నాగచైతన్యతో పెళ్లి…శోభితా ఆ విషయంలో ట్రెండ్ సెట్ చేసిందిగా..!

అక్కినేని వారసుడు నాగ చైతన్య రెండో పెళ్లికి సిద్ధమయ్యారు. సమంతతో  విడాకులు తీసుకున్న తర్వాత శోభితా ధూళిపాళ్లతో ప్రేమలో పడిన చైతన్య నేడు అంటే.. డిసెంబర్ 4వ తేదీన ఏడు అడుగులు వేయనున్నారు. పెళ్లి చాలా తక్కువ మంది సమక్షంలో జరుగనుందని తెలుస్తోంది.

కాగా.. పెళ్లికి సంబంధించిన ఏర్పాట్లు మాత్రం అన్నీ పూర్తయ్యాయి. రీసెంట్ గా హల్దీ వేడుకలు కూడా ఘనంగా జరిపించారు. దీనికి సంబంధించిన ఫోటోలు కూడా వైరల్ అయ్యాయి. అయితే.. ఈ హల్దీ వేడుకల్లో శోభితా రెడీ అయిన విధానం చాలా మందికి విపరీతంగా నచ్చేసింది.

హల్దీకి ఎవరైనా పసుపు రంగు దుస్తులే ధరిస్తారు. అయితే శోభితా.. ఆమె హల్దీ వేడుకకు ధరించిన జ్యూవెలరీ మాత్రం చాలా హైలెట్ గా నిలిచింది. ఈ జనరేషన్ పిల్లలు అయితే.. కనీసం అలాంటి మోడల్స్ చూసి ఉండరు. కంప్లీట్ గా బంగారంతో చేసిన మోడల్స్. ఒక్క స్టోన్ కూడా లేకుండా.. ఉన్నాయి.

చెవులకు బంగారు బుట్టలు ధరించింది. మెడలో జ్యూవెలరీ కూడా పాత మోడల్సే. ఇవి.. శోభితా వాళ్ల అమ్మ, అమ్మమ్మ జ్యూవెలరీ కావడం విశేషం. ఈ కాలం అమ్మాయిలు.. ప్రతి ఫంక్షన్ కీ ట్రెండీగా ఉండేవి ధరించాలని అనుకుంటారు. కానీ.. శోభితా తన అమ్మమ్మ ల కాలం నాటి జ్యూవెలరీ ధరించి ట్రెండ్ సెట్ చేసింది. తన ఎంగేజ్మెంట్  రోజున కూడా.. అందరికంటే భిన్నంగా, సంపిల్ గా కనిపించి.. అందరి చేత వావ్ అనిపించుకుంది. మరి.. పెళ్లిలో ఇంకెంత అందంగా మెరుస్తుందో చూడాలి. పెళ్లికి కూడా కంచిపట్టు చీర కట్టుకుంటుందని, నాగచైతన్య పంచ కట్టుకునే అవకాశం ఉందని తెలుస్తోంది.