అమెరికాలో మరోసారి కాల్పుల మోత.. ఒక్కే ఇంట్లో ఆరుగురు మృతి..
అమెరికాలోని కాలిఫోర్నియా రాష్ట్రంలోని గోషెన్లో జరిగిన కాల్పుల్లో ఓ చిన్నారి సహా ఆరుగురు మరణించారు. అనుమానితుల కోసం పోలీసులు వెతుకుతున్నారని తులారే కౌంటీ షెరీఫ్ మైక్ బౌడ్రియాక్స్ తెలిపారు. సెంట్రల్ కాలిఫోర్నియాలోని ఒక ఇంటిలో సోమవారం తెల్లవారుజామున కాల్పులు జరిగాయి.
అమెరికాలోని కాలిఫోర్నియాలో మరోసారి విచక్షణారహితంగా కాల్పులు జరిపిన ఘటన వెలుగు చూసింది. పలువురు దుండగులు ఓ ఇంట్లో జరిగిన కాల్పుల్లో చిన్నారి సహా ఆరుగురు చనిపోయారు. సోమవారం తెల్లవారుజామున సెంట్రల్ కాలిఫోర్నియాలో కాల్పులు జరిగాయి. కనీసం ఇద్దరు నిందితులు కాల్పులకు పాల్పడి ఉంటారని పోలీసులు భావిస్తున్నారు. ఈ మేరకు అనుమానితుల కోసం వెతుకుతున్నారు.
డ్రగ్స్ ముఠా ప్రమేయం
నిందితులు ఓ ఇంటిపై కాల్పులు జరిపి ఆరుగురిని చంపినట్లు పోలీసు అధికారి బౌడ్రియాక్స్ విలేకరులతో చెప్పారు. దీనికి సంబంధించిన వీడియోను తులారే కౌంటీ షెరీఫ్ కార్యాలయం (TCSO) ఫేస్బుక్ పేజీలో పోస్ట్ చేశారు. మృతి చెందిన వారిలో ఓ తల్లి, ఆమె ఆరు నెలల పాప కూడా ఉన్నారని తెలిపారు. దాడి హింస వెనుక పెద్ద ఉద్దేశ్యం ఉండవచ్చని పరిశోధకులు భావిస్తున్నారు. ఈ సంఘటనలో డ్రగ్స్ ముఠా ప్రమేయం ఉందని భావిస్తున్నారు.
నిందితుల కోసం పోలీసుల గాలింపులు
TCSO ఫేస్బుక్ పోస్ట్ ప్రకారం.. ఈ సంఘటనలో కనీసం ఇద్దరు అనుమానితులు ఉన్నారు. ఈ కుటుంబాన్ని ఉద్దేశపూర్వకంగా లక్ష్యంగా చేసుకున్నారని, ఇందులో గ్యాంగ్లు ఉన్నట్లు తెలుస్తోంది. కాల్పులకు సంబంధించినదిగా భావించి వారం రోజుల క్రితం బాధితుల ఇంటి వద్ద నార్కోటిక్స్ సెర్చ్ వారెంట్ అమలు చేయబడింది. ఈ దాడి యాదృచ్ఛిక హింసాత్మక చర్య కాదని, ఈ సంఘటనకు ముఠా సంబంధం ఉందని పరిశోధకులు భావిస్తున్నారు.
తులరే శాన్ జోక్విన్ వ్యాలీలో దాదాపు 70,000 మంది నివాసితులుంటారు. ఈ నగరం శాన్ ఫ్రాన్సిస్కో, లాస్ ఏంజిల్స్ మధ్య దాదాపు సగం దూరంలో ఉంది. యునైటెడ్ స్టేట్స్లో 2021లో తుపాకీ కాల్పుల వల్ల సుమారు 49,000 మంది మరణించారు. అందులో సగానికి పైగా ఆత్మహత్యలేనని నివేదికలు పేర్కొంటున్నాయి. దేశంలో ప్రజల కంటే ఎక్కువ ఆయుధాలు ఉన్నాయి. ముగ్గురిలో ఒకరు కనీసం ఒక ఆయుధాన్ని కలిగి ఉంటారు. దాదాపు ఇద్దరు పెద్దలలో ఒకరు ఆయుధం ఉన్న ఇంటిలో నివసిస్తున్నారు.