భారీ వర్షాలు.. 18 రాష్ట్రాల‌కు ఐఎండీ హెచ్చ‌రిక‌లు
ఐఎండీ: ప్ర‌స్తుతం ఒడిశా జిల్లాలైన బాలాసోర్, భద్రక్, జాజ్‌పూర్, మయూర్‌భంజ్, కియోంజర్ స‌హా తీర ప్రాంతంలోని కేంద్రపరా, కటక్, జగత్‌సింగ్‌పూర్ ల‌లో భారీ వర్షాలు కురుస్తున్నాయి. ఈ వారంలో అనేక రాష్ట్రాల్లో తేలికపాటి నుండి భారీ వర్షాలు కురిసే అవకాశం ఉందని ఐఎండీ అంచనా వేసింది.
భారీ వర్షాలు: ఈ వారంలో దేశంలోని అనేక ప్రాంతాల్లో మోస్తారు నుంచి భారీ వర్షాలు కురుస్తాయని భారత వాతావరణ శాఖ (ఐఎండీ) అంచనా వేసింది. ప‌లు రాష్ట్రాల్లో వ‌ర‌ద‌లు సంభ‌వించే అవకాశముందని హెచ్చ‌రించింది.
వివ‌రాల్లోకెళ్తే.. ఈశాన్య బంగాళాఖాతం-పొరుగున మధ్య ట్రోపోస్పిరిక్ స్థాయిల వరకు విస్తరించి ఉన్న తుఫాను ప్రభావంతో బుధవారం నుంచి తూర్పు భారతదేశంలో భారీ వర్షాలు కురుస్తాయని భారత వాతావరణ శాఖ (ఐఎండీ) అంచనా వేసింది. దాదాపు 18 రాష్ట్రాల్లో మోస్తారు నుంచి భారీ వర్షాలు కురుస్తాయని తెలిపింది. ప‌లు రాష్ట్రాల్లో వ‌ర‌ద‌లు సంభ‌వించే అవకాశముందని హెచ్చ‌రించింది. తూర్పు రాజస్థాన్, దానిని ఆనుకుని ఉన్న వాయువ్య మధ్యప్రదేశ్‌పై బాగా గుర్తించబడిన అల్పపీడన ప్రాంతం కార‌ణంగా బుధవారం నైరుతి రాజస్థాన్‌పై వివిక్త భారీ స్పెల్‌లతో విస్తృతంగా తేలికపాటి నుండి మోస్తరు వర్షాలు కురిసే అవకాశం ఉందని తెలిపింది.
భారత వాతావరణ శాఖ ప్రకారం రాగల 24 గంటల్లో తూర్పు ఉత్తరప్రదేశ్, ఒడిశా, జార్ఖండ్, గంగా ప‌రివాహ‌క ప్రాంతాలు, పశ్చిమ బెంగాల్‌లో విస్తారంగా తేలికపాటి నుండి మోస్తరు వర్షాలు కురిసే అవకాశం ఉంది. ఒడిశాలోని చాలా నదులలో నీటిమట్టం మంగళవారం ప్రమాద స్థాయి కంటే దిగువకు పడిపోయింది. IMD సూచన ప్రకారం బుధవారం భారీ నుండి అతి భారీ వర్షాలు కురిసే అంచ‌నాల నేప‌థ్యంలో అధికారులు ఎలాంటిప‌రిస్థితులు సంభ‌వించినా వాటిని ఎదుర్కొవ‌డానికి సన్నద్ధమవుతున్నారు. భారీ వర్షపాతం నమోదవుతుందని IMD సూచనల దృష్ట్యా బలియాపాల్, భోగ్రాయ్, బస్తా, జలేశ్వర్ అనే నాలుగు బ్లాక్‌లలో రెస్క్యూ-రిలీఫ్ టీమ్‌లను మోహరించిన ప్రదేశంలో తాము కూడా ఉంటున్నామ‌నీ, ఎప్ప‌టిక‌ప్పుడు ప‌రిస్థితులను స‌మీక్షిస్తున్నామ‌ని జిల్లా కలెక్టర్ దత్తాత్రయ భౌసాహెబ్ షిండే చెప్పారు.
అరుణాచల్ ప్రదేశ్‌లో ఆగస్ట్ 26-27 తేదీల్లో భారీ వర్షాలు.. ఉరుములతో కూడిన తేలికపాటి నుండి మోస్తరు వర్షాలు కురిసే అవకాశం ఉందని పేర్కొంది. వచ్చే ఐదు రోజుల్లో అసోం, మేఘాలయ, నాగాలాండ్, మణిపూర్, మిజోరాం, త్రిపురలలో కూడా మోస్తారు నుంచి భారీ వర్షాలు కురుస్తాయని ఐఎండీ అంచనా వేసింది. రాబోయే 24 గంటల్లో ఉత్తరాఖండ్, జమ్మూకాశ్మీర్‌లో, రాబోయే రెండు రోజుల్లో హిమాచల్ ప్రదేశ్‌లో భారీ వర్షాలు.. ఉరుములు మెరుపుల‌తో కూడిన భారీ వర్షాలు కురిసే అవకాశం ఉందని వాతావరణ శాఖ అంచనా అంచనా వేసింది. బుధవారం నాడు కోస్తా, దక్షిణ ఇంటీరియర్ కర్నాటకలో, తమిళనాడులో ఆగస్టు 26 వరకు, కేరళ, మహేలలో ఆగస్టు 27 వరకు విస్తారంగా తేలికపాటి నుండి మోస్తరు వర్షాలు కురిసే అవకాశం ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
