ఢిల్లీలో కిడ్నీ రాకెట్ ను పోలీసులు చేధించారు. పదిమందిని అదుపులోకి తీసుకున్నారు. నిరుపేదలను టార్గెట్ చేసి.. వారి కిడ్నీలను కొట్టేస్తున్న ముఠాగుట్టు రట్టు చేశారు.
న్యూఢిల్లీ : covid కారణంగా తండ్రి ఉద్యోగం పోయింది. ఆసుపత్రికి డబ్బులు కట్టలేక చికిత్స మధ్యలోనే తల్లిని డిశ్చార్జి చేయాల్సి వచ్చింది. తీవ్ర ఆర్థిక ఇబ్బందుల్లో ఇక తప్పదని gujarat నుంచి ఢిల్లీకి చేరుకున్నాడు. రఘు (21) అనే వ్యక్తి. అక్కడా ఉపాధి కరువే అయ్యింది. నిలువ నీడ లేకుండా పోయింది. దక్షిణ ఢిల్లీలోని ఒక గురుద్వార బయట ఉంటున్నాడు. ఇలా ఉంటుండగా ఒక రోజు ఒక వ్యక్తి వచ్చి kidney ఇస్తావా, మూడు లక్షల రూపాయలు ఇస్తానని అడిగాడట. మొదట దానికి ఒప్పుకోలేదు కానీ, కుటుంబ పరిస్థితి చూసి ఒప్పుకోక తప్పలేదు. రఘుతో పాటు మరో 15 మంది ఇదే మోసానికి బలై తమ కిడ్నీలు అమ్ముకున్నారు.
ఢిల్లీ కేంద్రంగా జరుగుతున్న ఈ Kidney racketను బుధవారం పోలీసులు రట్టు చేశారు. ఇందులో భాగమైన 10 మందిని అరెస్ట్ చేశారు. ఇందులో ఇద్దరు డాక్టర్లు ఉన్నారు. గూడులేని నిరుపేదలను టార్గెట్ గా డబ్బుల ఆశ చూపిస్తూ ఈ రాకెట్ ను నడుపుతున్నట్లు పోలీసులు పేర్కొన్నారు. సోనిపట్ లో ఆపరేషన్ థియేటర్ ఏర్పాటు చేసిన అక్కడే పేషెంట్లకు కిడ్నీ ఆపరేషన్లు నిర్వహించేవారని తెలిపారు. ఆపరేషన్ కోసం పేషెంట్ నుంచి లక్షల్లో ఫీజు వసూలు చేసేవాడినని పట్టుబడిన వైద్యుడు విచారణలో వెల్లడించారు.
ఆరు నెలల్లో సుమారు 14 మందికి ఆపరేషన్లు చేయాలని టార్గెట్ పెట్టుకున్నట్టు చెప్పాడు. విచారణ ఇంకా కొనసాగుతోందని, ఇది ముగిసేనాటికి మరిన్ని వివరాలు తెలిసే అవకాశంఉందని పోలీసులు పేర్కొన్నారు. భాధితులకు సైతం ముందుగా ఒప్పుకున్న డబ్బు ఇవ్వకుండా మరింత మోసం చేశారట. లక్ష నుంచి మూడు లక్షల రూపాయల మధ్యే చెల్లించారని బాధితులు ఆవేదన వ్యక్తం చేశారు.
దీనికోసం.. ఇన్ఫార్మర్ ఇచ్చిన సమాచారంతో హౌజ్ ఖాస్ ప్రాంతంలోని ఒక ప్రైవేట్ ల్యాబ్ దగ్గర మాటు వేశారు. పింటూ కుమార్ యాదవ్ అనే వ్యక్తిని పొత్తికడుపులో నొప్పి నెపంతో చికిత్స నిమిత్తం సర్వజీత్, విపిన్ ల్యాబ్కు తీసుకెళ్లినట్లు సమాచారం అందించాడు. తీసుకువెళ్లారు. కానీ కిడ్నీ దానం కోసం అక్కడికి వచ్చారని తెలుసుకుని ప్రశ్నించగా వాగ్వాదం జరిగింది. దీంతో మానవ అవయవాల మార్పిడి చట్టం కింద పోలీసులు కేసు నమోదు చేసి దర్యాప్తు చేపట్టారు. ఈ రాకెట్ను ఛేదించేందుకు ఢిల్లీ పోలీసు అధికారుల బృందాన్ని ఏర్పాటు చేశారు.
ఈ బృందం పక్కా సమాచారం కోసం, అవిశ్రాంతంగా పని చేసింది, పింటూ కుమార్ యాదవ్ ఉదాహరణతో, పోలీసు సిబ్బంది సర్వజీత్ జైల్వాల్, రఘు శర్మ వద్దకు చేరుకున్నారు. విచారణలో రఘు శర్మ కిడ్నీని సర్వజీత్ ఇతర ముఠా సభ్యులు అప్పటికే తీసుకున్నట్లు తేలింది. సర్వజీత్, శైలేష్ ఇద్దరినీ సుదీర్ఘంగా విచారించారు. రికార్డులో తగిన సాక్ష్యాధారాల ఆధారంగా, పోలీసులు ఈ కేసులో వారిని అరెస్టు చేశారు. నిందితులు ఇద్దరూ నిరుపేదలు, నిరుపేదలను లక్ష్యంగా చేసుకుని కిడ్నీలు చేయించుకునేవారని విచారణలో వెల్లడైంది.
ఆ తర్వాత హౌజ్ఖాస్లోని ల్యాబ్లో ఫీల్డ్ బాయ్గా పనిచేసిన మరో నిందితుడు ఎండీ లతీఫ్ను కూడా అరెస్టు చేశారు. అతను కిడ్నీ దాతలు/విక్రేతలను వారికి అవసరమైన పరీక్షల కోసం డయాగ్నోస్టిక్ సెంటర్లకు తీసుకువెళ్లేవారు, అది కూడా ఎలాంటి ప్రిస్క్రిప్షన్ లేకుండానే,, కిడ్నీ పనితీరు గురించి తెలుసుకోవడానికి అత్యంత ముఖ్యమైన పరీక్ష అయిన DTPA పరీక్ష కోసం మరొక కేంద్రానికి తీసుకెళ్లేవాడు.
