అమెరికాలో కాల్పుల కలకలం.. బర్త్ డే సెలబ్రేషన్స్ లో ఏడుగురి మృతి
ఇప్పటికే చాలాసార్లు ఈ కాల్పుల ఘటన కారణంగా చాలా మంది ప్రాణాలు కోల్పోగా.. తాజాగా మరో ఏడుగురు ప్రాణాలు కోల్పోయారు. పుట్టిన రోజు వేడుకల్లో ఓ అంగతకుడు తుపాకీతో ప్రవేశించి బీభత్సం సృష్టించాడు.
అమెరికాలో మరోసారి కాల్పుల కలకలం చోటుచేసుకుంది. ఇప్పటికే చాలాసార్లు ఈ కాల్పుల ఘటన కారణంగా చాలా మంది ప్రాణాలు కోల్పోగా.. తాజాగా మరో ఏడుగురు ప్రాణాలు కోల్పోయారు. పుట్టిన రోజు వేడుకల్లో ఓ అంగతకుడు తుపాకీతో ప్రవేశించి బీభత్సం సృష్టించాడు.
పూర్తి వివరాల్లోకి వెళితే.. ఆదివారం అర్ధరాత్రి కొలరాడో మొబైల్‌ హోమ్‌ పార్క్‌లో జరిగిన పుట్టిన రోజు వేడుకల్లో ఓ దుండగుడు కాల్పులు జరుపడంతో ఏడుగురు మృతి చెందారు. ఆ తర్వాత దుండగుడు తనను తాను కాల్చుకొని ఆత్మహత్య చేసుకున్నాడు. మృతుల్లో ఒకరిది పుట్టిన రోజు వేడుక అని తెలిపారు. అయితే కాల్పులకు గల కారణాలేమిటో తెలియలేదని పోలీసులు పేర్కొన్నారు. మృతుల్లో పిల్లలు ఉన్నట్లు సమాచారం. ఈ ఘటనకు సంబంధించి పూర్తి వివరాలు తెలియాల్సి ఉంది.
ఇదిలా ఉండగా... మరో ప్రాంతంలో కూడా కాల్పులు జరిగినట్లు సమాచారం ఉంది. అక్కడ నలుగురు ప్రాణాలు కోల్పోయారు. ఉడ్‌ల్యాండ్‌లో పొరుగువారిపై పొరుగింటి వారిపై ఓ వ్యక్తి కాల్పులు జరుపడంతో ముగ్గురు మృతి చెందారు. నిందితుడిపై పోలీసులు ఎదురుకాల్పులు చేయగా.. దుండగుడు ప్రాణాలు కోల్పోయాడు. మొత్తంగా.. రెండు ఘటనలు కలిసి 12 మంది ప్రాణాలు కోల్పోయారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
