Gujarat Bus Accident: గుజరాత్లోని డాంగ్ జిల్లాలో ఘోర ప్రమాదం జరిగింది. సుమారు 50 మంది ప్రయాణికులతో వెళ్తున్న బస్సు అదుపు తప్పి.. లోయలో పడింది. ఇప్పటివరకూ ఇద్దరు వ్యక్తులు మరణించారని, పలువురికి తీవ్ర గాయాలైనట్టు సమాచారం.
Gujarat Bus Accident: గుజరాత్లోని డాంగ్ జిల్లాలో శనివారం రాత్రి ఘోర ప్రమాదం జరిగింది. శనివారం రాత్రి సపుతర హిల్ స్టేషన్ సమీపంలో టూరిస్ట్ బస్సు అదుపుతప్పి లోయలో పడింది. ఈ ప్రమాదంలో ఇద్దరు మహిళలు మృతి చెందగా, మరో 30 మంది గాయపడ్డారు. సమాచారం అందుకున్న పోలీసులు సహాయక చర్యలు చేపట్టారు. ప్రమాదంలో గాయపడిన వారిని సమీపంలోని ఆసుపత్రికి తరలించారు. అక్కడ కొందరి పరిస్థితి విషమంగా ఉన్నట్లు సమాచారం.
ప్రమాద సమయంలో బస్సులో దాదాపు 50 మందికి పైగా ప్రయాణికులు ఉన్నట్టు సమాచారం. ఈ ప్రమాదం గురించి సమాచారం అందుకున్న వెంటనే పోలీసులు, స్థానిక అధికారులు ఘటనాస్థలికి చేరుకుని సహాయక చర్యలు కొనసాగిస్తున్నారు. బస్సు టైర్లు పగిలిపోవడం వల్లే ప్రమాదం జరిగిందని ప్రాథమిక నిర్ణారణకు వచ్చారు. టైరు పగిలి బస్సు అదుపు తప్పి కాలువలో పడిపోయింది. ఈ ప్రమాదంలో ఇద్దరు మృతి చెందినట్లు సమాచారం అందుతోంది. చాలా మంది తీవ్రంగా గాయపడినట్లు కూడా వార్తలు వస్తున్నాయి.
కాలువలో పడిన బస్సు
శనివారం రాత్రి 8 గంటల ప్రాంతంలో ఈ ప్రమాదం జరిగినట్లు ఎస్పీ రవిరాజ్ సింగ్ జడేజా తెలిపారు. సపుతర నుంచి తిరిగి వస్తున్న బస్సు అదుపుతప్పి బోల్తా పడింది. రైలింగ్ను బద్దలు కొట్టడంతో బస్సు
బ్రిడ్జీపై నుంచి 50 అడుగుల దిగువన ఉన్న లోయలో పడింది. ఈ ఘటనలో ఇద్దరు మహిళా ప్రయాణికులు మృతి చెందగా, మరో 25-30 మంది పర్యాటకులు గాయపడ్డారని తెలిపారు.
గాయపడిన వారికి సపుతర, సంఘన్లోని ఆసుపత్రులకు తరలిస్తున్నారు. చికిత్స అందిస్తున్నారు. తీవ్రంగా గాయపడిన వారిని జిల్లాలోని ప్రభుత్వాసుపత్రికి తరలించారు. ఈ ప్రమాదంలో ఇద్దరు మహిళలు మరణించారని గుజరాత్ హోం మంత్రి హర్ష్ సంఘ్వీ తెలిపారు.
గుజరాత్ క్యాబినెట్ మంత్రి పూర్ణేష్ మోడీ ఈ సంఘటన గురించి వాట్సాప్ సందేశంలో తెలియజేశారు. దీనితో పాటు, ఈ రహదారి చుట్టూ ఉన్న రహదారి నిర్మాణ కార్మికులు వెంటనే సంఘటనా స్థలానికి చేరుకుని గాయపడిన వారిని ఆదుకోవాలని ఆయన అభ్యర్థించారు. అయితే, సంఘటన గురించి సమాచారం అందిన వెంటనే స్థానిక యంత్రాంగం అక్కడకు చేరుకుంది మరియు సహాయక చర్యలు కూడా కొనసాగుతున్నాయి.
గుజరాత్లోని డాంగ్ జిల్లాలో వర్షాకాలంలో భారీ వర్షాలు కురుస్తున్నాయి. భారీ వర్షాల కారణంగా జిల్లాలోని పలు రహదారులు మూసుకుపోవడంతో పాటు పలుచోట్ల కొండలపై నుంచి రాళ్లు రోడ్లపై పడ్డాయి. అటువంటి పరిస్థితిలో, రోడ్లు కూడా బ్లాక్ చేయబడ్డాయి.
