మంచులో కూరుకుపోయిన వ్యక్తిని కాపాడిన సంచలన వీడియో వైరల్.. నిమిషాల్లో ప్రాణాలు నిలిపాడు
మంచులో కూరుకుపోయిన ఓ వ్యక్తిని అటు వైపుగా వెళ్లిన మరో వ్యక్తి కాపాడిన విధాన్ని ఆయన తలకున్న క్యామెరా క్యాప్చర్ చేసింది. క్షణాల్లోనే మనిషి ప్రాణాలను కాపాడిన ఆ వ్యక్తిని రియల్ హీరో అని నెటిజన్లు పొగుడుతున్నారు.
న్యూఢిల్లీ: అడుగుల్లోతు మంచులో కూరుకుపోయిన ఓ వ్యక్తిని కాపాడిన నాటకీయ వీడియో సోషల్ మీడియాలో సంచలనంగా మారింది. ఫుల్ వైరల్ అయింది. వాషింగ్టన్ నార్త్ వెస్ట్‌‌లోని మౌంట్ బేకర్ స్కీ ఏరియా గుండా ఆ వ్యక్తి రైడింగ్ చేస్తూ కిందికి వెళ్లుతున్నప్పుడు స్నోబోర్డ్ మంచులో నుంచి బయటకు కనిపించింది. ఆ స్నోబోర్డ్ ఉపయోగించిన వ్యక్తి బహుశా ఆ మంచులో కూరుకుపోయి ఉంటాడని ఊహించాడు. వెంటనే అక్కడ మంచు తవ్వి పోశాడు. కొన ఊపిరితో కొట్టమిట్టాడుతున్న వ్యక్తి ప్రాణాలను నిమిషాల్లోనే కాపాడాడు. ఈ సహాయక చర్య చేపట్టిన వ్యక్తి తలకు బిగించిన క్యామెరా ఈ నాటకీయ విజువల్స్‌ క్యాప్చర్ చేసింది.
ఫ్రాన్సిస్ జుబేర్ అనే వ్యక్తి స్నోబోర్డ్ పై వేగంగా వెళ్లుతున్నాడు. ఇంతలో ఓ చెట్టు వద్ద ఆయనకు మంచులో నుంచి బయటకు కనిపించిన ఓ స్నోబోర్డ్ కనిపించింది. వెంటనే అక్కడ అనుమానంతో ఆగాడు. ఆ చెట్టు పక్కనే మంచులో ఒకరు కూరుకుపోయి ఉంటాడని అనుమానించాడు. కేక వేశాడు. కానీ, ఏ సమాధానం రాలేదు. అంతే వేగంగా చేతులతోనే మంచు పక్కకు తవ్వి తీశాడు. ఇలా తీస్తుండగా ఓ వ్యక్తి చేతులు కనిపించాయి.
Also Read: వైసీపీ విముక్త ఆంధ్రప్రదేశ్ మా ఎజెండా: జేపీ నడ్డాతో భేటీ అనంతరం పవన్ కళ్యాణ్.. పొత్తులపై వ్యాఖ్య
ఎలా ఉన్నావు? శ్వాస తీసుకుంటున్నవా? అని మళ్లీ కేకలు పెట్టాడు. కానీ, అటు వైపు నుంచి ఏ సమాధానం రాలేదు. మళ్లి కొంత తవ్వి.. ఆ వ్యక్తి ముఖం వరకు మంచు తవ్వేశాడు. ముఖం నుంచి ముఖ్యంగా నోటి నుంచి మంచును తొలగించి ఆ వ్యక్తి శ్వాసించడానికి మార్గం సుగమం చేశాడు.
ఆ వెంటనే తన బ్యాగ్‌లో నుంచి మంచును తోడే షాల్ తీశాడు. వేగంగా మంచును తొలగించాడు. అప్పుడు ఆ వ్యక్తి అందులో నుంచి ప్రాణాలతో బయటపడ్డాడు.
ఈ వీడియో సోషల్ మీడియాలో దుమారం రేపింది. బాధితుడిని ఇయాన్ స్టేజర్‌గా గుర్తించారు. కాపాడిన వ్యక్తి ఫ్రాన్సిస్ జుబేర్‌ను రియల్ హీరోగా నెటిజన్లు కొలిచారు. చాలా మంది జుబేర్‌ను ప్రశంసించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
