పెళ్లి నాటి ముచ్చట్లు.. 24 ఏళ్ల క్రితం పెండ్లి కుమార్తెగా ప్రియాంక గాంధీ, ఫోటోలు వైరల్
కాంగ్రెస్ అధినేత్రి సోనియా గాంధీ కుమార్తె, ప్రియాంక గాంధీ రాజకీయాలతో పాటు సోషల్ మీడియాలోనూ చురుగ్గా ఉంటారు. సమకాలీన అంశాలపై ఎప్పటికప్పుడు స్పందించే ప్రియాంక.. కొన్ని విషయాలను నెటిజన్లతో పంచుకుంటూ వుంటారు.
కాంగ్రెస్ అధినేత్రి సోనియా గాంధీ కుమార్తె, ప్రియాంక గాంధీ రాజకీయాలతో పాటు సోషల్ మీడియాలోనూ చురుగ్గా ఉంటారు. సమకాలీన అంశాలపై ఎప్పటికప్పుడు స్పందించే ప్రియాంక.. కొన్ని విషయాలను నెటిజన్లతో పంచుకుంటూ వుంటారు.
తాజాగా ఆమె తన పెళ్లినాటి ముచ్చట్లను పంచుకున్నారు. ఈ సందర్భంగా అప్పటి ప్రీ వెడ్డింగ్‌ వేడుకలకి సంబంధించిన ఫోటోలను సోషల్ మీడియాలో షేర్‌ చేశారు. అవి సరిగ్గా 24 ఏళ్ల క్రితం 'ఫూలోన్ కా గెహ్నా' (కశ్మీరి సాంప్రదాయం ప్రకారం వధువును పూలతో అలంకరించే వేడుక ) సమయంలో తీసిన ఫోటోలని ప్రియాంక చెప్పారు.
వీటిని చూసిన నెటిజన్లు, కాంగ్రెస్ అభిమానులు ఆమె ఎంత అందంగా ఉందో అంటూ వ్యాఖ్యానిస్తున్నారు. ఇప్పటికే ఈ ఫోటోలకు వేలసంఖ్యలో లైకులు వచ్చాయి. కాగా, 1997 ఫిబ్రవరి 18 న వ్యాపారవేత్త రాబర్ట్ వాద్రాతో ప్రియాంక వివాహం జరిగిన సంగతి తెలిసిందే.
కాశ్మీర్ సంప్రదాయం ప్రకారం పెళ్లికి రెండు రోజుల ముందు ఈ పూల వేడుకను నిర్వహిస్తారు. ప్రియాంక షేర్‌ చేసిన ఫ్రీ వెడ్డింగ్‌ ఫోటోలో ఆమె వెంట ఆడపడుచు మిచెల్ వాద్రా కూడా ఉన్నారు. 2001లో జరిగిన ఓ రోడ్డు ప్రమాదంలో మిచెల్ మరణించారు.
ఇక గతంలో చీర కట్టులో ఉన్న ఫోటోను షేర్‌ చేసిన ప్రియాంక గాంధీ.. ఆమె పెళ్లి రోజు పూజా సమయంలోని ఫోటోని షేర్‌ చేశారు. #SareeTwitter అనే హ్యాష్‌ ట్యాగ్‌ను ఆమె పోస్టుకు ట్యాగ్‌ చేశారు. ప్రియాంక తన పెళ్లి నాటి ఫోటోను షేర్‌ చేసిన కొన్ని క్షణాల్లోనే అది వైరల్ అయిన సంగతి తెలిసిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
