హమాస్ దాడులకు భారత్-మిడిల్ ఈస్ట్ ఎకనామిక్ కారిడార్ కారణం.. జో బైడెన్ సంచలన వ్యాఖ్యలు
Israel-Gaza War : హమాస్-ఇజ్ర‌యెల్ యుద్ధం గురించి మాట్లాడుతూ అమెరికా అధ్యక్షుడు జో బైడెన్ సంచలన వ్యాఖ్యలు చేశారు. ఇజ్రాయెల్ పై హమాస్ దాడికి భారత్-మిడిల్ ఈస్ట్-యూరప్ ఎకనామిక్ కారిడార్ పురోగతి ఒక కారణం కావచ్చునని అన్నారు. ఇదే త‌ర‌హా వ్యాఖ్యలు చేయడం వారం రోజుల వ్యవధిలో ఇది రెండోసారి కావ‌డం గ‌మ‌నార్హం. ఈ కారిడార్ రెండు ఖండాల్లో పెట్టుబడులకు అవకాశాలను పెంచుతుందని బైడెన్ ఇటీవల ప్రశంసించారు.
FollowUS President Joe Biden on Israel-Gaza War: హమాస్-ఇజ్ర‌యెల్ యుద్ధం గురించి మాట్లాడుతూ అమెరికా అధ్యక్షుడు జో బైడెన్ సంచలన వ్యాఖ్యలు చేశారు. ఇజ్రాయెల్ పై హమాస్ దాడికి భారత్-మిడిల్ ఈస్ట్-యూరప్ ఎకనామిక్ కారిడార్ పురోగతి ఒక కారణం కావచ్చునని అన్నారు. ఇదే త‌ర‌హా వ్యాఖ్యలు చేయడం వారం రోజుల వ్యవధిలో ఇది రెండోసారి కావ‌డం గ‌మ‌నార్హం.
ఇజ్రాయెల్-పాలస్తీనా వివాదం నేపథ్యంలో కొన‌సాగుతున్న హమాస్-ఇజ్ర‌యెల్ వారు కార‌ణంగా రెండు ప్రాంతాల్లో పెద్ద‌మొత్తంలో ప్రాణ-ఆస్తి న‌ష్టం సంభ‌విస్తోంది. గాజాలో రూపురేఖ‌లు పూర్తిగా మారిపోయి. వేల మంది పౌరులు ప్రాణాలు కోల్పోయారు. అయితే, ఈ యుద్ధంపై అమెరికా అధ్యక్షుడు జో బైడెన్ మ‌రోసారి స్పందిస్తూ.. ఇజ్రాయెల్ పై హమాస్ ఉగ్రవాద దాడికి ఇండియా-మిడిల్ ఈస్ట్-యూరప్ ఎకనామిక్ కారిడార్ కారణం కావచ్చునని పేర్కొన్నారు. ప్రాంతం మొత్తాన్ని రైల్ రోడ్ నెట్ వర్క్ తో అనుసంధానించే ప్రతిష్టాత్మక భారత్-మిడిల్ ఈస్ట్-యూరప్ ఎకనామిక్ కారిడార్ పై ఇటీవల న్యూఢిల్లీలో జరిగిన జీ-20 శిఖరాగ్ర సమావేశంలో చేసిన ప్రకటనే కారణమని తాను నమ్ముతున్నానని చెప్పారు.
అక్టోబర్ 7న హమాస్ ఉగ్రవాదులు జరిపిన దాడుల్లో 1,400 మందికి పైగా ప్రాణాలు కోల్పోయిన నేపథ్యంలో ఇజ్రాయెల్ ఆ దేశంపై భారీ ఎదురుదాడికి దిగింది. పర్యటనలో ఉన్న ఆస్ట్రేలియా ప్రధాని ఆంథోనీ అల్బనీస్ తో కలిసి సంయుక్త విలేకరుల సమావేశంలో బైడెన్ మాట్లాడుతూ తన విశ్లేషణ తన ప్రవృత్తిపై ఆధారపడి ఉంద‌నీ, దీనికి ఎలాంటి ఆధారాలు లేవని చెప్పారు. "హమాస్ దాడి చేసినప్పుడు ఒక కారణమని నేను నమ్ముతున్నాను, దీనికి నా వద్ద ఎటువంటి ఆధారాలు లేవు, నా ప్రవృత్తి మాత్రమే ఇలా చెబుతోంది.. ఇజ్రాయెల్ కోసం ప్రాంతీయ సమైక్యత, మొత్తంగా ప్రాంతీయ సమైక్యత దిశగా మేము సాధిస్తున్న పురోగతి కావ‌చ్చు.. అయినా ఆ పనిని వదిలేయలేం' అని బైడెన్ స్పష్టం చేశారు.
హమాస్ ఉగ్రవాద దాడికి భారత్-మిడిల్ ఈస్ట్-యూరప్ ఎకనామిక్ కారిడార్ (ఐఎంఈఈసీ) కారణమని బైడెన్ పేర్కొనడం వారం రోజుల వ్యవధిలో ఇది రెండోసారి. చైనా బెల్ట్ అండ్ రోడ్ ఇనిషియేటివ్ కు ప్రత్యామ్నాయంగా పలువురు భావిస్తున్న ఈ కొత్త ఎకనామిక్ కారిడార్ ను సెప్టెంబర్ లో జరిగిన జీ20 సదస్సు సందర్భంగా అమెరికా, భారత్, సౌదీ అరేబియా, యునైటెడ్ అరబ్ ఎమిరేట్స్, ఫ్రాన్స్, జర్మనీ, ఇటలీ, యూరోపియన్ యూనియన్ నేతలు సంయుక్తంగా ప్రకటించారు. ఈ కారిడార్ లో భారతదేశాన్ని గల్ఫ్ ప్రాంతంతో కలిపే తూర్పు కారిడార్, గల్ఫ్ ప్రాంతాన్ని ఐరోపాతో కలిపే ఉత్తర కారిడార్ ఉన్నాయి.
గత కొన్ని వారాలుగా జోర్డాన్ రాజు అబ్దుల్లా, ఈజిప్టు అధ్యక్షుడు సీసీ, పాలస్తీనా అథారిటీ అధ్యక్షుడు అబ్బాస్, సౌదీ అరేబియా యువరాజుతో సహా ఈ ప్రాంతంలోని నాయకులతో మాట్లాడాననీ, పాలస్తీనా ప్రజల ఆకాంక్షలు భాగం కావాలని పట్టుబడుతూ ఇజ్రాయెల్ కు మరింత సమగ్రత కోసం కృషి చేయాల్సిన అవసరం గురించి ఈ ప్రాంతంలో మంచి భవిష్యత్తు కోసం నిజమైన ఆశ ఉందని నిర్ధారించుకున్నానని బైడెన్ చెప్పారు. కాగా, ఈ కారిడార్ రెండు ఖండాల్లో పెట్టుబడులకు అవకాశాలను పెంచుతుందని బైడెన్ ఇటీవల ప్రశంసించారు. మరింత సుస్థిరమైన, సమీకృత మిడిల్ ఈస్ట్ ను నిర్మించే ప్రయత్నంలో భాగంగానే ఈ రైల్ పోర్టు ప్రాజెక్టును చేపట్టినట్లు ఆయన తెలిపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
