'నేను ఎవరికీ తలవంచను' : కేంద్రానికి అభిషేక్ బెనర్జీ సవాల్
తన భార్య, పిల్లలను విదేశాలకు వెళ్లకుండా ఆపడం సుప్రీంకోర్టు ఆదేశాలను ఉల్లంఘించడమేనని టీఎంసీ నేత అభిషేక్ బెనర్జీ పేర్కొన్నారు.
కేంద్రం తన కుటుంబాన్ని వేధిస్తున్నదని తృణమూల్ కాంగ్రెస్ నేత అభిషేక్ బెనర్జీ ఆరోపించారు. పశ్చిమ బెంగాల్ అసెంబ్లీ ఎన్నికలకు ముందు తన ప్రచారాన్ని అడ్డుకునేందుకే ఇలా చేస్తున్నారని అన్నారు. సోమవారం తెల్లవారుజామున కోల్‌కతాలోని నేతాజీ సుభాష్ చంద్రబోస్ అంతర్జాతీయ విమానాశ్రయంలో అభిషేక్ భార్య రుజీరా నరులా బెనర్జీ,పిల్లలను దుబాయ్ వెళ్లే విమానం ఎక్కకుండా ఆపడంపై కేంద్రంపై విరుచుకుపడ్డారు. ఈ ఘటనపై అభిషేక్ బెనర్జీ స్పందిస్తూ.. 'మీ పోరాటం నాతో ..కానీ, నా భార్య, పిల్లలపై కాదు.. రాజకీయంగా నాతో పోరాడండి. ఇలా బెదిరింపులకు పాల్పడటం వల్ల నేను తల వంచను. దమ్ముంటే.. రాజకీయంగా ఎదుర్కొండి " అని సవాల్ విసిరారు.
అలాగే.. కేంద్ర దర్యాప్తు సంస్థలను లక్ష్యంగా చేసుకుని.. “నీరవ్ మోడీ, మెహుల్ చోక్సీ, వారిలాంటి వ్యక్తులు పేదల డబ్బులను దోచుకుని దేశాన్ని విడిచి పరార్ అయ్యారు. కానీ ED, CBI ఏం చేయలేక పోయాయి. అవి ప్రతిపక్షాలను వేధించడానికి మాత్రమే ఉపయోగపడుతున్నాయి." అని ఆరోపించారు. బెంగాల్ బొగ్గు కుంభకోణంపై మాట్లాడుతూ.. అరెస్టు చేయాల్సిన వ్యక్తి కేంద్ర హోంమంత్రి అమిత్ షా అని అన్నారు. ‘అరెస్ట్ చేయాల్సింది అమిత్ షాను, బొగ్గు బ్లాకులను కాపాడే సెంట్రల్ ఇండస్ట్రియల్ సెక్యూరిటీ ఫోర్స్.. సరిహద్దుల్లో బోర్డర్ సెక్యూరిటీ ఫోర్స్.. బీఎస్ఎఫ్ కమాండర్ సతీష్ కుమార్ ను సీబీఐ అరెస్ట్ చేసింది. మీరు దాని గురించి మాట్లాడతారా?" అని మీడియాను ప్రశ్నించారు.
అభిషేక్ బెనర్జీ ఇంకా మాట్లాడుతూ, "నేను, నా భార్య, పిల్లలను అరెస్టు చేసినా, నేను లొంగిపోను, నేను ఢిల్లీ పెంపుడు జంతువును కాను, ప్రజల ముందు తప్ప ఎవరి ముందు వంగి ఉండను." అన్నారు. 3వ తేదీనే విదేశాలకు వెళ్లాలని కేంద్ర ఏజెన్సీకి తెలియజేశామని, కానీ, నేడు ఎయిర్ పోర్టులో అడ్డుకున్నారని ఆరోపించారు. గతంలో ఎన్నాడు తన భార్యను విచారణకు పిలవడం లేదనీ, హఠాత్తుగా నేడే ఎందుకు విచారణకు ఆదేశించారని ఆగ్రహం వ్యక్తం చేశారు.
'ప్రచారాన్ని ఆపాలనుకుంటున్నారు'
తన ప్రచారాన్ని ఆపాలని బీజేపీ (బీజేపీ) కోరుతున్నందుకే ఈడీ తన భార్యకు సమన్లు పంపిందని ఆయన ఆరోపించారు. ప్రచార సమయంలో తమకు ప్రజా మద్దతు లభిస్తుందని బీజేపీ ఆందోళన చెందుతోందనీ, అందుకే తన కుటుంబాన్ని వేధిస్తున్నారని ఆరోపించారు. తనను అడ్డుకునే శక్తి బీజేపీకి లేదనీ, ఈడీ, సీబీఐతో రాజకీయాలు చేయడం మానుకోవాలని హితవు పలికారు.అభిషేక్ 'తృణమూల్ నబోజ్వార్' (తృణమూల్ కొత్త తరంగం) పేరుతో ఏప్రిల్ నుంచి రాష్ట్రవ్యాప్తంగా పర్యటిస్తున్నారు.
' అమిత్ షాకు సవాల్'
తనతో పోరాడలేక తన భార్యాబిడ్డలను ఇబ్బంది పెడుతున్నారనీ, మీరు ఈడీ, సీబీఐతో రాజకీయాలు చేస్తే.. తాను ప్రజలతో రాజకీయం చేస్తున్నాననీ అన్నారు.వీలైతే తనని అరెస్టు చేయండనీ, ఢిల్లీ ద్రోహులకు తాను తల వంచనని అమిత్ షాకు సవాలు విసిరారు.తన భార్యను విదేశాలకు వెళ్లకుండా ED నిర్బంధించడం సుప్రీంకోర్టు ఆదేశాలను ఉల్లంఘించడమేనని, దంపతుల విదేశీ ప్రయాణానికి ఎటువంటి నిషేధం లేదని పేర్కొంది. సుప్రీంకోర్టు ఆదేశాల ఉల్లంఘనపై కోర్టును ఆశ్రయిస్తామని తృణమూల్ కాంగ్రెస్ ఎంపీ అభిషేక్ తెలిపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
