ప్రపంచ కుబేరుడు ఎలాన్ మస్క్ తొలిసారిగా రాజకీయాలపై ట్వీట్ చేశారు. అమెరికాలో మధ్యంతర ఎన్నికల నేపథ్యంలో ఆయన నుంచి ఈ ట్వీట్ వచ్చింది. ఈ ఎన్నికల్లో అమెరికా వాసులు రిపబ్లికన్లకు ఓటు వేయాలని కోరారు.
ప్రముఖ మైక్రో బ్లాగింగ్ సోషల్ మీడియా సైట్ ట్విట్టర్ ను కొనుగోలు చేసి, భారీ మార్పులు తీసుకొస్తూ ప్రపంచ వ్యాప్తంగా వార్తల్లో నిలుస్తున్న ప్రపంచ కుబేర వ్యాపారవేత్త ఎలాన్ మస్క్ తాజాగా రాజకీయాలపై దృష్టి సారించారు. మొట్ట మొదటి సారిగా రాజకీయాలకు సంబంధించిన ట్వీట్ చేశారు. అందులో అమెరికాలో నవంబర్ 8న జరగనున్న మధ్యంతర ఎన్నికల్లో రిపబ్లికన్లకు మద్దతు ఇవ్వాలని ఆయన సోమవారం తన ట్విట్టర్ ఖాతా ద్వారా అమెరికన్లను కోరారు. ఆయన ట్వీట్ పై సోషల్ మీడియాలో యూజర్లు స్పందిస్తున్నారు.
అందులో ఆయన కఠినమైన డెమొక్రాట్లు లేదా రిపబ్లికన్లు ఎప్పుడూ ఇతర వైపునకు ఓటు వేయరని అన్నారు. కాబట్టి స్వతంత్ర ఓటర్లు నిజంగా ఎవరు బాధ్యత వహించాలో నిర్ణయిస్తారని మస్క్ అన్నారు. కాగా.. మధ్యంతర ఎన్నికలకు ముందు డెమొక్రాట్లు, రిపబ్లికన్లు ఈరోజు చివరిసారిగా ప్రచారం నిర్వహించారు. బిడెన్ అధ్యక్ష పదవిని ప్రభావితం చేసే ఈ ఎన్నికలు ఉక్రెయిన్కు పాశ్చాత్య మద్దతును అణగదొక్కే అవకాశం కనిపిస్తోంది. డొనాల్డ్ ట్రంప్ తిరిగి వచ్చే ప్రయత్నానికి కూడా మార్గం తెరవొచ్చు. ప్రారంభ ఓటింగ్ ఎంపికల ద్వారా 40 మిలియన్లకు పైగా బ్యాలెట్లు వేశారు. అంటే ప్రపంచంలోని అతిపెద్ద ఆర్థిక వ్యవస్థ అయిన అమెరికాను పాలించేది ఎవరన్నది ఇప్పటికే నిర్ణయించబడింది. దేశవ్యాప్తంగా మంగళవారం ప్రారంభమయ్యే పోలింగ్కు మరికొన్ని గంటలు మాత్రమే మిగిలి ఉన్నాయి.
పాకిస్తాన్ పోలీసుల బ్యాంకు ఖాతాల్లో కోట్లు వచ్చి పడ్డాయి.. షాక్లో అధికారులు.. అసలేం జరిగింది?
కోవిడ్ -19 వ్యాప్తి, ఉక్రెయిన్పై రష్యా దాడి తరువాత ప్రపంచ ఆర్థిక వ్యవస్థ మందగిస్తున్న కీలక సమయంలో యుఎస్ మధ్యంతర ఎన్నికలు జరుగుతున్నాయి. యూఎస్ రికార్డు స్థాయిలో ద్రవ్యోల్బణం, నిరుద్యోగంలో పెరుగుదల వంటి సమస్యలు ఎదుర్కొంటున్న ప్రస్తుత తరుణంలో అధ్యక్షుడు జో బిడెన్ ప్రజాదరణ క్రమంగా క్షీణిస్తోంది. అధికారులతో తన గొడవల మధ్య, డొనాల్డ్ ట్రంప్ కూడా రాజకీయాల్లోకి తిరిగి రావడానికి కూడా ప్రయత్నిస్తున్నారు.
ప్రపంచంలోని అత్యంత ధనవంతుడు ఎలాన్ మస్క్ తన సంస్థ ద్వారా అనియంత్రిత స్వేచ్ఛా వ్యక్తీకరణను సమర్థించిన నేపథ్యంలో ఆయన ఈ ట్వీట్ చేశారు. కాగా ఆయన ట్వీట్ పై సోషల్ మీడియాలో భిన్న స్పందనలు వస్తున్నాయి.
