Chandrayaan 3 Launch Mission: చంద్రుడిపై అధ్యయనం కోసం ఇస్రో అత్యంత ప్రతిష్ఠాత్మకంగా చేపట్టిన చంద్రయాన్-3యాత్రకు సన్నాహాలు మొదలయ్యాయి. ఈ క్రమంలో దానికి మందుగా యాత్రకు సంబంధించి 24 గంటల లాంచ్ రిహార్సల్ విజయవంతంగా పూర్తంది.
Chandrayaan 3 Launch Mission: భారత అంతరిక్ష పరిశోధనా సంస్థ (ఇస్రో) చంద్రయాన్-3 మిషన్ ప్రయోగానికి సన్నాహాలు మొదలయ్యాయి. 24 గంటల లాంచ్ రిహార్సల్ ప్రక్రియ పూర్తయింది. ఈ మిషన్కు సంబంధించిన కౌంట్డౌన్ గురువారం నుంచి ప్రారంభం కానుంది. ఈ మిషన్ను ఆంధ్రప్రదేశ్లోని శ్రీహరికోట నుండి శుక్రవారం (జూలై 14) మధ్యాహ్నం 2:35 గంటలకు లాంచ్ వెహికల్ మార్క్-III (ఎల్విఎం 3) నుండి పంపనున్నారు. 24 గంటల 'లాంచ్ రిహార్సల్' పూర్తయిందని ఇస్రో బుధవారం ట్వీట్ చేసింది. చంద్రయాన్-3 మిషన్.. చంద్రయాన్-2కి తదుపరి మిషన్, ఇది చంద్రుని ఉపరితలంపై సురక్షితమైన ల్యాండింగ్ , కక్ష్యలో పూర్తి సామర్థ్యాన్ని ప్రదర్శిస్తుందని భావిస్తున్నారు.
చంద్రయాన్-2 మిషన్ సమయంలో ల్యాండర్ను సాఫ్ట్ ల్యాండింగ్ చేయడంలో విజయం సాధించలేదు. ఈ నేపథ్యంలో చంద్రయాన్-3 మిషన్ భారత్కు అత్యంత కీలకంగా పరిగణించబడుతోంది. చంద్రుడిపై వాహనాన్ని సాఫ్ట్ ల్యాండింగ్ చేయడం అంటే.. వాహనాన్ని సురక్షితమైన మార్గంలో ల్యాండ్ చేస్తే.. ఇస్రో చేపట్టిన ఈ మిషన్ విజయవంతమైనట్టే.. చంద్రుడిపై ప్రయోగాలు ప్రారంభించిన దేశాల జాబితాలో భారత్ కూడా చేరుతుంది. చంద్రుని ఉపరితలంపై సాప్ట్ ల్యాండింగ్ ఆగస్టు చివరిలో షెడ్యూల్ చేయబడింది. 2019లో చంద్రయాన్-2 చంద్రుడి ఉపరితలంపై సురక్షితంగా ల్యాండ్ కావడంలో విఫలమైంది. దీంతో ఇస్రోతో పాటు దేశం మొత్తం నిరాశ చెందింది.
'చంద్రయాన్-3'ని మోసుకెళ్లనున్న ఫ్యాట్ బాయ్'
ఇస్రో ప్రతిష్టాత్మక చేపట్టిన చంద్రయాన్-3 ను 'ఫ్యాట్ బాయ్' LVM-M4 రాకెట్ ద్వారా మోసుకెళ్ళనుంది. పొడవైన , బరువైన LVM3 రాకెట్ను (గతంలో GSLV Mk3 అని పిలుస్తారు) దాని భారీ పేలోడ్ సామర్థ్యం కారణంగా ISRO శాస్త్రవేత్తలు దీనిని ఫ్యాట్ బాయ్ అని కూడా పిలుస్తారు. ఈ ఫ్యాట్ బాయ్ వరుసగా ఆరు విజయవంతమైన మిషన్లను పూర్తి చేశాడు. ఈసారి ల్యాండర్ను విజయవంతంగా ల్యాండ్ చేసేందుకు శాస్త్రవేత్తలు ప్రయత్నిస్తున్నారు.
