ఉదయం లేచిన దగ్గరినుంచి రాత్రి పడుకునే వరకు ఆడవాళ్లు చాలా పనులు చేస్తుంటారు. ఇంటికోసం ఎంతో కష్టపడతూ ఉంటారు. నిజం చెప్పాలంటే వారి ఆరోగ్యంపై గురించి వారు అస్సలు పట్టించుకోరు. అందువల్లే వారిలో డేంజరస్ వ్యాధులు పెరిగిపోతున్నాయి అంటున్నారు నిపుణులు. అవెంటో వాటి నుంచి ఎలా తప్పించుకోవాలో ఇక్కడ తెలుసుకుందాం.
చాలామంది ఆడవాళ్లు రకరకాల శారీరక, మానసిక సమస్యలతో బాధపడుతూ ఉంటారు. మగవాళ్లతో పోలిస్తే వీళ్లు శారీరకంగా వీక్ గా ఉంటారు. అందుకే వీళ్లు తరచూ వ్యాధుల బారిన పడుతుంటారు. వీక్ ఇమ్యూనిటీ వల్ల రకరకాల జబ్బులు వస్తుంటాయి. బిజీ లైఫ్, గజిబిజి లైఫ్ స్టైల్, ఫుడ్ హ్యాబిట్స్, వారిపై వారు సరిగ్గా శ్రద్ధ చూపకపోవడం తదితర కారణాలతో ఆడవారిలో ప్రాణాంతక జబ్బులు వచ్చే ప్రమాదం పెరిగిపోయింది.
ఇల్లు, కుటుంబం, బయట పనుల వల్ల ఆడవాళ్లు తమ గురించి తాము సరిగ్గా పట్టించుకోలేకపోతున్నారు. దీనివల్ల వాళ్లకు వ్యాధుల ప్రమాదం కూడా పెరుగుతోంది అంటున్నారు నిపుణులు. ఆడవాళ్లలో వచ్చే కొన్ని డేంజర్ వ్యాధులు, వాటి నుంచి ఎలా కాపాడుకోవాలో ఇక్కడ తెలుసుకుందాం.
రొమ్ము క్యాన్సర్
ఆడవాళ్లలో వచ్చే క్యాన్సర్లలో రొమ్ము క్యాన్సర్ ఒకటి. కొన్ని పరిశోధనల ప్రకారం ఇండియాలో ప్రతి 4 నిమిషాలకు ఒక మహిళ ఈ క్యాన్సర్ బారిన పడుతోందట. ప్రతి 8 నిమిషాలకు ఒక మహిళ దీనివల్ల చనిపోతోందట.
రొమ్ము క్యాన్సర్ నుంచి ఎలా తప్పించుకోవాలి?
- రెగ్యులర్ చెకప్ కోసం మామోగ్రఫీ చేయించుకోండి.
- హెల్తీ ఫుడ్ తినండి.
- రెగ్యులర్ గా ఎక్సర్సైజ్ చేయండి.
- మద్యం, సిగరెట్లకు దూరంగా ఉండండి
గర్భాశయ క్యాన్సర్
ప్రపంచంలో ప్రతి 2 నిమిషాలకు ఒక మహిళ గర్భాశయ క్యాన్సర్ తో చనిపోతోంది. రొమ్ము క్యాన్సర్ తర్వాత ఇండియాలో ఆడవాళ్లకు వచ్చే రెండో డేంజర్ క్యాన్సర్ ఇది. గర్భాశయ క్యాన్సర్ అంటే గర్భాశయం ముఖద్వారం దగ్గర వచ్చే క్యాన్సర్. ఇది హ్యూమన్ పాపిల్లోమా వైరస్ వల్ల వస్తుంది.
గర్భాశయ క్యాన్సర్ నుంచి ఎలా బయటపడాలి?
- హెచ్పీవీ వ్యాక్సిన్ వేయించుకోండి.
- రెగ్యులర్ చెకప్ చేయించుకోండి.
- స్మోకింగ్ చేయకండి.
- హెల్తీ ఫుడ్ తినండి. ఎక్సర్సైజ్ చేయండి
పీసీఓఎస్ లేదా పీసీఓడీ
పాలిసిస్టిక్ ఓవరీ సిండ్రోమ్ (పీసీఓఎస్) లేదా పాలిసిస్టిక్ ఓవరీ డిసీజ్ (పీసీఓడీ) కూడా ఆడవాళ్లకు వచ్చే మరో డేంజరస్ వ్యాధి. ఇది హార్మోన్ల సమస్య. అండాశయంలో సిస్ట్ రావడం వల్ల వస్తుంది. దీనివల్ల హార్మోన్ల బ్యాలెన్స్ తప్పుతుంది. పీరియడ్స్ టైంలో సమస్యలు వస్తాయి.
ఎలా తప్పించుకోవాలి?
- పండ్లు, కూరగాయలు, తృణధాన్యాలు, ప్రోటీన్లు ఉండేలా చూసుకోండి.
- రోజుకి కనీసం 30 నిమిషాలు ఎక్సర్సైజ్ చేయండి.
- బరువు పెరగకుండా చూసుకోండి.
- టెన్షన్ తగ్గించుకోండి
- ఏ సమస్య ఉన్నా డాక్టర్ని కలవండి.
డయాబెటిస్
డయాబెటిస్ అనేది ఒక పాత రోగం. ఇది మగవాళ్లతో పోలిస్తే ఆడవాళ్లకి చాలా డేంజర్. ఇది మొత్తం ఆరోగ్యం మీద ఎఫెక్ట్ చూపిస్తుంది. ఇది సైలెంట్ కిల్లర్ లాంటిది. నెమ్మదిగా శరీరాన్ని వీక్ చేస్తుంది. దీనివల్ల చనిపోయే ప్రమాదం కూడా ఉంది. డయాబెటిస్ ఉన్న ఆడవాళ్లకి గుండెపోటు వచ్చే ప్రమాదం ఎక్కువ.
షుగర్ నుంచి ఎలా తప్పించుకోవాలి?
- మీ ఆహారపు అలవాట్లను మార్చుకోండి.
- షుగర్ లెవెల్స్ ని కంట్రోల్లో ఉంచుకోండి.
- రోజూ ఎక్సర్సైజ్ చేయండి.
- మద్యం, సిగరెట్లు తాగకండి.
- రెగ్యులర్ గా షుగర్ లెవెల్స్ చెక్ చేయించుకోండి.
