థానే: వీధి కుక్కపై అత్యాచారం చేసిన ఓ వ్యక్తిని పోలీసులు అరెస్టు చేశారు. ఆడకుక్కపై 40 ఏళ్ల వ్యక్తి అత్యాచారం చేసినట్లు కొంత మంది యువకులు పోలీసులకు ఫిర్యాదు చేశారు. దాంతో పోలీసులు అతన్ని అరెస్టు చేశారు. ఈ సంఘటన మహారాష్ట్రలోని థానేలో జరిగింది. 

వీధి కుక్కలకు ఆహారం అందించే కొంత మంది యువకులు తమకు ఆ విషయం చెప్పారని, ఆ ఫిర్యాదు మేరకు నిందితుడిని అరెస్టు చేశామని పోలీసులు చెప్పారు. నిందితుడు అత్యాచారం చేస్తుండగా యువకులు చూసి పట్టుకున్నారని వారు చెప్పారు. 

వారి ఫిర్యాదు మేరకు ఆ వ్యక్తిని పట్టుకున్నట్లు పోలీసులు తెలిపారు. నిందితుడిపై ఫిర్యాదు చేసేందుకు థానే పోలీసు కమిషనర్ ను కలిశామని, ఆయన ద్వారానే స్థానిక పోలీసు స్టేషన్ లో ఫిర్యాదు చేశామని జంతు సంరక్షమ కార్యకర్త అదితి నాయర్ చెప్పారు. 

ఆ సంఘటన మంగళవారం సాయంత్రం 4.30 గంటలకు ఫుట్ ఓవర్ బ్రిడ్జి కింద జరిగినట్లు అదితి నాయర్ చెప్పారు. నిందితుడు థానేలోని వాగ్లే ఎస్టేట్ లోని రోడ్ నెంబర్ 16లో ఉంటాడు. అతను దినసరి కూలీ.

ఆ ఘటనపై పోలీసులు తొలుత ఫిర్యాదు తీసుకోవడానికి నిరాకరించారని, అయితే పోలీసు కమిషనర్ వివేక్ ఫనసల్కర్ ను కలిసిన తర్వాత ఫిర్యాుదును నమోదు చేసుకున్నారని అదితి నాయర్ చెప్పారు