లాలూ, తేజస్విలకు దిమ్మతిరిగే షాక్.. ఉద్యోగాల కుంభకోణం కేసులో ఢిల్లీ కోర్టు సమన్లు ..
భూ కుంభకోణం ( LAND FOR JOB) కేసులో ఆర్జేడీ చీఫ్ లాలూ ప్రసాద్ యాదవ్, ఆయన భార్య రబ్రీదేవీ, వీరి కుమారుడు తేజస్వీ యాదవ్ తదితరులపై సీబీఐ ఛార్జ్ షీట్ దాఖలు చేసింది. సీబీఐ దాఖలు చేసిన కొత్త చార్జిషీట్‌ను పరిగణనలోకి తీసుకుని అవెన్యూ కోర్టు ప్రత్యేక న్యాయమూర్తి గీతాంజలి గోయల్ ఈ ఆదేశాలు జారీ చేశారు.
ఉద్యోగాల కుంభకోణం (LAND FOR JOB) కేసులో కొత్త ఛార్జిషీట్ దాఖలు నమోదైంది. ఈ మేరకు మాజీ రైల్వే మంత్రి లాలూ ప్రసాద్ యాదవ్, ఆయన భార్య రబ్రీదేవీ, బీహార్ ఉప ముఖ్యమంత్రి తేజస్వి యాదవ్, ఇతర నిందితులకు కోర్టు సమన్లు జారీ చేసింది. అక్టోబర్ 4న అందరూ హాజరు కావాలని కోర్టు ఆదేశించింది. సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) దాఖలు చేసిన కొత్త చార్జిషీట్‌ను పరిగణనలోకి తీసుకుని రూస్ అవెన్యూ కోర్టు ప్రత్యేక న్యాయమూర్తి గీతాంజలి గోయల్ ఈ ఆదేశాలు జారీ చేశారు.
సీబీఐ ప్రకారం.. ఉద్యోగాల కోసం భూ కుంభకోణం కేసులో అప్పటి కేంద్ర రైల్వే మంత్రి, అతని భార్య రబ్రీ దేవి, కుమారుడు, పశ్చిమ మధ్య రైల్వే (డబ్ల్యుసిఆర్) అప్పటి జిఎం, ఇద్దరు సిపిఓలు సహా 17 మంది నిందితులపై చార్జిషీట్ నమోదైంది. అవినీతి, నేరపూరిత కుట్ర, మోసం, ఫోర్జరీతో సహా పలు నేరాలను ప్రాథమిక సాక్ష్యాలు చూపించాయని అన్నారు. ఉద్యోగాల కుంభకోణం కేసులో లాలూ ప్రసాద్ యాదవ్, ఆయన కుమారుడు తేజస్వి యాదవ్ మరియు ఇతరులపై సీబీఐ ఇటీవల చార్జిషీట్ దాఖలైనట్టు పేర్కొంటూ అక్టోబర్ 4న కోర్టు ముందు హాజరుకావాలని న్యాయమూర్తి సమన్లు జారీ చేశారని అన్నారు.
2022లో లాలూ యాదవ్‌తో పాటు ఆయన భార్య, ఇద్దరు కుమార్తెలు, రైల్వే ఉద్యోగులు, ప్రైవేట్ వ్యక్తులతో సహా ఇతరులపై సీబీఐ కేసు నమోదు చేసింది. 2004-2009 మధ్య కాలంలో అప్పటి కేంద్ర రైల్వే మంత్రి గ్రూప్ 'డి' పోస్టుల్లో ప్రత్యామ్నాయాల నియామకానికి ప్రతిఫలంగా రైల్వేలోని వివిధ జోన్లలోని భూముల ఆస్తులను తన కుటుంబ సభ్యుల పేరు మీద బదిలీ చేశారని, ఉద్యోగాలు పొందిన వారి నుంచి ఆర్థిక ప్రయోజనాలు పొందారని ఆరోపణలు వచ్చాయి. అంతకుముందు గురువారం సెంట్రల్ బ్యూరో ఆఫ్ ఇన్వెస్టిగేషన్ (సిబిఐ) ముగ్గురు మాజీ రైల్వే అధికారులపై కూడా సంబంధిత అధికారి నుండి అనుమతి పొందినట్లు కోర్టుకు తెలిపింది.
