క్రాకర్లపై నిషేధం ఉన్నప్పటికీ తగ్గని ఢిల్లీ వాసులు .. ప్రమాదకర స్థాయికి చేరుకున్న ఎయిర్ క్వాలిటీ
ఢిల్లీ లో బాణా సంచా కాల్పడంపై నిషేధం విధించినప్పటికీ కొంతమంది నగరవాసులు ఆంక్షలను ఉల్లంఘించారు. దక్షిణ. వాయువ్య ఢిల్లీతో సహా నగరంలోని అనేక ప్రాంతాల్లో ప్రజలు సాయంత్రం క్రాకర్లు పేల్చడం ప్రారంభించారు. దీంతో గాలి విషమంగా మారింది. ఢిల్లీ-నోయిడా గాలి నాణ్యత చాలా తక్కువ స్థాయికి చేరుకుంది.
దేశ రాజధాని ఢిల్లీలో బాణా సంచా కాల్పడంపై నిషేధం విధించినప్పటికీ కొంతమంది నగరవాసులు ఆంక్షలను ఉల్లంఘించారు. దక్షిణ. వాయువ్య ఢిల్లీతో సహా నగరంలోని అనేక ప్రాంతాల్లో ప్రజలు సంధ్యా సమయానికి క్రాకర్లు పేల్చడం ప్రారంభించారు. దీంతో దీపావళి రాత్రి ఢిల్లీ-ఎన్‌సీఆర్‌లో వాయు కాలుష్యం తీవ్రస్థాయికి చేరుకుంది. గాలి నాణ్యత పడిపోయింది.
ఢిల్లీ,నోయిడాలలో గాలి నాణ్యత 'చాలా పేలవమైన'స్తాయికి చేరుకుంది. అంతకుముందు.. సోమవారం ఉదయం 8 గంటలకు ఢిల్లీ ఏక్యూఐ 301గా నమోదు కాగా..దీపావళి అర్థరాత్రి వరకు అత్యంత ప్రమాదకర స్థాయికి చేరుకుందని ఎయిర్ స్టాండర్డ్స్ ఏజెన్సీలు తెలిపాయి.మరోవైపు, ఆదివారం ఢిల్లీ సహా ఎన్‌సిఆర్‌లోని అన్ని నగరాల్లో గాలి పేదల విభాగంలో ఉంది.
కేంద్ర కాలుష్య నియంత్రణ మండలి (సిపిసిబి) ప్రకారం.. ఢిల్లీలో గాలి నాణ్యత సూచిక (ఎక్యూఐ) దీపావళికి ముందు రోజు (ఆదివారం) 259 గా నమోదైంది, ఇది ఏడేళ్ల కనిష్ట స్థాయి. ఆదివారం జరిగిన భారత్‌-పాక్‌ క్రికెట్‌ మ్యాచ్‌లో భారత జట్టు విజయం సాధించినందుకు ఆనందంతో ప్రజలు బాణాసంచా కాల్చారు. ఢిల్లీలో నిషేధం ఉన్నప్పటికీ క్రాకర్లు కాలుస్తున్నారని నిపుణులు చెబుతున్నారు. అలాంటి పరిస్థితిలో దీపావళి రోజు రాత్రి బాణాసంచా కాల్చారు. అందువల్ల, గాలి నాణ్యత చాలా తీవ్రమైన వర్గానికి చేరుకుందని తెలిపారు. దీపావళి రోజున దేశ రాజధానిలో పటాకులు పేల్చితే ఆరు నెలల వరకు జైలు శిక్ష మరియు ₹ 200 జరిమానా విధిస్తామని ఢిల్లీ పర్యావరణ మంత్రి గోపాల్ రాయ్ గత వారం తెలిపారు.
ఏదేమైనప్పటికీ,ఢిల్లీలోని గాలి నాణ్యత సోమవారం "చాలా పేలవంగా" మారింది. 24 గంటల సగటు గాలి నాణ్యత సూచిక (AQI) 312 గా నమోదు అయ్యిందనీ, ఏడేళ్లలో రెండోసారి అత్యంత ప్రమాదకర స్థాయికి చేరుకుందని, 2018లో దీపావళి రోజున నగరం AQI 281గా నమోదైందని అధికారులు తెలిపారు. ఈ ఏడాది మళ్లీ పటాకుల మోత పెరిగితే.. గాలి నాణ్యత మరింత దిగజారే అవకాశం ఉందని నిపుణులు ఆందోళన వ్యక్తం చేశారు.
