శ్రీలంక ఆర్థిక సంక్షోభం: పెరుగుతున్న పేదరికం.. దుర్భలంగా ప్రజాజీవనం
World Bank report: స్వాతంత్య్రం వచ్చినప్పటి నుండి శ్రీలంక ప్రజలు ఎప్పుడూ చూడ‌ని అతిపెద్ద ఆర్థిక సంక్షోభాన్ని ఎదుర్కొంటున్నారు. ఈ క్ర‌మంలోనే దేశంలో పట్టణ పేదరికం గత సంవత్సరంలో మూడు రెట్లు పెరిగింద‌నీ, ఇది 5 శాతం నుంచి 15 శాతం వ‌ర‌కు పెరుగుద‌ల‌ను న‌మోదుచేసింద‌ని ప్రపంచ బ్యాంక్ నివేదిక పేర్కొంది.
Sri Lanka economic crisis: శ్రీలంకలో ప‌రిస్థితులు దారుణంగా మారుతున్నాయి. ఆ దేశంలో ఆర్థిక సంక్షోభం మ‌రింత‌గా ముదురుతూ.. ప్రజల ఇబ్బందుల‌ను పెంచుతున్నాయి. స్వాతంత్య్రం వచ్చినప్పటి నుండి శ్రీలంక ప్రజలు ఎప్పుడూ చూడ‌ని అతిపెద్ద ఆర్థిక సంక్షోభాన్ని ఎదుర్కొంటున్నారు. ఈ క్ర‌మంలోనే దేశంలో పట్టణ పేదరికం గత సంవత్సరంలో మూడు రెట్లు పెరిగింద‌నీ, ఇది 5 శాతం నుంచి 15 శాతం వ‌ర‌కు పెరుగుద‌ల‌ను న‌మోదుచేసింద‌ని ప్రపంచ బ్యాంక్ నివేదిక పేర్కొంది. అధిక సామాజిక భద్రత విష‌యాలను లేవ‌నెత్తిన ప్రపంచ బ్యాంకు నివేదిక.. ఇక్క‌డి ప‌రిస్థితులు, ప్రజల ఇబ్బందుల‌పై ఆందోళ‌న వ్య‌క్తం చేసింది. ద్వీప దేశంలో అధిక సామాజిక భద్రత అవసరం అని నొక్కి చెప్పింది. "శ్రీలంకలో 2009 అంతర్యుద్ధం ముగిసినప్పటి నుండి అత్యధిక పేదరికం రేటును ఎదుర్కొంటోంది. 2006-2019 మధ్య సంక్షేమంలో స్థిరమైన లాభాల క్షీణతను ఎదుర్కొంటోంది" అని ప్రపంచ బ్యాంకు తన శ్రీలంక డెవలప్‌మెంట్ అప్‌డేట్‌లో 'పేదలను రక్షించడం' పేరుతో పేర్కొంది.
శ్రీలంకలోని 80 శాతం మంది పేదలు ఇప్పటికీ గ్రామీణ ప్రాంతాల్లో నివసిస్తున్నప్పటికీ, పట్టణ ప్రాంతాల్లో పేదరికం రేటు 2021 నుండి మూడు రెట్లు పెరిగింది. ఎస్టేట్ ప్రాంతాలలో సగం జనాభా ప్రస్తుతం దారిద్య్ర రేఖకు దిగువన జీవిస్తున్నారని శ్రీలంకలోని కొండ ప్రాంతాల‌ను ప్రస్తావిస్తూ ఈ నివేదిక పేర్కొంది. చాలా కాలంగా నిర్లక్ష్యానికి గురైన మలైయాహా తమిళులకు నివాసం. దాదాపు 1.5 లక్షల మంది నివాసం ఉంటున్నారు. ఎక్కువగా మహిళలు, టీ ఎస్టేట్‌లలో మిలియన్ల బలమైన కమ్యూనిటీ నుండి దేశానికి కీలకమైన విదేశీ మారకద్రవ్యాన్ని తీసుకువస్తున్నారు. వారు దుర్భరమైన పరిస్థితులలో, వలసరాజ్యాల కాలం నాటి లైన్ రూమ్‌లలో నివసిస్తున్నార‌ని రిపోర్టులు పేర్కొంటున్నాయి. ఈ ప్రాంతాల్లోని జిల్లాల అంతటా, తమిళులు మెజారిటీగా ఉన్న ఉత్తర ప్రావిన్స్‌లోని ముల్లైతీవు అత్యంత పేదరికంలో కొనసాగుతోంది. ఇక్క‌డ 2022లో 57 శాతం పేదరికం నమోదైంది. ఆ తర్వాత పొరుగున ఉన్న కిలినోచ్చి, సెంట్రల్ ప్రావిన్స్ [హిల్ కంట్రీ] లోని నువారా ఎలియా ప్రాంతాలున్నాయి.
ఏప్రిల్‌లో ప్రభుత్వం తన $50 బిలియన్ల విదేశీ రుణాన్ని డిఫాల్ట్ చేయవలసి వచ్చింది. దివాలా తీసిన‌ట్టుగా ప్ర‌క‌టించింది. తీవ్ర ఆర్థిక సంక్షోభం మధ్య ప్రపంచ దేశాల వైపు సాయం కోసం చూస్తోంది. ఆహార పదార్థాలు, ఇంధనం, మందులతో సహా నిత్యావసరాల కొరతలో కొట్టుమిట్టాడుతోంది. మ‌రోవైపు రాజకీయ సంక్షోభం శ్రీలంక‌ను కోలుకోకుండా దెబ్బ‌కొడుతున్నాయి. మాజీ అధ్యక్షుడు గోటబయ రాజపక్సను పదవీచ్యుతుడ్ని చేసిన ప్రజల తిరుగుబాటు తర్వాత.. పార్లమెంటరీ ఓటుతో, సీనియర్ రాజకీయ నాయకుడు రణిల్ విక్రమసింఘే జూలైలో అధ్యక్షుడిగా ఎన్నికయ్యారు. ప్రభుత్వ ఇంధన రేషన్ విధానం, ప్రపంచ బ్యాంకు నిధులను పునర్నిర్మించడంతో అవసరమైన సామాగ్రి మెరుగుపడినప్పటికీ, ప్రాథమిక స్థూల ఆర్థిక సమస్యలు అలాగే ఉన్నాయి.
సెప్టెంబర్ 2022లో ప్రధాన ద్రవ్యోల్బణం 69.8 శాతానికి పెరిగింది. ఆహార ద్రవ్యోల్బణం ఏకంగా 94.9శాతానికి చేరుకుంది. ప్రజలు ఆక‌లికొర‌ల్లో చిక్కుకున్న క‌న్నీటి దృశ్యాలు స్థానిక మీడియాలో వ‌స్తున్నాయి. శ్రీలంక లోని 22 మిలియన్ల జనాభాలో దాదాపు మూడింట ఒక వంతు మంది సంక్షోభం నుండి ఆహార అభద్రతతో ఉన్నారని రిపోర్టులు పేర్కొంటున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
