బ్రేకింగ్: గుజరాత్ సీఎం విజయ్ రూపానీ రాజీనామా
గుజరాత్ ముఖ్యమంత్రి విజయ్ రూపానీ తన పదవికి రాజీనామా చేశారు. 2016 నుంచి ఆయన సీఎంగా విధులు నిర్వర్తిస్తున్నారు. రాజీనామా లేఖను ఈ సందర్భంగా గవర్నర్కు అందజేశారు విజయ్ రూపానీ. అయితే ఆయన రాజీనామాకు దారి తీసిన కారణాలు తెలియాల్సి వుంది.
ప్రధాని నరేంద్రమోడీ సొంత రాష్ట్రం గుజరాత్లో కీలక పరిణామాలు చోటుచేసుకున్నాయి. ఆ రాష్ట్ర ముఖ్యమంత్రి విజయ్ రూపానీ సంచలన నిర్ణయం తీసుకున్నారు. సీఎం పదవి నుంచి తప్పుకుంటున్నట్లు శనివారం ప్రకటించారు. ఈ మేరకు గవర్నర్ ఆచార్య దేవవ్రత్కు రాజీనామా సమర్పించారు. వచ్చే ఏడాది ఆ రాష్ట్రంలో అసెంబ్లీ ఎన్నికలు జరగనున్న వేళ ఈ అనూహ్య పరిణామం చోటుచేసుకోవడం గమనార్హం. అయితే రాజీనామాకు గల కారణాలు స్పష్టంగా తెలియరాలేదు. అయితే హైకమాండ్ ఆదేశాలతోనే ఆయన సీఎం కుర్చీ నుంచి వైదొలిగినట్లు తెలుస్తోంది. 2016 ఆగస్టు 7న రూపానీ.. గుజరాత్ ముఖ్యమంత్రిగా బాధ్యతలు చేపట్టారు.