గత సంవత్సరం లాగా బాణసంచా పేలినట్లయితే..దీపావళి రోజు రాత్రి గాలి నాణ్యత "తీవ్ర" స్థాయికి పడిపోవచ్చు. మరొక రోజు "రెడ్" జోన్‌లో కొనసాగవచ్చు. సిస్టమ్ ఆఫ్ ఎయిర్ క్వాలిటీ అండ్ వెదర్ ఫోర్‌కాస్టింగ్ అండ్ రీసెర్చ్ ( SAFAR) ముందుగా అంచనా వేసింది. నిషేధం ఉన్నప్పటికీ, ప్రజలు సాయంత్రం 6 గంటల నుండి వివిధ ప్రాంతాల్లో పటాకులు కాల్చారు.
దక్షిణ ఢిల్లీలోని ఈస్ట్ ఆఫ్ కైలాష్‌లో , పొరుగు ప్రాంతాలైన నెహ్రూ ప్లేస్,మూల్‌చంద్‌లో సాయంత్రం పూట గాలిలో పటాకులు పేలుతున్న శబ్దాలు వినబడ్డాయనీ,కొంతమంది ప్రతి సంవత్సరం మాదిరిగానే తమ పరిసరాల్లో క్రాకర్లు పేల్చినట్టు గుర్తించారు. బురారీలో కూడా.. నిషేధం గురించి విస్తృతంగా ప్రచారం చేసినప్పటికీ చాలా మంది నివాసితులు పటాకులు పేల్చారు. తూర్పు ఢిల్లీలోని లక్ష్మీ నగర్‌, మయూర్‌ విహార్‌, షాహదారాలో కూడా ఇదే పరిస్థితి నెలకొంది. గత ఏడాదితో పోలిస్తే సాయంత్రం వేళల్లో తీవ్రత తక్కువగా ఉండగా..రాత్రి 9 గంటల తర్వాత గాలి నాణ్యత చాలా ప్రమాదకర స్థాయికి చేరుకుందని అధికారులు తెలిపారు.
బాణా సంచా నిషేధం అమలు కోసం మొత్తం 408 బృందాలను ఏర్పాటు చేశారు. ఢిల్లీ పోలీసులు అసిస్టెంట్ కమీషనర్ ఆఫ్ పోలీస్ ఆధ్వర్యంలో 210 బృందాలను ఏర్పాటు చేయగా, రెవెన్యూ శాఖ 165 బృందాలను, ఢిల్లీ కాలుష్య నియంత్రణ కమిటీ 33 బృందాలను ఏర్పాటు చేసింది. పొరుగున ఉన్న గురుగ్రామ్, ఫరీదాబాద్ నగరాల్లో కూడా చాలా మంది ప్రజలు పటాకులు పేల్చారు.
ఈ నేపథ్యంలో సోమవారం ఘజియాబాద్ గాలి నాణ్యత (301) నమోదు కాగా.. నోయిడా (303), గ్రేటర్ నోయిడా (270), గురుగ్రామ్ (325), ఫరీదాబాద్ (256)గా నమోదైంది. సోమవారం ఉదయం గాలి నాణ్యత పూర్ కేటగిరీ నుంచి వేరి పూర్ కేటగిరీకి చేరింది.
గాలి నాణ్యత ( ఏక్యూఐ) సున్నా నుంచి 50 మధ్య ఉంటే.. "మంచిది", 51 నుండి 100 మధ్య ఉంటే.. "సంతృప్తికరమైనది", 101 నుంచి 200 మధ్య ఉంటే.. "మితం", 201 నుంచి 300 మధ్య ఉంటే.. "పేద", 301 నుంచి 400 మధ్య ఉంటే.. "చాలా పేలవమైనది" 401 నుంచి 500 మధ్య ఉంటే.. "తీవ్రమైనది"గా పరిగణించబడుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
