ప్రధాని మోడీకి ఆనంద్ మహీంద్రా ప్రగాఢ సానుభూతి.. హీరాబెన్ ఫొటో ట్వీట్
ప్రధాని మోడీ తల్లి హీరాబెన్‌కు పారిశ్రామిక వేత్త ఆనంద్ మహీంద్రా సానుభూతి తెలిపారు. ప్రధాని మోడీ, హీరాబెన్‌ల ఫొటోలు ట్వీట్ చేస్తూ తల్లిని కోల్పోవడం అంటే మన ఆత్మలోని ఒక భాగం కోల్పోవడమే అని పేర్కొన్నారు.
న్యూఢిల్లీ: ప్రధానమంత్రి నరేంద్ర మోడీ తల్లి హీరాబెన్ (100) శుక్రవారం తెల్లవారుజామున (డిసెంబర్ 30) కన్నుమూశారు. ఆమె అనారోగ్యానికి గురవ్వడంతో అహ్మదాబాద్‌లోని యూఎన్ మెహెతా హాస్పిటల్‌లో చేర్చారు. ఆ తర్వాత డిశ్చార్జ్ చేశారు. ఈ రోజు ఆమెకు అంత్యక్రియలు నిర్వహించారు. ఆమె మరణం పట్ల దేశంలోని పలువురు నేతలు సంతాపం తెలిపారు. తాజాగా, ప్రముఖ పారిశ్రామిక వేత్త ఆనంద్ మహీంద్రా కూడా ప్రధాని మోడీ ప్రగాఢ సానుభూతి తెలిపారు.
ప్రధానమంత్రి నరేంద్ర మోడీ తన తల్లి హీరాబెన్ పాదాలకు అభివందనం చేస్తున్న చిత్రాన్ని ఆనంద్ మహీద్రా ట్వీట్ చేశారు. ఈ ఫొటోతోపాటు ఆయన తన సానుభూతి తెలిపారు. ‘తల్లి ఎంత వయోవృద్ధురాలైనప్పటికీ ఆమెను కోల్పోవడం అంటే మన ఆత్మలోని ఒక భాగం కోల్పోవడం వంటిదే. ప్రధానికి తన సానుభూతి’ అని తెలిపారు. ఓం శాంతి అని ట్వీట్ చేశారు.
తల్లి మరణం తెలిసిన వెంటనే ప్రధాని మోదీ అహ్మదాబాద్ చేరుకున్నారు. ఈ ఏడాది జూన్‌లో ప్రధాని మోడీ తల్లి 99వ పుట్టినరోజు సందర్భంగా ఓ బ్లాగ్ రాశారు. అందులో ప్రధాని తన తల్లి జీవితంలోని వివిధ అంశాలను పొందుపర్చారు.
బ్లాగ్ లో ఏముందంటే ?
‘‘ తల్లి - నిఘంటువులో మరే ఇతర పదం కాదు. ఇది ప్రేమ, సహనం, నమ్మకం, మరెన్నో భావోద్వేగాలను కలిగి ఉంటుంది. ప్రపంచవ్యాప్తంగా దేశం లేదా ప్రాంతంతో సంబంధం లేకుండా, పిల్లలు తమ తల్లుల పట్ల ప్రత్యేక అభిమానాన్ని కలిగి ఉంటారు. ఒక తల్లి తన పిల్లలకు జన్మనివ్వడమే కాకుండా వారి మనస్సును, వ్యక్తిత్వాన్ని, ఆత్మవిశ్వాసాన్ని కూడా రూపొందిస్తుంది. అలా చేస్తున్నప్పుడు, తల్లులు నిస్వార్థంగా వారి వ్యక్తిగత అవసరాలు, ఆకాంక్షలను త్యాగం చేస్తారు. ’’
‘‘ ఈ రోజు నా తల్లి హీరాబా తన వందో సంవత్సరంలోకి ప్రవేశిస్తోందని తెలియజేయడం నాకు చాలా సంతోషంగా ఉంది. ఇది ఆమె శతజయంతి సంవత్సరం కాబోతోంది. మా నాన్న బతికి ఉంటే ఆయన కూడా గత వారం తన 100 వ పుట్టినరోజును జరుపుకునేవారు. 2022 ఒక ప్రత్యేకమైన సంవత్సరం. ఎందుకంటే మా అమ్మ శతజయంతి సంవత్సరం ప్రారంభమవుతుంది. మా నాన్న తన పనిని పూర్తి చేసేవారు. గత వారమే మా మేనల్లుడు గాంధీనగర్ నుంచి అమ్మకు సంబంధించిన కొన్ని వీడియోలను షేర్ చేశారు. సొసైటీ నుంచి కొంతమంది యువకులు ఇంటికి వచ్చారు. మా నాన్న ఫోటోను కుర్చీలో ఉంచారు. ఆ సమయంలో కీర్తన చేశారు. అమ్మ మంజీర వాయిస్తూ భజనలు పాడటంలో మునిగిపోయింది. ఆమె ఇప్పటికీ అలాగే ఉంది. వయస్సు శారీరకంగా నష్టపోయి ఉండవచ్చు, కానీ ఆమె మానసికంగా ఎప్పటిలాగే యాక్టివ్ గానే ఉంది.’’
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
