Congo Train Accident: డెమోక్రటిక్ రిపబ్లిక్ ఆఫ్ కాంగోలో ఘోర రైలు ప్రమదం జరిగింది. ఈ రైలు ప్రమాదంలో 60 మందికి పైగా ప్రయాణికులు మరణించారు. రైలు పట్టాలు తప్పడం వల్ల ఈ ప్రమాదం జరిగినట్లు స్థానిక మీడియా వెల్లడించింది.
Congo Train Accident: ఆగ్నేయ డెమోక్రటిక్ రిపబ్లిక్ ఆఫ్ కాంగో లో ఘోర రైలు ప్రమాదం జరిగింది. ఈ ఘటనలో 60 మందికి పైగా ప్రయాణికులు మరణించినట్లు ఆ రాష్ట్ర రైల్వే సంస్థ తెలిపింది. లుయెన్ నుంచి టెంకే పట్టణం వైపు ప్రయాణిస్తున్న రైలు.. బయోఫ్వే గ్రామం సమీపంలో పట్టాలు తప్పింది. ఈ ప్రమాద సమయంలో రైలుకు 15 బోగీలు ఉండగా.. అందులో ఏడు రైలు బోగీలు పక్కనే ఉన్న లోయలో పడిపోయాయని అధికారులు తెలిపారు. ఇప్పటి వరకూ 61 మంది మరణించారనీ, మరో 52 మంది గాయపడ్డారని, మృతుల సంఖ్య ఇంకా పెరిగే అవకాశం ఉంది. సహాయక చర్యలు కొనసాగుతున్నాయని ప్రావిన్షియల్ గవర్నర్ ఫిఫీ మసుకాను స్థానిక మీడియాతో పేర్కొన్నారు.
మరో ప్రాంతీయ అధికారి జీన్-సెర్జ్ లుము విలేకరులతో మాట్లాడుతూ.. ఏడు మృతదేహాలను బాధిత కుటుంబాలు అప్పగించమనీ, మరో 53 మృత దేహాలను గుర్తిస్తున్నారనీ తెలిపారు. దేశంలోని సరస్సులు, నదులపై ఓవర్లోడ్ చేయబడిన పడవలు ఓడలు ధ్వంసమైనట్లు DRCలో రైలు పట్టాలు తప్పడం సర్వసాధారణం. ఇక్కడ ప్యాసింజర్ రైళ్లు లేక వెళ్లేందుకు వీలుగా రోడ్లు లేకపోవడంతో ప్రజలు ఎక్కువ దూరం ప్రయాణించేందుకు గూడ్స్ రైళ్లను ఉపయోగిస్తున్నారు. గత అక్టోబర్లో ఇదే ప్రావిన్స్లోని ముత్సత్షా ప్రాంతంలోని కెంజెంజ్ నగరంలో రైలు పట్టాలు తప్పడంతో తొమ్మిది మంది మరణించారు.
2019లో, కసాయి ప్రావిన్స్లోని బెనా లేకా సెటిల్మెంట్లో స్టోవావేలను తీసుకువెళుతున్న గూడ్స్ రైలు పట్టాలు తప్పడంతో జరిగిన ప్రమాదంలో కనీసం 24 మంది మరణించారు మరియు 31 మంది గాయపడ్డారు. మరింత సమాచారం తెలియాల్సి ఉంది.
