ఇజ్రాయిల్ లో మరో కొత్త వేరియంట్ వెలుగులోకి వచ్చింది. ఇద్దరు ప్రయాణికుల్లో అది కనిపించింది. ఒమిక్రాన్ లోని రెండు ఉపవేరియంట్ ల కలయికతో ఈ వేరియంట్ ఏర్పడింది. అయితే దీంతో భయపడాల్సిన పనిలేదని అంటున్నారు.
న్యూఢిల్లీ : israelలో కొత్త covid variant వెలుగులోకి వచ్చింది. ఇద్దరు వ్యక్తుల్లో ఈ new variant ను కనిపెట్టినట్టు ఇజ్రాయెల్ ప్రకటించింది. "ఈ వేరియంట్ ఉన్నట్టుగా ఇప్పటికి ప్రపంచంలో ఎవ్వరికీ తెలియదు" అని ఇజ్రాయెల్ ఆరోగ్య మంత్రిత్వ శాఖ ఒక ప్రకటనలో తెలిపింది. అయితే ఇజ్రాయెల్ పాండమిక్ రెస్పాన్స్ హెడ్ మాత్రం ఈ కొత్త వేరియంట్ గురించి అంతగా భయాందోళనలు పడొద్దని చెబుతున్నారు.
దీనికి సంబంధించిన వివరాలు ఉన్నాయి. ఇజ్రాయిల్ లో బయటపడ్డ కోవిడ్ కొత్త వేరియంట్ కోవిడ్-19 ఓమిక్రాన్ వెర్షన్ లోని రెండు ఉప-వేరియంట్లైన BA.1, BA.2 కలిపి ఏర్పడింది. డెల్టాఓమిక్రాన్ వేరియంట్లను కలిపి "డెల్టాక్రాన్" ఏర్పాడినట్టు.. ఈ రెండు వేరియంట్లు కలిసి ఇప్పుడో కొత్త హైబ్రిడ్ వెర్షన్లు ఏర్పడింది. ఇలాంటివి ఇదివరకు ఏర్పడివాటిల్లోనూ కనిపించాయి.
లక్షణాలు : ఈ కొత్త వేరియంట్ బయటపడిన వారిలో స్వల్ప లక్షణాలే కనిపించాయని భయపడాల్సిన అవసరం లేదని అన్నారు. తేలికపాటి జ్వరం, తలనొప్పి, కండరాల బలహీనతలాంటివి కనిపిస్తాయన్నారు. వీటి బారిన పడిన ఇద్దరికి ప్రత్యేకమైన వైద్య సహాయం ఏమీ అవసరం లేదని ఇజ్రాయెల్ ఆరోగ్య మంత్రిత్వ శాఖ తెలిపింది.
న్యూ వేరియంట్ ను ఎలా కనిపెట్టారంటే..
ఇజ్రాయెల్లోని బెన్ గురియన్ విమానాశ్రయానికి వచ్చిన ప్రయాణికులకు PCR పరీక్షలు నిర్వహించే సమయంలో ఇద్దరు ప్రయాణీకులలో వేరియంట్ బయటపడింది.ఇజ్రాయెల్ ఆన్ ది న్యూ వేరియంట్ : "కలిపి వేరియంట్ల దృగ్విషయం అందరికీ తెలుసు" అని ఇజ్రాయెల్ కోవిడ్ రెస్పాన్స్ హెడ్ సల్మాన్ జర్కా అన్నారు. "ఈ దశలో, ఇది తీవ్రమైన కేసులకు దారితీస్తుందనే దాని గురించి మేం ఆందోళన చెందడం లేదు," అని ఆయన అన్నారు. ప్రపంచవ్యాప్తంగా కరోనా మహమ్మారి తగ్గుముఖం పడుతుందని ఊపిరి పీల్చుకుంటున్న సమయంలో ఇది కాస్త ఆందోళనను కలిగించే విషయమే. అయితే భయపడాల్సిందేమి లేదని చెబుతున్నారు. ఇజ్రాయెల్లోని ఇతర వైవిధ్యాలు : జనవరిలో, ఇజ్రాయెల్ లో మొదటి "ఫ్లోరోనా"వ్యాధి నమోదు అయ్యింది. ఇది COVID-19, ఇన్ఫ్లుఎంజా రెండూ కలిసిన డబుల్ ఇన్ఫెక్షన్.
