కుప్పకూలిన బాల్టిమోర్ లోని ఫ్రాన్సిస్ స్కాట్ కీ బ్రిడ్జి.. వీడియోలు వైరల్..
ఓ భారీ కార్గో షిప్ ఢీకొట్టడంతో అమెరికా మేరీల్యాండ్ లోని బాల్టిమోర్ లోని ఫ్రాన్సిస్ స్కాట్ కీ బ్రిడ్జి కుప్పకూలింది. ఆ సమయంలో బ్రిడ్జిపై ప్రయాణిస్తున్న వాహనాలు కూడా నీటిలో పడిపోయాయి.
 )
Followఅమెరికా మేరీల్యాండ్ లోని బాల్టిమోర్ లోని ఫ్రాన్సిస్ స్కాట్ కీ బ్రిడ్జి మంగళవారం తెల్లవారుజామున కుప్పకూలింది. ఓ భారీ నౌక ఢీకొనడంతో బిడ్జిలోని ఒక భాగం కూలిపోయింది. దీంతో దానిపై ఉన్న పలు వాహనాలు కింద నీటిలో పడిపోయాయి. తెల్లవారు జామున 1.30 గంటల ప్రాంతంలో జరిగిన ఈ ఘటన నగరంలో ప్రకంపనలు సృష్టించింది. అయితే బ్రిడ్జి కుప్పకూలిపోతున్న సమయంలో తీసిన పలు వీడియోలు ఇప్పుడు సోసల్ మీడియాలో వైరల్ గా మారాయి.
బాల్టిమోర్ లోని ప్రయాణికులకు కీలకమైన బ్రిడ్జి ఇది. ఆ బ్రిడ్జి కింది నుంచి భారీ షిప్ లు రాకపోకలు సాగిస్తుంటాయి. ఈ క్రమంలో ఓ భారీ కార్గో షిప్ కూడా బ్రిడ్జి కింది నుంచి వెళ్తున్న క్రమంలో నీటిలో ఉన్న ఓ పిల్లర్ ను ఢీకొట్టింది. దీంతో భారీ అగ్నిప్రమాదం సంభవించింది. క్షణాల్లోనే బ్రిడ్జిలో ఉన్న పలు భాగాలు కూలిపోయాయి. శిథిలాలు నీటిలోకి పడిపోయాయి.
ఈ ప్రమాదం జరిగిన సమయంలో పలు వాహనాలు ఆ బ్రిడ్జి పై నుంచి రాకపోకలు సాగిస్తున్నాయి. అయితే బ్రిడ్జి కూలిపోవడంతో ఆ వాహనాలు కూడా నీటిలో పడిపోయాయి. ఈ ఘటన నేపథ్యంలో ఫ్రాన్సిస్ స్కాట్ కీ బ్రిడ్జిని మూసివేస్తున్నట్లు మేరీల్యాండ్ ట్రాన్స్పోర్టేషన్ అథారిటీ ప్రకటించింది.
అయితే ఈ ప్రమాదంలో ప్రాణ నష్టం జరిగిందా ? లేదా అన్నది ఇంకా తెలియాల్సి ఉంది. నష్టాన్ని అంచనా వేయడానికి, బాధితుల భద్రతను నిర్ధారించడానికి అత్యవసర సిబ్బంది పని చేస్తున్నారు. కాగా.. ఈ ప్రాంత రవాణా నెట్ వర్క్ లో కీలకమైన లింక్ అయిన ఈ బ్రిడ్జి కూలిపోవడం వల్ల ప్రయాణికులకు, అక్కడ జరిగే వ్యాపారాలకు తీవ్రమైన అంతరాయాలు ఏర్పడతాయని భావిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
