తిత్లీ భీభత్సం...కొండచరియలు విరిగిపడి 12మది మృతి
ఆంధ్ర ప్రదేశ్ తో పాటు ఒడిషా రాష్ట్రాన్ని తిత్లీ తుఫాను వణికిస్తోంది. తాజాగా ఈ తుఫాను దాటికి కొండ చరియలు విరిగిపడి ఒడిషాలో 12 మంది ప్రాణాలు కోల్పోయారు.ఈ ప్రమాదంలో మరికొందరి ఆచూకీ గల్లంతయినట్లు అధికారులు తెలిపారు.
ఆంధ్ర ప్రదేశ్ తో పాటు ఒడిషా రాష్ట్రాన్ని తిత్లీ తుఫాను వణికిస్తోంది. తాజాగా ఈ తుఫాను దాటికి కొండ చరియలు విరిగిపడి ఒడిషాలో 12 మంది ప్రాణాలు కోల్పోయారు.ఈ ప్రమాదంలో మరికొందరి ఆచూకీ గల్లంతయినట్లు అధికారులు తెలిపారు.
ఒడిషాలోని తిత్లీ తుఫాను ప్రభావిత ప్రాంతమైన గజపతి జిల్లాలో ఈ ప్రమాదం చోటుచేసుకుంది. గొంగాబాడొ గ్రామానికి చెందిన కొన్ని కుటుంబాలు భారీ వర్షం, ఈదురు గాలులకు తమ గుడిసెల్లో ఉండటం మంచిదికాదని సమీపంలోని ఓ సొరంగంలో తలదాచుకున్నారు. అయితే భారీ వర్షాలతో బాగా తడిసిన కొండచరియలు విరిగిపడటంతో వీరిలోని 12 మంది మృతిచెందినట్లు సమాచారం. మృతుల్లో నలుగురు చిన్నారులు ఉన్నట్లు అధికారులు చెబుతున్నారు. మరికొందరు తీవ్ర గాయాలపాలైనట్లు తెలుస్తోంది.
ఈ ఘటనపై సమాచారం అందుకున్న అధికారులు సంఘటన స్థలంలో సహాయక చర్యలు చేపట్టారు. జిల్లా కలెక్టర్, ఎస్పీ ఆదేశాలతో ఎన్డీఆర్‌ఎఫ్ సిబ్బంది సహాయక చర్యల్లో పాల్గొన్నారు. ఈ ప్రమాదంలో చికకుకున్న వారిని కాపాడటానికి ప్రయత్నిస్తున్నారు. అయితే వర్షం ఈ సహయక చర్యలకు ఆటంకం కలిగిస్తోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
