టెక్కీలకు మరో అవకాశం.. హెచ్1బీ వీసా రెండోసారి లాటరీ..!
. ఈ రూపంలో టెక్కీలకు అమెరికా ఇమ్మిగ్రేషన్ ఎజెన్సీ బంపర్ ఆఫర్ ప్రకటించింది. ఈ ఏడాది మొదట్లో హెచ్ 1 బీ వీసా కోసం అప్లై చేసినవారికి మరో ఛాన్స్ ఇచ్చారు.
అమెరికా వెళ్లి.. రూపాయల్లో ఉన్న సంపాదనను డాలర్లలోకి మార్చుకోవాలని కలలు కనే టెక్కీలు చాలా మంది ఉంటారు. అందుకోసం ప్రతి సంవత్సరం ఎంతో మంది వీసా దక్కించుకునేందుకు తమ అదృష్టాన్ని పరీక్షించుకుంటారు. అయితే.. లాటరీ రూపంలో తీసే ఈ వీసా కొందరికి వెంటనే లభిస్తే.. కొందరికి మాత్రం ఎన్నిసార్లు ప్రయత్నించినా పిక్ అవ్వదు.
కాగా.. ఈ రూపంలో టెక్కీలకు అమెరికా ఇమ్మిగ్రేషన్ ఎజెన్సీ బంపర్ ఆఫర్ ప్రకటించింది. ఈ ఏడాది మొదట్లో హెచ్ 1 బీ వీసా కోసం అప్లై చేసినవారికి మరో ఛాన్స్ ఇచ్చారు. లాటరీ పిక్ అవ్వాని వారికి మరోసారి ఛాన్స్ ఇచ్చారు. రెండోసారి లాటరీ పద్ధతిని ఏర్పాటు చేశారు.
ఈ ఏడాది ప్రారంభంలో నిర్వహించిన హెచ్1బీ లాటరీ విధానంలో అనుకున్న స్థాయిలో అభ్యర్థులను ఎంపిక చేయలేకపోయినందున జూలై 28న మరికొందరిని ర్యాండమ్ సెలక్షన్ ప్రాసెస్లో ఎంపిక చేసినట్లు తెలిపింది. ఆగస్టు 2 నుంచి ప్రారంభం కాబోయే పిటిషన్ ఫైలింగ్ ప్రక్రియ నవంబర్ 3 తో ముగియనున్నట్లు అర్హులైన అభ్యర్థులకు సూచించింది.
ఇదిలా ఉంటే వచ్చే ఆర్థిక సంవత్సరం 2020 అక్టోబర్ నుంచి 2021 సెప్టెంబర్ 30 కాలానికి గాను హెచ్1బీ వీసాకు దరఖాస్తు చేసుకున్న వారిలో కొంతమందిని లాటరీ విధానంలో ఎంపిక చేశారు. అయితే మొదటి లాటరీలో అనుకున్న స్థాయిలో ఎంపికలు చేయలేకపోయారు. కాబట్టి, ఇప్పుడు రెండో లాటరీ నిర్వహించాలని యూఎస్సీఐఎస్ నిర్ణయించింది. తద్వారా అదనంగా వందల మంది టెక్కీలకు హెచ్1 బీ వీసా దక్కే అవకాశం ఉంది. ఈ నిర్ణయం ప్రధానంగా స్టెమ్–ఓపీటీ విద్యార్థులకు భారీ ఊరటగా చెప్పవచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
