Asianet News TeluguAsianet News Telugu

బిల్కిస్ బానో దోషుల విడుద‌ల‌పై స్పందించిన‌ దేవేంద్ర ఫడ్నవీస్.. ఏమ‌న్నారంటే..? 

బిల్కిస్ బానో సామూహిక అత్యాచారం కేసులో 11 మంది దోషులు జైలు నుంచి విడుదలయ్యారు. ఈ విష‌యంపై మ‌హారాష్ట్ర‌ హోంమంత్రి, బీజేపీ నేత దేవేంద్ర ఫడ్నవీస్ స్పందించారు. విడుద‌లైన ఖైదీలకు పుష్పగుచ్ఛాలతో స్వాగతం పల‌క‌డం తప్పేన‌ని అన్నారు.  

Devendra Fadnavis reacts on the release of Bilkis Bano convicts
Author
Hyderabad, First Published Aug 23, 2022, 11:04 PM IST

గుజరాత్‌లో 2002లో జరిగిన బిల్కిస్ బానో సామూహిక‌ అత్యాచారం, హ‌త్య‌ కేసులో 11 మంది దోషులు సుప్రీంకోర్టు ఆదేశాల మేరకు జైలు నుంచి విడుదలయ్యారు. ఈ త‌రుణంలో కొందరు ఆ దోషుల‌కు పూలమాలలు వేసి వారిని సన్మానాలు చేశారు. సామూహిక అత్యాచారం, హ‌త్య కేసులో శిక్ష అనుభ‌విస్తున్న నిందితుల‌ను విడుద‌ల చేయ‌డమేమిట‌ని దేశవ్యాప్తంగా విమర్శలు వెల్లువెత్తాయి. 

ఈ విషయంపై తాజాగా మహారాష్ట్ర హోంమంత్రి, బీజేపీ నేత దేవేంద్ర ఫడ్నవీస్ స్పందించారు. సుప్రీం కోర్టు ఆదేశాల మేరకే గుజ‌రాత్ ప్ర‌భుత్వం దోషులను విడుదల చేసింద‌ని తెలిపారు. వారంతా దాదాపు 20 ఏళ్లు జైలు శిక్ష అనుభవించారని పేర్కొన్నారు. నిందితుల‌ను విడుదల చేసినప్పటికీ.. వారిని గౌరవించడం మాత్రం తప్పేన‌నీ, అలాంటిది చర్యల‌ను సమర్థించరాద‌ని పేర్కోన్నారు. 

భండారా జిల్లాలో ముగ్గురు వ్యక్తులు 35 ఏళ్ల మహిళపై లైంగిక వేధింపులకు పాల్పడ్డారనే ఆరోపణలపై రాష్ట్ర శాసన మండలిలో జరిగిన చర్చపై ఫడ్నవీస్ స్పందిస్తూ.. బిల్కిస్ బానో అంశాన్ని సభలో ప్రస్తావించాల్సిన అవసరం లేదని పేర్కొన్నారు.
 
దోషులను స్వాగతించడం తప్పే..

రాష్ట్ర హోం మంత్రిత్వ శాఖ బాధ్యతలు కూడా నిర్వహిస్తున్న ఫడ్నవీస్ మాట్లాడుతూ.. '14 ఏళ్ల జైలు జీవితం తర్వాత దాదాపు 20 ఏళ్ల తర్వాత నిందితులు విడుదలయ్యారు. సుప్రీంకోర్టు ఆదేశాల తర్వాత విడుదల చేసినా.. నిందితుడిని గౌరవించి స్వాగతిస్తే అది తప్పు. నిందితుల చర్యను సమర్థించలేమని తెలిపారు. 

బిల్కిస్ బానో అనే  5 నెల‌ల గ‌ర్భీణిపై సామూహిక అత్యాచారం. ఆమె కుటుంబంలోని ఏడుగురి హత్య చేసిన కేసులో జీవిత ఖైదు అనుభవిస్తున్న 11 మంది దోషులు ఆగస్టు 15న విడుదలయ్యారు.  గుజరాత్‌లోని బిజెపి ప్రభుత్వం క్షమాభిక్ష విధానంలో ముందస్తుగా విడుదల చేయడానికి అనుమతించిన తరువాత గోద్రా జైలు నుండి బయటకు వచ్చిన ఖైదీలకు పుష్పగుచ్ఛాలతో స్వాగతం పలికారు.

అసలు విషయం ఏంటో తెలుసుకోండి..

గుజరాత్‌లో గోధ్రా అనంతర అల్లర్ల సమయంలో.. 3 మార్చి 2002న, దాహోద్ జిల్లా లింఖెడా తాలూకాలోని రాధిక్‌పూర్ గ్రామంలో బిల్కిస్ బానో కుటుంబంపై ఒక గుంపు దాడి చేయడం గమనార్హం. ఆ సమయంలో బిల్కిస్ బానో ఐదు నెలల గర్భవతి అని చెప్పండి. ఆ సమయంలో బిల్కిస్ బానో అనే 5 నెలల గ‌ర్భీణిపై  సామూహిక అత్యాచారం, ఆమె కుటుంబంలోని ఏడుగురిపై విచ‌క్ష‌ణ రహితంగా దాడి చేసి..  హత్య చేశారు. ఈ కేసులో 2008లో ముంబయిలోని సీబీఐ న్యాయస్థానం మొత్తం 11 మందిని దోషులుగా తేల్చింది. దోషులంద‌రికీ యవజ్జీవ కారాగార శిక్ష విధించింది. ఆ తర్వాత ఈ తీర్పును  బాంబే హైకోర్టు కూడా సమర్థించింది. 

అయితే 14 ఏళ్ల శిక్షకాలం పూర్తి చేసుకున్నందున దోషుల్లో ఒకరు .. తమను జైలు నుంచి విడుదల చేయాలని సుప్రీంకోర్టును ఆశ్రయించారు. అయితే.. ఈ విషయాన్ని పరిశీలించాలని గుజరాత్ ప్రభుత్వాన్ని సుప్రీం కోర్టు ఆదేశించింది. ఈ నేపథ్యంలో.. స్వాతంత్య్ర దినోత్స‌వం నాడు 11 మందిని దోషుల‌ను గుజరాత్ ప్రభుత్వం విడుదల చేసింది . వీరంతా జైలు నుంచి బయటకు రాగానే  కొంత మంది వారికి పూలదండ‌లు వేసి.. మిఠాయిలు తినిపించారు. దోషులందరినీ జైలు నుంచి విడుదల చేయడం, సన్మానించడంపై దేశవ్యాప్తంగా విమర్శలు వెల్లువెత్తాయి.

Follow Us:
Download App:
  • android
  • ios