ఫ్లైట్‌లో టాయిలెట్ల సమస్య.. అర్ధంతరంగా వెనుదిరిగిన విమానం
ఆస్ట్రియా నుంచి న్యూయార్క్‌కు బయల్దేరిన ఆస్ట్రియన్ ఎయిర్‌లైన్ విమానంలో టాయిలెట్ల సమస్య తలెత్తింది. సాంకేతిక సమస్య వల్ల టాయిలెట్‌లను ఫ్లష్ చేయడం సాధ్యం కాలేదు. దీంతో రెండు గంటలు ప్రయాణం చేసిన ఆ ఫ్లైట్ యూటర్న్ తీసుకుని తిరిగి ఆస్ట్రియాకు వచ్చేసింది.
Followవియన్నా: యూరప్ కంట్రీ ఆస్ట్రియా నుంచి అమెరికాలోని న్యూయార్క్‌కు ఫ్లైట్ బయల్దేరింది. అది 8 గంటల ప్రయాణం. ప్రయాణం మొదలు పెట్టిన రెండు గంటలకే ఆ ఫ్లైట్ యూటర్న్ తీసుకోవాల్సి వచ్చింది. ఆ ఫ్లైట్‌లో టాయిలెట్లు సరిగా ఫ్లష్ కావడం సాధ్యం కాలేదు. దీంతో ఆ విమానం మళ్లీ ఆస్ట్రియాకు యూటర్న్ తీసుకుంది.
ఆస్ట్రియన్ ఎయిర్‌లైన్స్‌కు చెందిన బోయింగ్ 777 ఫ్లైట్ సుమారు 300 మంది తో ఆస్ట్రియా నుంచి న్యూయార్క్ కు బయల్దేరింది. ఆ ఫ్లైట్‌లో ఎనిమిది టాయిలెట్లు ఉన్నాయి. సుమారు 300 మంది ప్రయాణికులతో ఆ ఫ్లైట్ న్యూయార్క్ దిశగా రెండు గంటలు ప్రయాణించింది. కానీ, అప్పుడే వారికి ఒక సమస్య కనిపించింది. ఆ ఫ్లైట్ లోని 8 టాయిలెట్లలో 5 టాయిలెట్లు సరిగా పని చేయడం లేదు. అవి సరిగా ఫ్లష్ కాలేకపోతున్నాయి. ఓ టెక్నికల్ సమస్య వళ్ల ఫ్లష్ చేయలేకపోయారని ఆస్ట్రియన్ ఎయిర్‌లైన్ ప్రతినిధి ఏఎఫ్‌పీకి మంగళవారం తెలిపారు.
ఆ ఫ్లైట్ వెనక్కి వచ్చిన తర్వాత సమస్యను ఫిక్స్ చేశారు. ఇప్పుడు ఆ ఫ్లైట్ మళ్లీ సేవలు అందిస్తున్నది. టాయిలెట్ సమస్య పరిష్కృతమైంది.
Also Read: నైట్ స్ట్రిప్ క్లబ్‌లో గంటన్నరలో 22 షాట్లు.. బ్రిటీష్ టూరిస్ట్ మృతి.. ‘ఆల్కహాల్ పాయిజనింగ్’
కాగా, ఆ ఫ్లైట్ ప్రయాణికులు తమ జర్నీ పూర్తి చేసుకోలేకపోయారు. కాబట్టి వారు వియన్నా తిరిగి వచ్చిన తర్వాత వేరే ఫ్లైట్‌‌లలో బుక్ చేసుకుని వెళ్లిపోయారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
