కాషాయరంగులో తొలి వందే భారత్ ఎక్స్‌ప్రెస్.. ఎక్కడి నుంచి ఎక్కడి వరకంటే?
తొలి కాషాయ వందే భారత్ ఎక్స్‌ప్రెస్ ట్రైన్ కేరళకు రాబోతున్నది. ఈ నెల 24వ తేదీన ప్రధాని మోడీ ప్రారంభించనున్న తొమ్మిది వందే భారత్ ఎక్స్‌‌ప్రెస్‌లలో కాసర్‌గోడ్- త్రివేండ్రం రూట్‌లో కాషాయ వర్ణం వందే భారత్ ఎక్స్‌ప్రెస్ సేవల్లోకి రానుంది.
Followన్యూఢిల్లీ: వందే భారత్ ఎక్స్‌ప్రెస్ వైట్ కలర్‌లో వచ్చిన సంగతి తెలిసిందే. తొలిసారి ఆ తెలుపు రంగు కాషాయ రంగుతో భర్తీ కాబోతున్నది. తొలి కాషాయ రంగు వందే భారత్ ఎక్స్‌ప్రెస్ ట్రైన్ కేరళకు రాబోతున్నది. ఈ నెల 24వ తేదీన ప్రధానమంత్రి నరేంద్ర మోడీ ఈ వందే భారత్ ఎక్స్‌ప్రెసక‌ను ప్రారంభిస్తారు. కాషాయ రంగు తొలి వందే భారత్ ఎక్స్‌ప్రెస్ కాసర్‌గోడ్-త్రివేండ్ర రూట్‌లో నడుస్తుంది. కేరళకు ఇది రెండో వందే భారత్ ఎక్స్‌ప్రెస్ ట్రైన్ కావడం గమనార్హం.
ఇందుకు సంబంధించి కేంద్ర రైల్వే శాఖ మంత్రి అశ్విని వైష్ణవ్ ఓ వీడియోను ఎక్స్‌లో పోస్టు చేశారు. వందే భారత్ కొత్త షేడ్స్‌లో కేరళకు త్వరలో వస్తున్నదని కామెంట్ చేశారు. గత నెల చెన్నైలోని ఇంటిగ్రల్ కోచ్ ఫ్యాక్టరీ తొలి కాషాయ వందే భారత్ ఎక్స్‌ప్రెస్ ట్రైన్‌ను చూపించింది.
Also Read: గ్రూప్ 1 రద్దు చేస్తూ టీఎస్పీఎస్సీపై హైకోర్టు తీర్పు కేసీఆర్ ప్రభుత్వానికి చెంపపెట్టు: ఈటల రాజేందర్
ఈ నెల 24వ తేదీన ప్రధానమంత్రి నరేంద్ర మోడీ 9 వందే భారత్ ఎక్స్‌ప్రెస్ ట్రైన్‌లను ప్రారంభించనున్నారు. అందులో ఉదయ్ పూర్-జైపూర్ వందే భారత్ ఎక్స్‌ప్రెస్, తిరునల్వేవీ-మదురై - చెన్నై వందే భారత్ ఎక్స్‌ప్రెస్, హైదరాబాద్-బెంగళూరు వందే భారత్ ఎక్స్‌ప్రెస్, విజయవాడ-చెన్నై వందే భారత్ ఎక్స్‌ప్రెస్, పాట్నా-హౌరా వందే భారత్ ఎక్స్‌ప్రెస్, కాసర్‌గోడ్-తిరువనంతపురం వందే భారత్ ఎక్స్‌ప్రెస్, రూర్కెలా-భువనేశ్వర్-పూరి వందే భారత్ ఎక్స్‌ప్రెస్, రాంచీ-హౌరా వందే భారత్ ఎక్స్‌ప్రెస్, జామ్‌నగర్-అహ్మదాబాద్ వందే భారత్ ఎక్స్‌ప్రెస్‌లను ప్రధాని మోడీ ప్రారంభిస్తారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
![Jallikattu: Fierce Bull Taming Competition in [Location Name]](https://static-gi.asianetnews.com/images/external/image-9de2a7fa-2f0d-46c8-96ef-845e864a92dc_180x120xt.jpg "Jallikattu: Fierce Bull Taming Competition in [Location Name]")
