UK political crisis: బ్రిటిష్ కన్జర్వేటివ్ రాజకీయ నాయకుడు రిషి సునక్ శుక్రవారం 100 మంది ఎంపీల మద్దతు పొందిన తర్వాత.. ఆయన మళ్లీ బ్రిటన్ ప్రధానమంత్రి రేసులో ప్రవేశించారు.
Indian descent Rishi Sunak: బ్రిటన్ లో మళ్లీ రాజకీయ సంక్షోభం నెలకొంది. ఆ దేశ ప్రధాన మంత్రి లిజ్ ట్రస్.. విఫలమైన ఆర్థిక విధానాల నేపథ్యంలో రాజీనామా చేశారు. దీంతో అక్కడ రాజకీయ సంక్షోభం మళ్లీ మొదటికి వచ్చింది. మళ్లీ ప్రధానమంత్రి పదవికి పోటీ నెలకొంది. ఈ క్రమంలోనే భారత సంతతి వ్యక్తి, బ్రిటిష్ కన్జర్వేటివ్ రాజకీయ నాయకుడు రిషి సునక్ మళ్లీ బ్రిటన్ ప్రధాని రేసులోకి అడుగుపెట్టారు. దీనికి సంబంధించిన ఆయన మరో కీలకమైన మైలురాయిని అందుకున్నారని బ్రిటన్ మీడియా రిపోర్టులు పేర్కొంటున్నాయి.
బ్రిటన్ మీడియా కథనాల ప్రకారం.. బ్రిటన్ ప్రధాని మంత్రికి పదవికి పోటీ చేసే వారికి 100 మంది కన్జర్వేటివ్ పార్టీ చట్టసభ సభ్యుల మద్దతు అవసరం. అయితే, బ్రిటిష్ కన్జర్వేటివ్ రాజకీయ నాయకుడు రిషి సునక్ శుక్రవారం 100 మంది ఎంపీల మద్దతు పొందిన తర్వాత.. ఆయన మళ్లీ బ్రిటన్ ప్రధానమంత్రి రేసులో ప్రవేశించారని సమాచారం. రిషి సునక్ వందకు పైగా నామినేషన్లు పొందారు. ఇది ప్రధానమంత్రి పదవికి పోటీ చేయడానికి కనీస అవసరం. ప్రధాన మంత్రి లిజ్ ట్రస్ రాజీనామా తర్వాత పార్టీ నాయకుడిగా పోటీ చేయడానికి 100-నామినేషన్ థ్రెషోల్డ్కు చేరుకున్న
మొదటి టోరీ నాయకత్వ పోటీదారుగా సునక్ శుక్రవారం రాత్రి సంబంధిత వర్గాలను ఉటంకిస్తూ ఇండిపెండెంట్ నివేదించింది.
గత నాయకత్వ పోటీలో లిజ్ ట్రస్ తో పోటీ పడిన రిషి సునక్ చివరకు ఒటమి పాలయ్యారు. అయితే, ఈ సారి ఆయన పీఎం అయ్యే అవకాశాలు అధికంగానే ఉన్నాయని సమాచారం. ఇప్పటికే ఆయన యూకే పీఎం రేసులో ప్రవేశించడానికి కనీసం 100 మంది కన్జర్వేటివ్ పార్టీ చట్టసభ సభ్యుల మద్దతు పొందారు. గురువారం నాడు యూకే ప్రధానమంత్రి పదవికి లిజ్ ట్రస్ రాజీనామా చేసిన తర్వాత ఇది ఒక కీలక పరిణామం.. ఇది దేశాన్ని రాజకీయ గందరగోళంలోకి నెట్టి, సుస్థిర ప్రభుత్వం కోసం పెనుగులాడుతోంది. ఎందుకంటే ప్రతిపక్షం సార్వత్రిక ఎన్నికల డిమాండ్ను పునరుద్ఘాటించింది. బ్రిటన్ మాజీ ప్రధాని బోరిస్ జాన్సన్ కూడా తాను అందుకు సిద్ధంగా ఉన్నాననీ.. ప్రధాని రేసులో ప్రవేశించడానికి తన అభిప్రాయం వ్యక్తం చేశారు. ఈ క్రమంలోనే ఆయన కరేబియన్ దీవులకు వెళ్లిన ఆయన.. తాజాగా బ్రిటన్ కు హుటాహుటిన తిరిగివచ్చారు.
కాగా, ఆ దేశ మాజీ ఆరోగ్య కార్యదర్శి మాట్ హాన్కాక్ కూడా సునక్కు తన మద్దతును ధృవీకరించారు. ఆయన ట్విట్టర్ లో "నేను ప్రభుత్వంలో బోరిస్, రిషి & పెన్నీలతో చాలా సన్నిహితంగా పనిచేశాను. నేను ముగ్గురినీ అభినందిస్తున్నాను. నేడు మనం ఎదుర్కొంటున్న సవాళ్లతో కలిసి ముందుకు సాగాల్సిన అవసరం ఉంది. ఆర్థిక సంక్షోభం, అధికార నాయకత్వాన్ని పునరుద్ధరించాల్సిన అవసరం ఉంది. రిషి సునక్ మన దేశాన్ని నడిపించే ఉత్తమ వ్యక్తి. . నేను రిషికి ఓటు వేస్తున్నాను & మీరు కూడా చేస్తారని ఆశిస్తున్నాను" అని ఆయన పేర్కొన్నారు. మరో నాయకుడు టోరీ ఎంపీ నిగెల్ మిల్స్.. నాయకత్వ పోటీలో సునక్కు మద్దతు ఇవ్వకపోవడం పొరపాటు అని అన్నారు.
మిల్స్ ట్వీట్ చేస్తూ, "కొన్ని వారాల క్రితం నేను నా మనసు మార్చుకున్నాను.. రిషి సునక్కు మద్దతు ఇవ్వలేదు. నేను మళ్లీ అదే తప్పు చేయడం లేదు.. అతను స్పష్టంగా ప్రధానమంత్రి, మనం స్థిరత్వాన్ని పునరుద్ధరించడానికి.. దేశం ఎదుర్కొంటున్న అనేక తీవ్రమైన సవాళ్లను ఎదుర్కోవాల్సి ఉంది" అని పేర్కొన్నారు.
