వేసవి కూడా మన మూత్రపిండాల ఆరోగ్యాన్ని దెబ్బతీస్తుందన్న సంగతి మీకు తెలుసా? అందుకే ఎండాకాలంలో మూత్రపిండాలను ఆరోగ్యంగా ఉంచుకోవడానికి ఈ చిట్కాలను పాటించాలని ఆరోగ్య నిపుణులు చెబుతున్నారు. 

ఎండలు మండుతున్నయ్. దీనివల్ల ఎన్నో రోగాలు వస్తాయి. ముఖ్యంగా మధ్యాహ్న సమయంలో బయటకు అసలే వెల్లకూడదు. ఈ సీజన్ వల్ల కూడా మూత్రపిండాల ఆరోగ్యం దెబ్బతింటుందని నిపుణులు చెబుతున్నారు. ముఖ్యంగా మధ్యాహ్న సమయంలో. పిల్లలు, వృద్ధులు, దీర్ఘకాలిక మూత్రపిండాల వ్యాధి (సికెడి), గుండె జబ్బులు, కాలేయ వ్యాధులు వంటి దీర్ఘకాలిక వ్యాధులు ఉన్నవారికి ఈ సీజన్ మరింత ప్రమాదకరం. ఎండాకాలంలో మూత్రపిండాల వ్యాధుల నుంచి దూరంగా ఉండాంటే ప్రత్యేక శ్రద్ధ తీసుకోవాలి. మూత్రపిండాల వ్యాధి లేని వ్యక్తులు కూడా వారి మూత్రపిండాలపై మరింత శ్రద్ధ పెట్టాల్సిన అవసరం ఉంది.

వేసవి కాలం మీ మూత్రపిండాలను ఎలా ప్రభావితం చేస్తుంది?

ఎండాకాలంలో చాలా మంది నిర్జలీకరణానికి గురవుతారు. ముఖ్యంగా వేడి కారణంగా. కానీ డీహైడ్రేషన్ ఎన్నో అనారోగ్య సమస్యలకు దారితీస్తుంది. వేసవిలో మిమ్మల్ని ప్రభావితం చేసే కొన్ని సాధారణ సమస్యలలో తీవ్రమైన మూత్రపిండాల వైఫల్యం, మూత్రపిండాల్లో రాళ్లే పెరగడం, మూత్ర మార్గ ఇన్ఫెక్షన్లు (యుటిఐలు) ఉన్నాయి. అంతేకాక శరీరంలో వాటర్ కంటెంట్ సరిగ్గా లేకుండా తీవ్రమైన వ్యాయామం చేస్తే కండరాల గాయం లేదా రాబ్డోమియోలిసిస్ కు దారితీస్తుంది. ఇది రక్తంలో కండరాల ప్రోటీన్ లీకేజీకి దారితీస్తుంది. ఫలితంగా తీవ్రమైన మూత్రపిండాల వైఫల్యానికి దారితీస్తుంది. ఇవన్నీ రాకుండా ఉండాలంటే ఈ సీజన్ లో ఎలాంటి జాగ్రత్లలు తీసుకోవాలో ఇప్పుడు తెలుసుకుందాం.. 

  • వేడిగా మరీ ఎక్కువగా ఉండే పూట ఇంట్లోనే ఉండండి.
  • మధ్యాహ్నం 12 నుంచి 4 గంటల సమయంలో ఎక్కువసేపు సూర్యరశ్మిలో ఉండకూడదు.
  • కనీసం SPF 3 లేదా అంతకంటే ఎక్కువ ఉన్న బ్రాడ్-స్పెక్ట్రం సన్ స్క్రీన్ ను ఉపయోగించండి.
  • కాటన్, తేలికపాటి బరువున్న దుస్తులనే ధరించండి.
  • నోరు, గొంతు పొడిబారడం, మూత్ర విసర్జన తగ్గడం లేదా ముదురు రంగు మూత్రం,అలసట పెరగడం, కండరాల తిమ్మిరి, మైకము, సక్రమంగా లేని లేదా వేగవంతమైన హృదయ స్పందన వంటి నిర్జలీకరణ సంకేతాలు.అందుకే ఈ సీజన్ లో నీళ్లను ఎక్కువగా తాగండి.
  • మూత్రం రంగు కూడా ఆర్ద్రీకరణ స్థాయిని తెలుపుతుంది. నిమ్మకాయ రంగు మూత్రం తగినంత ఆర్ద్రీకరణ స్థాయిని సూచిస్తుంది. నారింజ లేదా ఏదైనా ముదురు రంగు మూత్రం నిర్జలీకరణాన్ని సూచిస్తుంది.
  • దీర్ఘకాలిక అనారోగ్య సమస్యలు లేనివారు రోజుకు 7 నుంచి 2 లీటర్ల మధ్యలో నీటిని తాగాలి. 
  • దీర్ఘకాలిక మూత్రపిండాల వ్యాధి, గుండె జబ్బులు వంటి దీర్ఘకాలిక వ్యాధులు ఉన్నవారు రోజుకు ఎంత నీటిని తాగాలో డాక్టర్లను అడిగి తెలుసుకోవాలి. 
  • వేసవిలో హైడ్రేటెడ్ గా ఉండటం చాలా ముఖ్యం. కానీ మూత్రపిండాల వ్యాధి ఉన్న రోగులు ద్రవాలను తీసుకోవడం విషయంలో చాలా జాగ్రత్తగా ఉండాలి. 
  • వ్యాయామం చేసేవారు వ్యాయామానికి ముందు 9 మి.లీ నీటిని తాగాలి. ప్రతి 30 నిమిషాలకు నీటిని తాగుతూ ఉండాలి. 
  • తీవ్రమైన, దీర్ఘకాలిక వ్యాయామాలు చేసేవారు నీటితో పాటుగా గాటోరేడ్ వంటి స్పోర్ట్స్ డ్రింక్స్ ను కూడా తాగాలి. 
  • ఎండాకాలంలో ఆరుబయట పనిచేసే వ్యక్తులు తగినంత స్థాయిలో ఆర్ద్రీకరణను నిర్వహించడానికి ప్రతి 11 నిమిషాలకు 250 మి.లీ నీటిని తాగాలి. 
  • పుచ్చకాయ, పీచెస్, స్ట్రాబెర్రీ, చెర్రీస్, కీరదోసకాయ, పాలకూర వంటి వాటర్ కంటెంట్ ఎక్కువగా ఉండే పండ్లు, కూరగాయలను ఎక్కువగా తీసుకోవాలి.
  • కెఫిన్, చక్కెర కంటెంట్ ఎక్కువగా ఉన్న కార్బోనేటేడ్ పానీయాలను నివారించాలలి. ఎందుకంటే ఇవి ద్రవ రూపంలో ఉన్నప్పటికీ నిర్జలీకరణానికి కారణమవుతాయి. 
  • ఆల్కహాల్ ను ఎక్కువగా తాగకూడదు. ఎందుకంటే ఇది నిర్జలీకరణానికి దారితీస్తుంది. మూత్రపిండాల వ్యాధి ప్రమాదాన్ని పెంచుతుంది.
  • చిప్స్, రెడీ టు ఈట్ వంటి ప్రాసెస్డ్ ఫుడ్స్ లో ఉప్పు ఎక్కువగా ఉంటుంది. ఇవి డీహైడ్రేషన్ కు గురయ్యే అవకాశాలను పెంచుతాయి.