడీఆర్) చట్టబద్ధంగా కోర్టులో సవాలు చేశాయి. ఈబీలను ప్రవేశపెట్టడం భారతదేశంలో ప్రజాస్వామ్యాన్ని వక్రీకరిస్తోందని ఆరోపించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
