పిల్లలు అప్పుడే వద్దు అంటే...మెగా కోడలు ఉపాసనను ఫాలో అవ్వాల్సిందేనా..?
అసలు పిల్లలను కనే సామర్థ్యం మనలో ఉంటుందా అనే విషయాలను ఆలోచించడం లేదు. అందుకే.. తాము కెరీర్ లో స్థిరపడిన తర్వాతే.. పిల్లలను కనాలి అనుకునేవాళ్లు.. మెగా కోడలు ఉపాసన ను ఫాలో అవ్వాలి.
పూర్వకాలంలో ఆడపిల్లలు చిన్నపిల్లలుగా ఉండగానే పెళ్లిళ్లు చేసేవారు. వాళ్లకు పరీయడ్స్ రావడం మొదలవ్వగానే భర్త వద్దకు పంపించేవారు. దీంతో.. పది, పన్నెండేళ్లకే పిల్లలను కనేసేవారు. అంత చిన్న వయసులో పిల్లలను కనడం వల్ల... వారితో పాటు.. పుట్టిన బిడ్డలకు కూడా అనేక సమస్యలు వచ్చేవి. దీంతో.. జనాల్లో కొద్దిగా మార్పు రావడం మొదలైంది. ప్రభుత్వాలు సైతం కనీస పెళ్లి వయసు నిర్ణయించడంతో.. ఆ బాల్య వివాహాలు, చిన్న వయసులోనే పిల్లలు కనడం లో మార్పులు వచ్చాయి. కానీ.. ఇప్పుడు కాలం పూర్తిగా మారిపోయింది. కనీసం 30ఏళ్లు వచ్చేదాకా.. పెళ్లిళ్లే చేసుకోవడం లేదు. ఒక వేళ చేసుకున్నా.. పిల్లలను మాత్రం కనడం లేదు.
ఎందుకు అంటే... తమకు పిల్లలు మాత్రమే కాదు.. మా కెరీర్ కూడా ముఖ్యమే అంటున్నారు. ఇప్పుడు పిల్లలను కనేస్తే.. మా కెరీర్ ఏం కావాలి అని ఎదురు ప్రశ్నిస్తున్నారు. అది నిజమే కానీ.... ఆలస్యంగా పిల్లలను కంటే ఎన్ని సమస్యలు వస్తాయో తెలుసా? పుట్టే బిడ్డలకు, కనే తల్లులు ఎన్ని ఇబ్బందులు ఎదుర్కోవాలో తెలుసా? అసలు పిల్లలను కనే సామర్థ్యం మనలో ఉంటుందా అనే విషయాలను ఆలోచించడం లేదు. అందుకే.. తాము కెరీర్ లో స్థిరపడిన తర్వాతే.. పిల్లలను కనాలి అనుకునేవాళ్లు.. మెగా కోడలు ఉపాసన ను ఫాలో అవ్వాలి.
ఆమె.. తాజాగా.. ఓ మంచి విషయం చెప్పారు. కెరీర్ ని వదలుకోమని ఎవరూ చెప్పారు. ఆ కెరీర్ కోసం పిల్లలను ఆలస్యంగా కనాలి అనుకుంటే మాత్రం.. మీ అండాలను ముందుగానే ఫ్రీజ్ చేసుకోవాలని ఉపాసన సలహా ఇస్తున్నారు. అసలు.. అండాలను ఫ్రీజ్ చేసుకోవడం ఏంటి..? దాని వల్ల ఉపయోగం ఏంటో ఇప్పుడు చూద్దాం..
egg freezing
ఉదాహరణకు ఒక మహిళ 35 లేదంటే.. 40 ఏళ్లకు కెరీర్ లో తాను అనుకున్న స్థాయికి చేరుకుంది అనుకుందాం. అప్పుడు పిల్లలు పుట్టమంటే పుట్టకపోవచ్చు. 25ఏళ్ల వయసులో ఉండే అండం క్వాలిటీ 40ఏళ్లకు ఉండదు. బిడ్డ పుట్టినా కూడా.. ఎదుగుదల ఉంటుందనే గ్యారెంటీ ఇవ్వలేం. చాలా అనారోగ్య సమస్యలు వచ్చే అవకాశాలు ఉన్నాయి. అదే... మీరు మంచి వయసులో ఉన్నప్పుడే.. మీ అండాన్ని ఫ్రీజ్ చేసుకోవచ్చు. అలాంటి సదుపాయం ప్రస్తుతం అందుబాటులో ఉంది.
మీరు మళ్లీ తల్లి కావాలి అనుకున్నప్పుడు... ఫ్రీజ్ చేసుకున్న అండాన్ని తిరిగి మీ గర్భాశయంలోకి ప్రవేశపెడతారు. అప్పుడు క్వాలిటీ ఉన్న అండం ద్వారానే బిడ్డ తయారౌతుంది. దాని వల్ల.. పుట్టబోయే బిడ్డ ఆరోగ్యం విషయంలో చింత ఉండదు. మీరు మీ అండాన్ని ఫ్రీజ్ చేసుకోవాలని అనుకుంటే.. ముందుగా వైద్యలును సంప్రదించవచ్చు. వారి సలహా మేరకు ప్రోసిజర్ ఫాలో అయితే సరిపోతుంది.
