కారు బోనెట్ లో చిక్కుకున్న ఒక కొండ చిలువ దూరింది. దీంతో.. దానిని చూసిన స్థానికులు భయపడిపోయారు. ఈ సంఘటన ఉత్తరప్రదేశ్ లోని ఆగ్రాలో లో చోటుచేసుకోగా.. ఈ ఘటనకు సంబంధించిన పూర్తి వివరాలు ఇలా ఉన్నాయి.

ఆగ్రాలో గల ఎల్ఐసీ కాలనీలో ఒక కారు బోనెట్‌లో పెద్ద కొండచిలువ చిక్కుకుంది. దానిని చూసిన ఆ కారు యజమాని, కుటుంబ సభ్యులు హడలెత్తిపోయారు. ఈ వార్త తెలుసుకున్నవారంతా సంఘటనా స్థలానికి చేరుకున్నారు. వైల్డ్ లైఫ్ టీమ్‌కు సమాచారం అందించారు. వారు అతి కష్టం మీద ఆ కొండచిలువను కారు బోనెట్ నుంచి బయటకు తీయగలిగారు. 

తరువాత దానిని సురక్షితంగా అడవిలో విడిచిపెట్టారు. ఈ కాలనీలో గురుమీత్ సింగ్ సోఢీ కుటుంబం ఉంటోంది. వారు తమ కారును ఇంటి బయట నిలిపివుంచుతుంటారు. గురువారం ఉదయం వారికి ఆ  కారు బోనెట్‌ లాక్‌లో నాలుగడుగుల కొండ చిలువ కనిపించింది. దీంతో వారికి ప్రాణాలు పోయినంతపనైంది. విషయం తెలుసుకున్న చుట్టుపక్కలవారు అక్కడకు చేరుకున్నారు. 

వారు ఆ కొండచిలువను కదిలించే ప్రయత్నం చేశారు. అయితే అది అక్కడి నుంచి ఏమాత్రం కదలలేదు. దీంతో వారు ఈ విషయాన్ని వైల్డ్ లైఫ్ ఎస్ఓఎస్ టీమ్‌కు తెలియజేశారు. వారు అరగంటపాటు రెస్క్యూచేసి, ఆ  కొండచిలువను బయటకు తీశారు. ఆరోగ్య పరీక్షలు నిర్వహించిన అనంతరం దానిని అడవిలో విడిచిపెట్టారు.