చిన్నారులపై లైంగిక నేరాల విషయంలో వివాదాస్పద తీర్పులిచ్చి దేశవ్యాప్తంగా సంచలనానికి తెరతీసిన బాంబే హైకోర్టు మహిళా న్యాయమూర్తి జస్టిస్ పుష్ప గనేడివాలా గురువారం రాజీనామా చేశారు.
ముంబై : బాలలపై లైంగిక దాడికి వివాదాస్పద నిర్వచనమిచ్చి వార్తల్లోకెక్కిన బాంబే హైకోర్టు నాగపూర్ బెంచ్ అదనపు న్యాయమూర్తి జస్టిస్ Pushpa Ganediwala గురువారం రాజీనామా చేశారు. దానికి వెంటనే ఆమోదం లభించినట్లు అధికార వర్గాలు తెలిపాయి. minor చేతులు పట్టుకోవడం, ప్యాంటు జిప్పు విప్పడం Sexual assault కావంటూ 2021 జనవరిలో పుష్ప తీర్పు ఇచ్చారు. లైంగికపరమైన కోరికతో నేరుగా శరీరాన్ని తాకితే మాత్రమే ప్రొటెక్షన్ ఆఫ్ చిల్డ్రన్ ఫ్రం సెక్సువల్ అఫెన్సెస్ (pocso) చట్టం కింద లైంగిక దాడిగా పరిగణనలోనికి వస్తుందన్నారు.
ఇది దేశవ్యాప్తంగా దుమారం రేపింది. ఈ నేపథ్యంలో ఆమెను Permanent Judgeగా నియమించాలన్న సిఫార్సులను అప్పట్లో సుప్రీంకోర్టు కొలీజియం వెనక్కి తీసుకుంది. ఏడాదిపాటు అదనపు న్యాయమూర్తి కొనసాగించింది. ఇది శుక్రవారంతో ముగియనున్నా పొడిగింపు కానీ, పదోన్నతి గాని ఇవ్వలేదు. ఆమె పదవిలో కొనసాగితే శుక్రవారం నుంచి జిల్లా సెషన్స్ కోర్టు జడ్జిగా పని చేయాల్సి వచ్చేది.
ఇదిలా ఉండగా.. జనవరి 30, 2021నాడు చిన్నారులపై లైంగిక నేరాల విషయంలో వివాదాస్పద తీర్పులిచ్చి దేశవ్యాప్తంగా సంచలనానికి తెరతీసిన బాంబే హైకోర్టు మహిళా న్యాయమూర్తి జస్టిస్ పుష్ప గనేడివాలాపై సుప్రీంకోర్టు కీలక నిర్ణయం తీసుకుంది. హైకోర్టులో ఆమెకు శాశ్వత హోదా కల్పించేలా సుప్రీంకోర్టు కొలీజియం చేసిన సిఫార్సును వెనక్కి తీసుకున్నట్లు విశ్వసనీయ వర్గాలు పేర్కొన్నాయి.
జస్టిస్ పుష్ప గనేడివాలా బాంబే హైకోర్టులోని నాగ్ పూర్ బెంచ్ లో న్యాయమూర్తిగా ఉన్నారు. ఈ బెంచ్ కు ఆమెను శాశ్వత న్యాయమూర్తిగా దృవీకరించేందుకు జనవరి 20న సుప్రీంకోర్టు కొలీజియం ప్రతిపాదనలు చేసింది. కాగా, ఇటీవల మైనర్లపై లైంగిక వేధింపుల కేసుల్లో జస్టిస్ పుష్ప కొన్ని సంచలన తీర్పులు వెల్లడించారు.
12 యేళ్ల బాలిక ఛాతి భాగాన్ని ఓ వ్యక్తి తడమగా, చర్మం తగలనందున దీనిని లైంగిక వేధింపుల కింద పరిగణించలేమని జనవరి 19న జస్టిస్ పుష్ప నేతృత్వంలోని ఏకసభ్య ధర్మాసనం తీర్పునిచ్చింది. దుస్తుల మీదినుంచి శరీరభాగాలను తాకడం వేధింపులుగా పేర్కొనలేమని, లైంగిక ఉద్దేశ్యంతో బాలిక దుస్తులు తొలగించి, లేదా దుస్తుల లోపలికి చేయి పెట్టి నేరుగా తాకితేనే అది లైంగిక వేధింపుల కిందకు వస్తుందని ధర్మాసనం పేర్కొంది.
ఆ తర్వాత అయిదేళ్ల బాలికపై లైంగిక వేధింపుల కేసులోనూ జస్టిస్ పుష్ప ఇలాంటి తీర్పునే ఇచ్చారు. మైనర్ బాలికల చేతులు పట్టుకోవడం, వారి ముందు పురుషుడు ప్యాంటు జిప్ విప్పుకోవడం లైంగిక వేధింపుల కిందికి రాదని తీర్పు వెలువరించారు. వేధింపుల నుంచి బాలికలను రక్షించే పోక్సో చట్లం కింద వీటిని నేరంగా పరిగణించలేమని పేర్కొంటూ నిందితులకు కింది కోర్టు విధించిన శిక్షలను రద్దు చేశారు. అయితే ఈ తీర్పులు తీవ్ర దుమారం రేపాయి.
ఇటీవల అటార్నీ జనరల్ కేకే వేణుగోపాల్, ఓ కేసులో జస్టిస్ పుష్ప ఇచ్చిన తీర్పును సుప్రీంకోర్టు దృష్టికి తీసుకెళ్లారు. ఆ న్యాయమూర్తి వ్యాఖ్యలు ఆందోళనకరమని, భవిష్యత్తులో ఇది ప్రమాదకరమైనదిగా మారే అవకాశముందని పేర్కొన్నారు. దీంతో జస్టిస్ పుష్ప ఇచ్చిన తీర్పుపై సుప్రీంకోర్టు స్టే విధించింది. ఈ నేపథ్యంలో ఆమె శాశ్వత హోదా అంశంపై కొలీజియం సిఫార్సులను వెనక్కి తీసుకోవడం గమనార్హం.
