చారిత్రాత్మక మైలురాయి.. సైగల భాషతో సుప్రీంకోర్టులో కేసును వాదించిన చెవిటి-మూగ న్యాయవాది
Supreme Court: భార‌త అత్యున్న‌త న్యాయ‌స్థానం సుప్రీంకోర్టులో ఒక అరుదైన, చారిత్రాత్మక మైలురాయిగా నిలిచే స‌న్నివేశం చోటుచేసుకుంది. సైగల భాషతో చెవిటి-మూగ అయిన ఒక దివ్యాంగ న్యాయవాది సుప్రీంకోర్టులో కేసును వాదించారు. భార‌త ప్రధాన న్యాయమూర్తి జ‌స్టిస్ డీవై చంద్రచూడ్ ముందు సైన్‌ లాంగ్వేజ్‌ (సైగలతో కూడిన భాష) నిపుణుడి సాయంతో తన వాదనలు వినిపించారు.
Deaf and Mute Lawyer Sara Sunny: భార‌త అత్యున్న‌త న్యాయ‌స్థానం సుప్రీంకోర్టులో ఒక అరుదైన, చారిత్రాత్మక మైలురాయిగా నిలిచే స‌న్నివేశం చోటుచేసుకుంది. సైగల భాషతో చెవిటి-మూగ అయిన ఒక దివ్యాంగ న్యాయవాది సుప్రీంకోర్టులో కేసును వాదించారు. భార‌త ప్రధాన న్యాయమూర్తి జ‌స్టిస్ డీవై చంద్రచూడ్ ముందు సైన్‌ లాంగ్వేజ్‌ (సైగలతో కూడిన భాష) నిపుణుడి సాయంతో తన వాదనలు వినిపించారు. ఈ చారిత్రాత్మక ఘట్టం దేశంలో న్యాయానికి సమాన ప్రాప్యతను నిర్ధారించే దిశగా ఒక ముఖ్యమైన అడుగును సూచించింది.
ఓ కేసు విషయంలో సుప్రీంకోర్టు వర్చువల్‌గా విచారణ చేప‌ట్టింది. ఈ కేసును కేర‌ళ‌కు చెందిన మూగ, చెవిటి ఉన్న దివ్యాంగ న్యాయవాది సారా సన్నీ వాదిస్తున్నారు. ఈ క్ర‌మంలోనే ఆమెకు మొద‌ట సుప్రీంకోర్టు అధికారులు కంట్రోల్ రూమ్ స్క్రీన్ స్పేస్ ఇవ్వడానికి నిరాకరించారు. అయితే, ఆమె సీనియర్‌ న్యాయవాది విషయాన్ని సీజేఐ డీవై చంద్రచూడ్ దృష్టికి తీసుకెళ్ల‌డంతో.. చీఫ్ జ‌స్టిస్ జోక్యం చేసుకుని సన్నీకి స్క్రీన్ స్పేస్ కేటాయించాలని కంట్రోల్ రూమ్ ను ఆదేశించారు. ఈ సంఘటన భారతీయ న్యాయ వ్యవస్థలో సమ్మిళితత్వం, అంద‌రికీ న్యాయ ప్రాప్యతను ప్రోత్సహించడానికి, అడ్డంకులను విచ్ఛిన్నం చేయడానికి, వ్యక్తులందరూ వారి సామర్థ్యాలతో సంబంధం లేకుండా, న్యాయ వ్యవస్థను యాక్సెస్ చేయడానికి, అందులో పాల్గొనడానికి కొనసాగుతున్న ప్రయత్నాలను నొక్కి చెబుతుంది.
సీజేఐ అనుమ‌తిలో భారతీయ సైన్‌ లాంగ్వేజ్‌ నిపుణుడు సౌరవ్‌ రాయ్‌ చౌదరీ సాయంతో దివ్యాంగ న్యాయవాది సారా సన్నీ సుప్రీంకోర్టులో తన వాదనలు వినిపించారు. సారా సన్నీ తరఫున అడ్వకేట్ ఆన్ రికార్డ్ (ఏఓఆర్) సంచితా.. సుప్రీంకోర్టు ప్రధాన న్యాయమూర్తి డీవై చంద్రచూడ్ నేతృత్వంలోని ధర్మాసనానికి విన్నవించారు. తద్వారా సారా విచారణను అర్థం చేసుకోవడానికి అనువాదకుడిని అనుమతించాలని కోరారు. కోర్టు హాలులో రోజంతా, అనువాదకుడు, సంకేత భాష ద్వారా, ప్రొసీడింగ్స్ ను సారాకు వివరించాడు. అనువాదకుడు చేసిన కృషిని సొలిసిటర్ జనరల్ తుషార్ మెహతా అభినందించారు. ఇది స్వాగతించదగిన చర్య అని అన్నారు. ఏఓఆర్ సంచితా.. సారా ప్రతిభావంతురాలైన అమ్మాయి అనీ, ఆమె తన కలలను సాకారం చేసుకోవాలనుకుంటుందని అన్నారు. త‌న‌కు చేతనైనంత వరకు మాత్రమే ఆమెకు సపోర్ట్ చేస్తున్నాన‌ని పేర్కొన్నారు. బధిరుల కోసం ఇలాంటి మౌలిక సదుపాయాలను అభివృద్ధి చేయాలని తాను ఎల్లప్పుడూ భావిస్తానని చెప్పినట్టు ఇండియా టూడే నివేదించింది.
