దారుణం.. రోజుల శిశువు నోట్లో మట్టి.. ఒంటిపై 20 కత్తిగాట్లు
క్రికెట్ ఆడుకోవడానికి కొందరు చిన్నారులు వెళ్లారు. అక్కడ వారికి ఓ పసికందు ఏడుస్తున్నట్లుగా అనిపించింది. దగ్గరకు వెళ్లి చూడగా... మూడు రోజుల చిన్నారి కనిపించింది. ఆ చిన్నారిని కుక్కలు పీక్కుతినాలని చూస్తుండటం గమనార్హం.
పుట్టి కనీసం కొద్ది గంటలు కూడా గడవలేదు. అప్పుడే రోడ్డుపై పడేశారు. నోట్లు మట్టి పోసి రోడ్డు మీద వదిలేశారు. ఆ పసికందుని చూసి మాంసపు ముద్దగా భావించిన కుక్కలు.. పీక్కుతినడానికి ప్రయత్నించాయి. అయితే.. కొందరు చిన్నారులు గమనించి ఆ పసికందు ప్రాణాలు కాపాడారు. ఈ సంఘటన గుజరాత్ లో చోటుచేసుకుంది.
పూర్తి వివరాల్లోకి వెళితే... గుజరాత్ రాష్ట్రం రాజ్ కోట్ లోని మాహిక్, తెబచాడా గ్రామాల మధ్యలో క్రికెట్ ఆడుకోవడానికి కొందరు చిన్నారులు వెళ్లారు. అక్కడ వారికి ఓ పసికందు ఏడుస్తున్నట్లుగా అనిపించింది. దగ్గరకు వెళ్లి చూడగా... మూడు రోజుల చిన్నారి కనిపించింది. ఆ చిన్నారిని కుక్కలు పీక్కుతినాలని చూస్తుండటం గమనార్హం.
Also Read అశ్లీల వీడియోలపై మోజు... 600 మంది కేసులు, అరెస్ట్..?
వెంటనే ఆ చిన్నారులు కుక్కలను తరిమికొట్టి ఆ పసికందు ని రక్షించారు. వెంటనే దగ్గర్లోని ఆస్పత్రికి తీసుకువెళ్లారు. అయితే.. ఆ చిన్నారి శరీరం మీద దాదాపు 20కత్తిగాట్లు ఉన్నాయని వారు చెప్పడం గమనార్హం. ఆ పసికందును చంపాలని ప్రయత్నించి చంపేలేక.. నోట్లో మట్టి పోసి అక్కడ పడేసినట్లు గుర్తించారు.
కాగా.. చిన్నారికి చికిత్స అందించి ప్రాణాలు కాపాడమని.. ప్రస్తుతం ఆ చిన్నారికి ఎలాంటి ప్రమాదం లేదని చెప్పారు. ఆ పసికందుని అక్కడ ఎవరు వదిలేసారు అనే విషయంపై ఆరా తీస్తున్నారు. ఈ మేరకు పోలీసులకు ఫిర్యాదు కూడా చేశారు. వారు కేసు నమోదు చేసుకొని దర్యాప్తు చేస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
