కొంతమంది జీవితాంతం కష్టపడినా..  ఎక్కువగా సంపాదించుకోలేరు. కానీ.. కొందరు మాత్రం అదృష్టంతో కోట్లు సంపాదించేసుకుంటారు. తాజాగా.. ఓ వ్యక్తికి అలాంటి అదృష్టమే తలుపుతట్టింది. ఉల్కపాతం వల్ల ఓ యువకుడు రాత్రికి రాత్రే కోటీశ్వరుడయ్యాడు. ఈ సంఘటన ఇండోనేషియాలో చోటుచేసుకోగా.. పూర్తి వివరాలు ఇలా ఉన్నాయి.

 జోసువా హుటగలుంగ్‌ అనే వ్యక్తి ఇండోనేషియా ఉత్తర సుమిత్రాలోని కోలాంగ్‌లో నివాసం ఉంటున్నాడు. శవపేటికలు తయారు చేస్తూ.. కుటుంబాన్ని పోషించేవాడు. ఈ క్రమంలో  కొద్ది రోజుల క్రితం ఇంట్లో శవపేటిక తయారు చేస్తుండగా ఇంటి పై కప్పు మీద ఏదో పడినట్లు శబ్దం వినిపించింది.

ఏంటా ఆ శబ్దం అని చూస్తే.. ఓ రాయి కనిపించింది. ఆ రాయి చాలా వేడిగా అనిపించింది. చాలా సేపటి తర్వాత అది ఓ స్పేస్ రాయిగా అతనికి అర్థమయ్యింది. దాని ధర ఇప్పుడు రూ.13కోట్లు పలుకుతోంది. దీంతో.. తన జీవితం మొత్తం మారిపోయిందని సంతోషం వ్యక్తం చేస్తున్నాడు.

కాగా.. దీనిపై శాస్త్రవేత్తలు మాట్లాడుతూ.. ఈ ఉల్క క్వాలిటీ, పరిమాణాన్ని బట్టి దాని ధర నిర్ణయించబడుతుంది అంటున్నారు శాస్త్రవేత్తలు. ఇక స్వచ్ఛతని బట్టి దీని విలువ గ్రాముకు 0.50-50 అమెరికన్‌ డాలర్లుగా ఉంటుందని తెలిపారు. ఈ అరుదైన లోహాలకు గరిష్టంగా గ్రాముకు 1000 డాలర్లు కూడా చెల్లిస్తారని తెలిపారు.

ఇక జోసువాకు దొరికిన స్పేస్‌ రాక్‌ 4.5 బిలయన్‌ సంవత్సరాల క్రితం నాటిదని.. ఇది సీఎం1/2 కార్బోనేషియస్ కొండ్రైట్‌ వర్గానికి చెందిన అరుదైన స్పేస్‌ రాక్‌ అని తేలింది. ఇక దీని ధర గ్రాముకు 857 అమెరిన్‌ డాలర్లు పలుకుతుందని.. మొత్తం చూస్తే.. 1.85 అమెరికన్‌ డాలర్లు (మన కరెన్సీలో సుమారు 137437517.50 రూపాయల)విలువ చేస్తుందని తెలిపారు శాస్త్రవేత్తలు.