ఎండకాలం వచ్చిందంటే చాలు.. చెమటలు కారిపోతూనే ఉంటాయి. మరీ ముఖ్యంగా చంకల్లో చెమట, వాసన నలుగురిలో చాలా ఇబ్బందికి గురిచేస్తుంది. మరి ఇలాంటి సమస్యనుంచి సులువుగా ఎలా బయటపడాలో తెలుసా? చూడండి మరి.

చాలా మందికి కేవలం వేసవిలోనే కాదు, మిగతా కాలాల్లో కూడా చంకల్లో చెమట, దుర్వాసన వస్తుంటుంది. దీని వల్ల వారు చాలా ఇబ్బందిగా ఫీల్ అవుతుంటారు. డ్రెస్ కూడా అక్కడి వరకు చాలా మురికిగా మారిపోతూ ఉంటుంది. మీకు కూడా చంకల్లో ఎక్కువగా చెమట పడుతూ, జిడ్డుగా ఉండి, దుర్వాసన వస్తుంటే కంగారు పడకండి. చంకలను పొడిగా, తాజాగా ఉంచే కొన్ని సులువైన చిట్కాలను ఇప్పుడు చూద్దాం.

చంకల్లో చెమటతో ఇబ్బంది పడుతున్నారా?

1. టాల్కం పౌడర్, కార్న్‌స్టార్చ్ వాడండి

  • టాల్కం పౌడర్, మొక్కజొన్న పిండి తేమని పీల్చుకోవడానికి చాలా మంచివి.
  • స్నానం చేశాక చంకల్లో కొద్దిగా టాల్కం పౌడర్ రాయండి.
  • ఎక్కువగా చెమట పడితే కార్న్‌స్టార్చ్ రాసి, నెమ్మదిగా తట్టండి.
  • ఇది చెమటను పీల్చుకుని, చంకలను పొడిగా చేయడంతోపాటు దుర్వాసన రాకుండా చేస్తుంది.

2. యాంటీపెర్స్పిరెంట్ రోల్-ఆన్, డియోడ్రెంట్ రాయండి

  • కేవలం డియోడ్రెంట్ మాత్రమే కాదు, చెమటను ఆపేందుకు యాంటీపెర్స్పిరెంట్ రోల్-ఆన్ కూడా వాడండి.
  • దీన్ని రాత్రి పూట రాస్తే చర్మంలోకి బాగా ఇంకుతుంది.
  • అల్యూమినియం ఉన్న యాంటీపెర్స్పిరెంట్ బాగా పనిచేస్తుంది.

3. వదులుగా, తేలికపాటి దుస్తులు వేసుకోండి

  • బిగుతుగా ఉండే, సింథటిక్ దుస్తులు చెమటను పెంచుతాయి. అందుకే కాటన్, వదులైన దుస్తులు వేసుకోండి.
  • కాటన్, నార బట్టలు తేమని తొందరగా పీల్చుకుంటాయి. చర్మానికి గాలి తగిలేలా చేస్తాయి.
  • ఎక్కువగా చెమట పట్టే రోజుల్లో ముదురు రంగుల బదులు లేత రంగుల దుస్తులు వేసుకోండి. దీనివల్ల చెమట మరకలు కనిపించవు.

4. చంకల్లో వ్యాక్సింగ్ లేదా షేవింగ్ చేయండి

  • ఎక్కువ వెంట్రుకలు ఉంటే చెమట, బ్యాక్టీరియా త్వరగా పేరుకుపోతాయి. దీనివల్ల దుర్వాసన కూడా వస్తుంది.
  • చంకలను ఎప్పటికప్పుడు షేవ్ లేదా వ్యాక్స్ చేస్తూ ఉండండి. దీనివల్ల చెమట, వాసన తగ్గుతాయి.
  • హెర్బల్ లేదా చర్మానికి హాని చేయని హెయిర్ రిమూవల్ క్రీమ్ కూడా వాడొచ్చు.

5. సహజమైన ఇంటి చిట్కాలు పాటించండి

  • కొన్ని ఇంటి చిట్కాలు చెమటను తగ్గించి, చంకలను తాజాగా ఉంచడానికి సహాయపడతాయి.
  • నిమ్మరసం – చంకల్లో రాస్తే చెమట, దుర్వాసన తగ్గుతాయి.
  • టీ ట్రీ ఆయిల్ – నీటిలో కలిపి రాయండి. ఇది సహజమైన యాంటీ బాక్టీరియల్.
  • బేకింగ్ సోడా, కొబ్బరి నూనె – కలిపి రాస్తే చంకలు పొడిగా ఉంటాయి. మంచి వాసన కూడా వస్తుంది.