బ్రిటన్ కొత్త ప్రధానిగా రిషి సునాక్ కు లైన్ క్లియరైంది. పెన్నీమోర్డాంట్ పోటీ నుండి తప్పుకోవడంతో రిషి సునాక్ కు లైన్ క్లియరైంది.
లండన్ : యూకే కొత్త ప్రధానిగా భారత సంతతికి చెందిన రిషి సునాక్ ఎన్నికయ్యారు .ప్రధానమంత్రి రేసులో ఉన్న పెన్నీమోర్డాంట్ తన నామినేషన్ ఉపసంహరించుకోవడంతో రిసి సునాక్ యూకే ప్రధానిగా బాధ్యతలు చేపట్టనున్నారు.యూకే ప్రధాని పదవికి లిజ్ ట్రస్ రాజీనామా చేసిన తర్వాత కొత్త ప్రధాని కోసం పలువురు పోటీ పడ్డారు. బోరిస్ జాన్సన్ ప్రధాని పదవికి పోటీకి విముఖత చూపారు. ప్రధాని పదవికి నామినేషన్ దాఖలు చేసిన మోర్ఠాండో నామినేషన్ ఉపసంహరించుకోవడంతో రిషి సునాక్ ప్రధాని అయ్యారు.మోర్టాండో పోటీ నుండి తప్పుకోవడంతో బ్రిటన్ ప్రధానిగా రిషి సునాక్ ఏకగ్రీవంగా ఎన్నికయ్యారు.
బ్రిటన్ కు గత ఆరేళ్లలో ఐదో ప్రధానిగా రిషి సునాక్ బాధ్యతలు చేపట్టనున్నారు.బ్రిటన్ ప్రధానిగా భారత సంతతికి చెందిన తొలి వ్యక్తిగా రిషి సునాక్ ఎన్నికయ్యారు.బ్రిటన్ రాజకీయాల్లో ప్రధానిగా ఎన్నికై రిషి సునాక్ రికార్డు సృష్టించారు.మోర్టాండో పోటీ నుండి తప్పుకోవడంతో బ్రిటన్ ప్రధానిగా రిషి సునాక్ ఏకగ్రీవంగా ఎన్నికయ్యారు.
బ్రిటన్ ప్రధానిగా ఎన్నికైన రిషి సునాక్ ఇన్ఫోసిస్ సహ వ్యవస్థాపకులు నారాయణమూర్తి అల్లుడు. రిషి సునాక్ 2015 లో రిచ్ మండ్(యార్క్స్) నియోజకవర్గం నుండి ఎంపీగా తొలిసారిగా పార్లమెంట్ లోకి ప్రవేశించాడు. 2017,2019 లలో కూడ ఇదే స్థానం నుండి ఆయన గెలుపొందారు.2020 ఫిబ్రవరి బోరిస్ జాన్సన్ కేబినెట్ లో ఖజానా ఛాన్సిలర్ గా ఆయన నియమితులయ్యారు. ఈ ఏడాది జూలై వరకు ఆయన ఈ పదవిలో కొనసాగారు.
లిజ్ ట్రస్ ,రిషి సునాక్ గతంలో ప్రధాని పదవికి పోటీ పడ్డారు. అయితే చివరి నిమిషంలో రేసులో రిషి సునాక్ వెనుకబడ్డారు.దీంతో లిజ్ ట్రస్ ప్రధానిగా బాధ్యతలు చేపట్టారు. యూకేలో ఆర్ధిక సంక్షోభం నేపథ్యంలో లిజ్ ట్రస్ ప్రధాని పదవికి రాజీనామా చేశారు. ప్రధానిగా 44 రోజులు మాత్రమే ఆమె ఈ పదవిలో కొనసాగారు. ఆర్ధిక సంక్షోభంలో చిక్కుకున్న యూకేను బయట పడేయడమే రిషి సునాక్ ముందున్న పెద్ద సవాల్.
దాదాపు 44 రోజుల క్రితం లిజ్ ట్రస్ చేతిలో ఓటమి పాలైన రిషి సునాక్ అనుహ్యంగా బ్రిటన్ ప్రధానిగా ఎన్నికయ్యారు. బ్రిటన్ లో చోటు చేసుకున్న ఆర్ధిక సంక్షోభం ఇతరత్రా కారణాలతో ప్రధాని పదవికి లిజ్ ట్రస్ రాజీనామా చేశారు.దీంతో రిషి సునాక్ ,మోర్టాండో పోటీ పడ్డారు.మోర్టాండో ప్రధాని పదవి రేసు నుండి తప్పుకొన్నారు. దీంతో రిషి సునాక్ ప్రధానిగా ఎన్నికయ్యారు.
